تجمع طلاب جونسبورو

اجل بحاول اجيب قبول معهد لانو جامعه اشوي صعب الله يسهل بس

انا تبدأ دراستي 23/8 وبحاول اجيب قبول معهد اذا قدرت لاني على حسابي الخاص وما ابغى ادفع فلوس على معهد زي كذااااا يا ربي سههل يااااا رب

اسلام عيكم ورحمة الله وبركاته
يشباب ابي الفزعه منكم انا انشالله بداية دراستي في 13/9/1431في جامعة اركانسس في مدينة جونسبورو وماادري عن اي معلومات عن المدينه والجامعه وكيفية الحياه في المدينه وطبعن طالع وحدي ومااعرف احد الفزعه يشباب

يا جماعة انا الشهاده البنكية اللي عندي 150 الف لها شهرين ووحده بس هل اقدر اقدمها كضمان بنكي لي ولزوجي ؟ والا لازم اطلع اثنين؟

اولا يااخ العرب ياللي تقول المدينة مليانه سعوديين بالله قلي مدينة في امريكا مافيها سعوديين ياعمي السعوديين في كل مكان ترفع حصاة في امريكا تحصل سعودي على العموم حنا هنا مو في منبر مهاترات والا كلام كثير والله يعز السعوديه ماهو انت والا اشكالك اللي يشككني في ولائي وانتمائي وبعدين والله العظيم اللي يسحب على السعوديين انه يفلح ليش تبيني اقابل خشتك 24 ساعة سوالف عربي في عربي وكبسات في القروف الله لا يبلانا وبعدين ياناس اللي قبوله على جونسبورو انصحه مايتعب نفسه ويغير القبول والله اللي يبي يتعلم راح يتعلم لو انه في منفوحه
وبعدين من انت وياه اللي تقيمون المعهد ياخي تقيمون ناس اكاديمين والله ياانكم مرضى ياخي انت ماتعرف تقول كلمتين على بعض بالانقليزي وتقولي المدرسين فاشلين والله الفاشل انت وياه اللي مايذاكر ويعيد اللفل ويقول المدرسين فاشلين ياخي هم اصحاب اللغة وانت اللي جاي تتعلم عنده وش عرفك هو فاشل والا كويس هذا اللي حبيت اقوله
واتمنى لكم التوفيق دوما

السلام عليكم ورحمه الله وبركاته
الى الشباب والصبايا اللي راح تبدى دراستهم في جونسبورو والله اني لكم ناصح ماراح تحصلون في الزمن هذا واحد ينصحكم من كل قلبة
اذا قبولك على جونسبورو توكل على الله وزبط وضعك وتعال وماعليك من اللي يقول المعهد فاشل والا المدرسين فاشلين هذولا ناس مساكين تلقاهم كل مرة يعيد اللفل ومايذاكر يحسبه في السعوديه واخر شي يقولك المعهد فاشل
وانصحكم اسحبوا على ام ام السعوديين والله مايضيعك الا السعوديين سوالف وروحات وجيات وساحب على المذاكرة ياخي انت جاي تتعلم وتاخذ الشهادة ترفع راسك وراس امك وابوك فيها ماهو شي والله تتمشى مثل كثير من السعوديين عندنا هنا الله لا يبلانا بس يعني حاول بقدر الامكان تخالط مع امريكان والا صينين والا يابانيين وبعدين الدليل ان المعهد كويس ليش اليابانيين والصينيين ثلاث شهور والا خمسة ولغتة صايره توب لانه يذاكر ويخالط الناس ماهو السعودين يدربي راسه والله لا مذاكرة ولا شي ويقول المعهد فاشل على العموم مااحب اطول عليكم
والله ماكتبت هذا الموضوع الا رفع من معنوياتكم لاني والله مريت بهذه التجربة من قبل يعني خلي معنوياتك عالية وراح تفلح في الدراسة واتمنى لكم التوفيق دوما
واتمنى مايجي واحد يعلق على الموضوع من الشاكلة اللي انا اعرفها اذا ماتبي ترفع المعنويات والا سكوتك ابرك لك
وشكرا
M.M.AlQwerty

أيه هذا الكلام إلى يثلج الصدر, اقول روووووووووووووح الله يوفقك دنيا وآخرة
طمنتنى ياخووووووي الله يجعل مثواك الجنة.

إنت شكلك إنسان طموح, والله يوفقك في حلك وترحالك

وكلامك والله كذا

موفق يا السماوي

اخي عزوز العتيبي
انا جايه على جونسبور مبتعثة من المرحلة الخامسة لبرنامج خادم الحرمين الشريفين الله يطول عمره.
ما هو على حسابي الخاص..
وودي اتعلم واجيد اللغة في اقل من سنه تعرف المدة تكون محدودة حسب قرار الابتعاث
فانا جاية مع زوجي مرافق ومانعرف احد بالمدينة هذي
فياليت من كل قلبكم تساعدوني في هذا الشئ:
هل اغير المعهد والا ابقى عليه؟
وهل يوجد معهد اخر بجونسبور يمدحوا فيه ومعتمد من قبل الملحقية
هل يوجد فنادق قريبة من المعهد المحطم من قبل الاخوه
اريد مساعدتكم
لان ما فيه وقت ..ابي ارتب اغراضي للسفر

تصدقون ان السعوديين اللي تبدا دراستهم23/8 كثير اكثر من عشره
يعني القاعه رااااح تكون سعوديين
ياشباااااااب ترى اللي بيسمع الكلام بيتعب وماااراح يوصل لحل وجنسبورو مناسبه للدارسن على حسابهم الخاص
انا طبعاً قبولي من نفس الجامعه مشروط وعلى حسابي لكن غيرة المعهد بسبب اللي سمعته عن المدينه واخذت قبول من اوهايو جامعة كليفلند وصلني الاي توني لما قارنته مع الاي توني حق اركنساس طلع تكاليف معهد اركنساس ارخص بكثيرلكن للاسف مافيه سكن مع عائله بعكس معهد كليفلند
انا سويت موعد بالسفاره علي معهد كليفلند والله ييسر امور الجميع
اللي ناوي يغير ترى قبول المعهد مايطول كثير اقل من عشرايااام يكون الاي توني عندك وسئل مجرب ولاتسئل طبيب
واللي حجز موعد السفاره تاكد ان المعهد مو موقوف وتوكل على الله ولاتشيل هم عيش التجربه وحكم وكثير طلعو وسهالات لكن بعض الاخوان يخرعووووووووون من جد...