محتاج معلومات عن Tennessee Martin

انا هيمو بس داخل باسم خويي .... بالعكس ابوسيف من حقك انك تسال انا كنت مثلك ادخل واسال .. المهم طبعا اكبر عيب فالمدينه ان ما فيها عوائل للسكن ... فيه 3 اماكن
1... السكن حق الجامعه قريب مره يعني دقايق وانت فالمعهد بس اتوقع ان لازم يكون معك 3 او 4 انت وحظك يكونون سعوديين ولا امريكان ولا صينيين بس ماني متاكد من هذي المعلومه .
2... فيه سكن تبع الجامعه بس يبعد 10 دقايق تقريبا وسعره مايتعدى 500 دولار بس نظامه 4 غرف وكل غرفه لها دورة مياه والصاله والمطبخ يكون مشترك مع الاربع غرف يعني كل غرفه راح يكون فيها طالب ...
3... سكن يبعد عن الجامعه ربع ساعه وهذا اللي انا ساكن فيه طبعا بلحالك فالشقه يعني دورة مياه وصاله مطبخ وغرفه سعره 420 دولار ....

ملاحظات ..
الاول ماني متاكد من سعره ..... والثاني يمكن يصير من حظك ان امريكان يسكنون معك اذا كنت تبغى تختلط معهم

السلام عليكم اخوي اسال زي ماتبي وبحاول افيدك باللي اقدر عليه اول شي احنا اخوان واذا مافادك اخوك من يفيدك الله الله يحييك
نجي للمهم ........ بالنسبه للسكن لازم تكون متواجد في مارتن على اساس انك تحجز السكن وعلى حد علمي انو متوفر سكن واعتقد متوفر ايضا الدور الارضي اما بالنسبه للشقق لايوجد شقق موثثه في اغلب الشقق في امريكا يعني ماتلقى مؤثث الا الحمام الله يكرمك والمطبخ يعني فرن وثلاجه ودواليب بس اما بالنسبه للغرف النوم بس فيها دالوب واحد تقريبا اما باقي الشقه فاضيه انت تشتري الاثاث بالنسبه للمواصلات مافيه ياتكون معاك سياره او تسكن بسكن القريب من الجامعه بحكم انك من ذوي الاحتياجات الخاصه يعني قريب مره شفانا الله واياك والاسعار متقاربه .......... اي استفسار اسال لاتستحي وانا اخوك

الله يعطيك العافيه ومشكور
عندك معلومه عن الالحاق وش شروطة لانه سمعت انها تغيرت طالبين 30 ساعه وبعدين ترفع اوراقك من الملحقية الى الوزاره
ولك شكري وتقديري

النسبه للالتحاق زي ماقلت لازم تدرس معهد بعيدن تكمل 30 ساعه فالجامعه بس فيه ناس تمشي امورهم
وهم فالمعهد سواءا بواسطه ولا كذا من ربك ..... هذا النظام بالنسبه للبكالوريوس بس الماستر اتوقع
ساعات اقل واذا حبيت شرح اكثر ادخل موقع الوزاره ....... اخوك هيمو

أشكرك على المعلومات المفيدة

مزيد من المعلومات ياشباب

السلام عليكم ورحمة الله وبركاته

يا أخوان ممكن احد يفيدني عن الراتب للمبتعث أذا كان هو وزوجته وابنه وهل المبلغ يغطي مصروف شهر كامل مع السكن في مارتن

تقبلو تحياتي

جزاكم الله خير وكثر الله من امثالكم

ويا اخوي هيموو بارك الله فيك وكثر الله من امثالك صراحه جهد جبار

الله يوفقنا وا ياك ويزيدنا واياك من العلم


هل تنصحني في جامعة تنسي في مدينة مارتن

وهل السكن مع العوائل متوفر وهل يوفره لي المعهد

وكيف صعوبة الجامعه ماستر محاسبة طبعاً

هل في المدينه مساجد , مطاعم عربيه , وش الي يميز المدينه , وش الي يعيبها , نسبة السود فيها , اي اضافات من عندك ....


ما ودي اكثر عليك اساله بارك الله فيك