ملتقى طلاب نيوجيرسي New Jersey

السلام عليكم انا عندي ايلتس 5.0 من غير جي ار ايه واريد تخصص health care adminstrition للماجستير هل يوجد هذا التخصص في اي جامعه في نيوجرسي

السلام عليكم ورحمة الله وبركاته

رمضان كريم

انا رحلتي 9 اوقست وشايله هم السكن مررره لو فيه بنات ساكنين ممكن يساعدوني ...او وش افضل منطقه للسكن ؟ انا بدرس في جامعه SETON HAL

اذا ممكن مساعده من ناحية الجامعه هل هي كويسه او لا

اذاهل منطقة Hoboken كويسه للسكن ؟

اتمنى احد يساعدني في اقرب وقت ؟

شكرا

السلام عليكم

جامعة في نيوجيرسي NJIT
ممكن احد يتفضل ،يعطينا معلومات عن الجامعه ، مستوى الدراسه لطلاب الماجستير ونسبة الطلاب السعوديين ، واي معلومات ممكن تفيدنا
ووشي المجمعات السكنيه القريبه من الجامعه اللي تنصح بها

للاسف قريت مواضيع كثير ولا لقيت ردود كافيه ، مع انه تشوف ببداية اغلب المواضيع اللي فاتح الموضوع متزهل وجاهز للخدمه
واذا مشيت بالردود تلقى تساؤلات ناس كثير لكن من غير اجوبه للاسف.

رمضان كريم من أحسن الجامعات المعترف فيها أكيد NJIT للهندسات و جامعه http://njms.rutgers.edu
Rutgers NewJersey medical school
اللي فيNewark وبنسبه للسكنات في سكنات جديده للطلاب اعتقد مبني جديد قريب من ال campus وفيه كثير من الطلبه المبتعثين هاذي المعلومات اخذتها من اخوي وهو تخرج chemical engineer من شهر njit انصح فيها واللي عنده اي استفسار أتمنى يراسلني وأكيد بكون سعيده. وأختي بالنسبه ل Hoboken انا رحت كم مرا بس ما عرف عن الجامعات انا من ناحيه أمان هي كلها أمان وبتوفيق


( تمت المشاركة باستخدام تطبيق مبتعث )

السلام عليكم
عندي ده استفسارات احتاج الاجابه عليها في اسرع وقت
1- اود الاستفسار عن جامعه NJIT [ newjersy instetute of technongy]
في تخصص اداره الاعمال لدرجه الماجستير هل الجامعه صعبه؟؟
2- هل يوجد معهد لغه تابع للجامعه؟ وهل توفر القبول المشروط بالتوفل؟
3- بالنسبه لمدينه نيوجيرسي .. رأيكم فيها من ناحيه الغلا ؟ الامن؟

السلام عليكم ياطلاب وطالبات ولاية نيوجيرسي ...
أنا طالبة جديدة وصلت في نيوجيرسي نهاية شهر أغسطس .. أدرس في جامعة Stevens Institute of Technology أول ترم
تخصص Chemical Biology طبعا ماجستير ..

تجربتي في هذي الولاية ليست جيدة تماما .. إلى الآن أدور سكن وللأسف السكن جدا صعب في هذي الولاية من حيث الأسعار ونظافة المكان ..
بحثي كان أغلبه في مدن معينة في نيوجيرسي وهي West New York, Union City, North Bergen
مع إن جامعتي في Hoboken بس فضلت هذي المدن لأنها آمنة وأرخص بكثير من مدينة الجامعة وأقرب من ناحية المواصلات والقرب من منطقة العرب ..
العرب يتواجدوا بحسب خبرتي القليلة في منطقتين من المدن الي رحتها: Union City , North Bergen
قليل من المحلات العربية في هذه المدن بس يمكن بقالتين عربية .. والجالية المصرية هي أكثر شي متواجد ..
للعلم أنا مابحثت في Jersey City لأنه بحسب ماسمعت وشفت في النت إنها منطقة غير آمنة وغير كذا بعض مناطقها غااالية.. فشلت من راسي فكرة إني أدور فيها..

الولاية جدا غالية بس ماتستحق لأنها مهي جديدة ولا فيها بنايات جديدة( إلا في بعض المناطق) بالعكس كلها قديمة جدا ولا في أي بنايات عالية الا نادرا للي بدأوا يجددوا مبانيهم وطبعا توصل الإيجارات في الجديدة بين $1600-$2000
غير الأسعار شققهم هنا أغلبها ناقصها مكان للغسيل (غسالة ونشافة) .. دائما لا يتواجد ويقلك غسل برا في محل بس حق غسيل وهذا شي سيء جدا من النظافة والمشوار وتحميل غسيلك لبرا العمارة..
شققهم جدا جدا صغيرة وضيقة حتى لو بغرفتين أو 3 .. مع ذلك توجد شقق نظيفة كبيرة وفيها ميزات حلوة بس غااالية جدا ..
أقل شقة بغرفة وحدة توصل $1025 بدون الكهربا وبدون مكان غسيل أو يكون موجود في البيسمنت في خندق يخوف أحيانا ويكون مافيها مايكرويف أو مافي تكييف ..
وعشان تستأجر شقة لازم أقل شي يكون معاك حوالي $3000 عشان تدفع ايجار أول شهر وتأمين شهر ونص وشي اسمه Credit Check يتراوح بين $50-$30 عشان يشيكوا على تاريخك العظيم في البلد وللي ماعنده بس يقلهم عنده بعثة وممكن يجيب ورقة من الملحقية إفادة بالراتب مع انه أحيانا ما يقتنعوا أصحاب البيت لأنه المبلغ السنوي الي يطلع من البعثة يقولوا جدا قليل ( اش نسوي احنا والراتب التعبان دا )

عندي تجربة كمان ودي أذكرها من ناحية المواصلات .. وهي التكاسي الي تعبت الين حصلت شركة كويسة بس للأسف غالية لكن الي عجبني فيها انه سواقينها عرب
وفي منهم من ساعدني كثييير في معلومات عن البلد والأماكن .. فالي حاب ياخذ اسمهم أو رقمهم بس يبلغني ..
ومشكلة تكاسيهم أنه مافيها عداد وهذا الشي الي جدا سيء ولازم تتفق معاهم من بدري ع السعر .. وبس

هذي خبرتي القليلة في المكان وإلى الآن وأنا في عناء البحث عن سكن .. وكلامي احتمال فيه نسبة غلط والله أعلم بس أنا حبيت أشارككم الي أعرفه خلال شهر تواجدي هنا ..

ولو أي أحد يحتاج مساعدة .. يبلغني وان شاء الله مايصير خاطره/ـها إلا طيب!

السلام عليكم ..
أنا ان شاء الله بعد شهر تقريبا رحلتي .
بدرس في معهد Rutgers و ما شفت غير كم شخص يدرس فيه و من زمان بعد .
بحثت في قوقل ما لقيت غير موضوع واحد .
.
بالتوفيق للجميع

الله يعطيك العافيه كيف حصلتي القبول من المعهد ذا ايش الإجراءات

الله يعافيك .
ما ادري ، اخوي يشتغل في نيو جيرسي ، و جاب لي قبول .

اهلاً بك الأخت تاج العز
معلومات قيمة نشكرك لذكرها
اذا ممكن تفيديني هل جامعتك فيها معهد لغة تابع لها ..؟
اذا فيه ياليت تضعين لي الرابط تبعه ..

انا ناويه ادرس بنفس الجامعة لكن مااعرف شو افضل معاهد اللغة بهوبوكين , ففضلت ادرس بنفس المعهد التابع للجامعة ,

امر آخر هو الشقق الكبيرة واللي تحتوي على كل الخدمات من غسيل وغيره كم اسعارها تقريباً وهل قريبين من الجامعة ..؟
ولو اخذنا سكن بعيد هل فيه مواصلات مثل باصات ..؟

وشاكره لك حسن التعاون
بالتوفيق يارب