مدن فلوريدا

والله انا ودي في فلوريدا بس لقيت اسعارها نار

بكم اختي لقيتي اسعار السكن تقريبا في المدن الي كتبتيها

واتمنى من اعضاء المنتدى المساعده في الموضوع لاني برضو انا مهتم فيه

شكرا على سؤالك كانك سالتي بدالي

تقبلي مروري

منكم نستفيد
تمنياتى لكم بالتوفيق

وانا كمان مهتمه جدا بفلويدا واتمنى اي عضو يفيدنا
بس لو سمحتو انا اللي اعرفه انو ولايه فلوريدا موغاليه مرررررررررة مثل كاليفورنيا وهذا سبب اختياري لها وبعدين طبيعتها خلابه وهذا شي جميل فيها

فلوريدا جداً ممتازة

وبفكر أدرس فيها في إحدى الجامعتين university of florida or florida state university

الأسعار مو غالية قريبتي تقولي أختها تدرس هناك وعندها سكن لوحدها وجوال وسيارة وبنزين وكهرباء وماء كلهم بـ 1300 دولار تقريباً.


إن شاء الله أحد يفيدنا..

تحياتي

يعني يقدر الواحد يشتري سيآرة شي حلو

من وجهه نظري وبدون تحيز آعتقد ان ولايه فلوريدا من آفضل الولايات في امريكا وخصوصا لنا كسعوديين لآن الجو تقريبا زي جونا بس مع امطار متواصله طول الصيف وكمان وجود المناطق الترفيهيه وخصوصا للي معاهم اطفال ما راح يطفشوا ابدا. اما فيما يخص الاسعار الشقق فمعقوله جدا ومناسبه مع مكافاتنا والحياه فيها حلوه وكمان ناسها طيبين.
فيما يخص الجامعات فجامعه فلوريدا في جنيزفل تعتبر من اقوي الجامعات ومعهد اللغه فيها قوي بس كمان القبول فيها مو سهل زي ماقالي صاحبي وبعدها جامعه فلوريدا ستيت في تالاهاسي العاصمه جامعه سمعتها ممتازه بس معهدها ما يمدحونه فيه واحد صاحبي درس فيه وبعد شهر حول منه لجامعه ساوث فلوريدا اما الجامعه الثالثه في فلوريدا في جامعه سنتر فلوريدا في *اورلاندو مدينه المكي الماوس والدزني لاند معهدها طيب بس فيه عرب بشكل كبييير وزيها جامعه ساوث فلوريدا في تامبا معهدها قوي وثله خليجيين بس يساعدك علي تعلم الاسلوب الجامعي وقوي جدا في الكتابه وكمان فيه جامعه متخصصه في البزنس في تامبا اسمها جامعه تامبا بس مافيها معهد لغه رغم انه سمعت انهم راح يفتحوا واحد قريب واخيرا فيه جامعه ميامي في مدينه ميامي وهي جامعه قويه وسمعتها ممتازه
ارجوا اني اكون قد جاوبت علي استفساراتكم ولاتنسونا من دعواتكم في هذه الليالي المباركه

انا خبرتي في مدينة Gainsville مع معهد اللغة في جامعة UF : الجامعة تعتبر الاكبر في الولاية بين الجامعة الحكومية والاقدم واكثر عراقة فيها كليات مشورة في القوة الاكاديمية اتذكر منها المحاسبة بلا منازع كانت تعتبر مدرسة مستقلة في الجامعة أيضا اتذكر فيها الكليات الطبية والرياضة

المدينة جميلة جدا وصغيرة وسهلة والبنية التحتية رائعة فيها وفيها مسجدين واتذكر كان فيها محل فلافل لذيذ مقابل المسجد القديم قريب جدا من الجامعة

من الاشياء الجميلة في المدينة انها بعيدة عن الاعاصير التي تحدث في اورلاند وميامي وتامبا ، فيها نقل عام ممتتتتتتتتتتتتتتتتتاز جدا وجداول منتظمة بالمرة
السكن غالبا ممتازة واسعارها اتذكر في المتناول

طبعا كل الامور هذه اتكرها ايام احداث سبتمبر وكان تعامل الناس فيها رائع مع الاجانب

اذا انت بتدرسين بكالوريس كثير من الشباب كان يدرس في Community College لسببنين الاول سهولة الدراسة مقارنة بالجامعة وثانيا لان مرحلة اللغة ما تروح منك بحيث تعتبر لك كمواد في الجامعة وتحتك في كثير من الطلبة الامريكان

بعدها كان الشباب يحلون للجامعة بحيث يكون عملية القبول جدا سهلة بدون تعقيدات التوفل وغيرها ، ايضا كان هناك سبب اخر للشباب اللي يدرس على حسابه الخاص انها كانت رخيصة مقارنة بالجامعة

اذا جزمت ورحتي للمدينة سلمي عليها

مشكورين اخواني واخواتي على ردودكم الحلوه ..والله فلوريدا حلوه واسعار السكن شفتها بموقع بحطلكم اللنك تحت الموقع حلو تقدر تحط فيه الولايه واسم المدينه ونوع السكن يعني كم غرفه تبي وكمان تحدد السعر اللي تبيه يعني من كم لكم مثلا: نختار ولايه فلوريدا > مدينه تامبا > غرفتين > السعر من 100 الى 1000 يقوم يحط لك قائمه بالشقق وعلى فكره الشقق نكون مجمعات شقق وحلوه مره تقدر تشوف صور الشقق والأسعار والخدمات .
وبالنسبه للمدن اللي تكلمتو عنها انا عاجبتني gainesville و jackonsville و pensacola خاصه pensacola لأني اعرف وحده من هذي المدينه مررره تمدح فيها تراها حلوه ورخيصه وفيها تقدر تتمشى فيها ترفيه حلو وكمان ينقال فيها من اجمل شواطئ الولايه ...انا لسه اقلب موضوع اي مدينه اختار براسي لأني كنت ابي اكمل ماستر بكاليفورنيا بس مرره غاليه للي يروح بحسابه الخاص علشان كذا افكر اروح مدينه رخيصه لين ماالتحق بالبعثه واخلص معهد بعدين اقدم عالجامعه اللي ابيها يكون وفرت وماصرفت واجد على حسابي الخاص لين ماألحق لأن فيه مدن رخيصه وحلوه كثير منهم يقولون مدينه دنفر بكولورادو ..

وهذا هو اللنك :
www.apartmenthomeliving.com

واتمنى اكون اني افدت احد بالموضوع ..

دعواتي لك بالتوفيق و صلي صلاه الاستخاره وما خاب من استخار ومشكوره علي اللنك