تجمع طلاب جونسبورو

انا يا شباب حجزت على ١ اوغسطس والله يعين الجميع
وانا ابغى اجي اشوف ايش الموضوع

للأسف أن الموضوع أنقلب هواش وللأسف انه شخص يبي يجي لها المدينه يشوف هالموضوع ويشوف الردود وش يبي ياخذ فكره عن السعوديين الي هنا؟؟ ياليت ياشباب كل واحد قال رأيه مره وحده مايعيد ويسب بالثاني كبروا عقولكم شوي.

بالنسبه لي راح اقول رأيي مع أني قلته قبل وللمعلوميه هذا رأيي والي ما أعجبه مو مجبور ياشباب انه يرد وأرجع وأقول رأيي أنا يعني لما تجي جونسبورا ماتقول ماضيعني غير تجمع جونسبورا!

راح اقول وش استفدت انا ووش استفاد واحد من الشباب معي بحكم لنا فتره هنا. بالنسبه لي بديت بالمعهد من المستوى الاول كان عندي خلفيه بسيطه عن الانقلش بس ماعندي خلفيه كيف ارتب الكلام او كيف اتكلم بحكم أننا مانعرف للقواعد ونفس المشكله كيف أكتب عن موضوع وكيف ارتب الكلام الصراحه والحمد لله المستوى الاول كان المدرس حلو فهمت أشياء كثيره بالقواعد والكتابه وصرت أعرف على قولتهم كيف أصف الكلام وكيف اكتب وطبعا كيف تقرا القطع وهالشي بالبدايه لي حلو يمكن كان النقص عندنا بالاستماع لأننا ماعندنا تطبيق كثير بس برضوا ما اقول اني ما استفدت فيه فايده بس بسيطه عدينا المستوى على خير ورحنا للمستوى الثاني ومدرسنا فيه برضوا رووعه بمعنى الكلمه يعني يطبق معك المهارات الاربع الي تحتاجه صدق فيه ضغط لكن بالنهايه انا المستفيد والحمد لله اشوف حتى الان اموري بالمعهد حلوه طبعا مقاارنه مع زملاء لي بمعاهد ثانيه بأمريكا والاحظ انهم يدرسون نفس الي ادرسه.
نجي لواحد من الشباب وصل أمريكا مايعرف A من B درس المستوى صفر او الي يسمونه الفنديشن طبعا الرجال مجتهد شوي ومهتم وحط الف خط تحت مهتم بالمستوى صفر يعطونهم كتاب فيه كلمات علشان يحفظ هالكلمات والكتاب انا شفته الصراحه ممتاز بس للي عنده استعداد يحفظ طبعا اذا انت جاي امريكا ولا تعرف ولا كلمه محتاج تعرف معاني الكلمات ونطقه علشان تقدر تتكلم وهالكتاب راح يخدمك بشكل كبير طبعا خوينا ماشاء الله مهتم حفظ مجموعه كبيره من الكلمات بحكم ان الكتاب مليان وصعب يمكن تحفظه كله وكان اي كلمه جديده يسمعه يكتبه ويحاول يحفظه عدا المستوى صفر وتحسن بشكل كبيرر وكمل بالمستوى الاول وبرضوا تحسن وعرف كيف يرتب الكلام وكيف يستخدم القواعد وكمل وراح للمستوى الثاني وماشاء الله صار يكتب موضوع وكتابته حلوه وطبعا ماشاء الله يناقش ويسأل يعني تحسن بشكل كبير بالاعتماد على نفسه أول شي وعلى المعهد ثاني شي.
طبعا انا تكلمت عن مثالين بالمعهد أنا وخويي وفيه غيرنا يمكن وفيه ردود قبل تقول ما استفادت ولا ندري عن ظروفهم يمكن جد المشكله بمدرسهم او المشكله فيهم وأنا ما اقول ان كل المدرسين ممتازين فيهم الي مايعرف يدرس وفيهم الي ممتاز يعني ممكن انا اشوف المدرس الفلاني فاشل وانت تشوفه بالعكس يعني ترجع لوجهة نظرك.
ابتكلم عن ملاحظات لاحظته :

*كثير من الشباب أول مايلاحظ أغلب فصله سعوديين يتحطم!! وكأنه خلاص ماراح يتعلم لغه ويدور أي زله علشان يقول المعهد فاشل أنا ما أختلف ان لو الفصل أجانب أكيد تبي تستفيد بس حتى لو معك سعوديين ويهتمون جد بالدراسه راح تستفيد أنا أوقات ما أفهم شي من المدرس من ناحية القواعد وغيره والله مايوقف معي غير السعوديين ونتساعد علشان نفهم بس أهم نقطه أني ما اعتمد عليهم بكل شي وعلاقتي معهم بالكلاس وأول مانطلع كل واحد يحاول يحل لحاله واذا صار فيه شي صعب نتصل على بعض ونتساعد فقط يعني مانجلس عند بعض ونتعشى ونفله ونسهر وبلوت .

*نجي نتكلم ناس بالمستوى الفنديشن ويمكن مستويات ثانيه مطلوب منه يحفظ كل يوم نقوول مثلا 60 كلمه من الكتاب ومطلوب منه اشياء ثانيه ويضيق صدره ويسب بالمدرس ويقول فاضي له والي يشوفه يقول هذا مقطعه الشغل وهو كل يوم يا بالمسبح يا يلعب طائره!! وبالليل مجتمعين بشقة واحد وصايره تقل استراحه ويتعشون ويسهرون وبلوت وطبعا مذاكره مافيه حفظ للكلمات مافيه واذا جاء الاختبار ودرجته ضعيفه سب بالمدرس!! طيب انت وش الي سويته علشان تطلب ان درجتك تصير حلوه أو وش الي سويته علشان تتحسن لغتك وينتقد ويقول المعهد ماغير شي فيني! والمشكله انه هو ماحاول يتغير.

*للاسف فيه كثير من الشباب اول ماوصل هنا وشاف الديره صغيره ولا فيها شي بالعربي ممله ضاق صدره وصار يدور أي زله لو بسيطه علشان يقنع نفسه ان المعهد فاشل وينقل وتحصله ماكمل أسبوع وحكم على المعهد وعلى الدراسه.

*نجي لموضوع التوفل أكييد الكل يدري أنه من مميزات المعهد انه لو خلصت المستوى الخامس تدخل الجامعه على طول. فالمعهد يأهلك أكاديميا للجامعة اركنساس ولا مطلوب منه أنه يأهلك لأختبار التوفل وللمعلوميه أغلب المعاهد الثانيه الي ماترتبط مع جامعتها تعطيك بالمستويات الاخيره كورسات تحضيريه للتوفل لأنه ماله أي ارتباط بجامعتها وأكيد لو سألتوا بتعرفون أن أختبار التوفل مو بسيط يعني اذا معك قبول المعهد وتخصصك موجود بالجامعه ماراح تحتاج لأختبار التوفل وهالشي راح يخدمك.

*أتمنى من أي شخص يجي يقارن بين ناس لازم كل يوم يجلس بالمكتبه ساعتين او ثلاث او اربع وبين ناس ماتفتح كتابه غير يمكن نص ساعه ويشوف الفرق ويحكم.

*كم من مره قلنا بالردود قبل الديره صغيرررررررره ومافيه شي يعني ديرة على قولت رد من الردود ديرة دوافير وما ادري هو وش يبي يضره لو صار دافور شوي يعني لاتحسب انك تبي تجي لنطاحت سحاب ولا وقطارات ولا غيره والديره محتاجه سياره علشان ترتاح فيها.

*المستوى الفنديشن والاول مستويات سهله تقريبا وتأهلك للمستويات الي بعده الدراسه الجديه تبدا من المستوى الثاني وراح تتعب فيه شوي

* حتى لو كلاسك كله سعوديين لايضيق صدرك أهتم بنفسك والمشكله أنه مافيه معهد بأمريكا ماراح يصير معك على الاقل 4 سعوديين في كلاسك يعني هالشي مايخليك تحطم وتكره الدراسه اذا أنت اهتميت بنفسك راح تعدي وراح تتطور.

* بعض الشباب للأسف راح يحطمك بكلامه اول ماتجي وراح يسب ويمكن حتى يكرهك بالدراسه يعني لو شفت واحد من هالشباب خله عنك وأنت أحكم بنفسك.

*طريقه حلوه سواها واحد من الشباب وأهنيه صراحه أنه بمجرد دخوله الكلاس يتكلم مع خوياه انقلش يعني عربي مافيه الصراحه يعجبك هالشخص تحس جد انه هو الي مهتم وأعتقد انه أي واحد يقدر يسويها بس محتاج وقت.

*بالنسبه لمدير المعهد الصراحه المدير سيء وتعامله زفت شوي يهتم بالماده .بس اذا انت عطيته حقه خلاص لايهمك بالنسبه لي تعاملي معه أنتهى بمجرد دخولي أول مستوى وبداية الدراسه .

*ياشباب تذكروا هالايه الي تقراه كل ماجيت ترد بالموضوع

يعني بطلوا تجريح الي يسب بالسعوديين الي هنا اقوله عيب والله لأنه جد مالنا غنى عن بعض يكفي اننا نتساعد بكل شي سواء بالدراسه ولا حتى برا الدراسه ومو معنى كلامي انه نصير اربع وعشرين ساعه مع بعض يكفي لو تجتمع انت وخوياك يوم السبت وباقي الايام محتاج انك تراجع علشان تطور نفسك.
ونفس الشي اقول للي يرد تذكر الايه وأحكم على نفسك هل فعلا سويت شي يستاهل؟ حاولت تطور نفسك؟ قبل ماترد وتكره الناس بالمعهد
يعني حرام شخص على حسابه الخاص لمجرد انه قرا ردك يروح لولايه ثانيه وتكلفه الدراسه والمعيشه الشي الكثير وكان ممكن يوفر الكثير بجونسبورا.

* الديره حلوه ويكفي انك تقعد مع ناس من ولايات ثانيه تشكي ان مكافأة الابتعاث ماتكفيه لنهاية الشهر وانت مكافأتك تكفيك ويبقى منه.

*للي على حسابه الخاص وغيره يقدر يدرس هنا لحد مايلتحق بالبعثه وبعدها اذا ما أعجبه المعهد يحول.

طبعا هذا رأيي وقلت كل الي عندي اذا انت جاي جرب وشف هل انت تحسنت ولا لا لأنه عندك فرصه تخلص الغه بسنه وتقدر تمددها 6 شهور زياده وطبعا ال6 شهور راح تنخصم من دراستك الجامعيه وان شاء الله ما احد يحتاجه.

*بالنهايه مافيه شي كامل يعني أكيد فيه معاهد أفضل لكن فيه معاهد أسوأ من معهد جونسبورا وكل شي بالاول وبالاخير يرجع لنفس الشخص الي راح يجي هنا وأهتمامه بالدراسه لكن اذا مايقدر يقاوم البلوت والكبسه والجلسات اقوله من هاللحين ماراح تستفيد وشف لك معهد ثاني

*فيه رد يقول راح يجي لجونسبورا بـ1 أغسطس وراح تبدا أجازتنا بـ1 أغسطس وأغلب الشباب راجعين للسعوديه يبي يلحقون اول ايام رمضان مع اهلهم يعني نصيحه يأجل رحلته لأنه ماراح يلقى الا عدد قليل من الشباب وماراح يحصل أحد بالمعهد

هذا رأيي أنا ممكن اذا جيت تقتنع وممكن لا كل شخص يختلف عن الثاني تذكر هالشي دايم والله يوفقكم جميعا.

يا اخي انا مقتنع انو المعهد جيد لان الجامعه جيده ومستحيل جامعه بذا المستوى يصير عندها معه مو مزبووط فاهمني بس انا من خبرتي بالاجانب اعرف ايش اللي يخيلهم يزعلو الا وهو الكسل والتكاسل وعدم الاهتمام
وبعدين على قول السماوي اللي يبي يتعلم بيتعلم حتى لو بمنفوحه
انا اعرف ذي النوعيه اللي طول الليل سهر ومتاخرين عن الدوام ومافيه يوي شي وبعد كدا يقول المعهد فاشل وفي سوئ معامله ونسي انه هو من بدي بسوء معامله نفسه وخلى لغيره فرصه يسيئو معاملته
احب اقول في النهايه انو انا دراستي تبدا ٢٣ اغسطس وفي اورينتيشن في ١٦ يعني انا واصل واشنطن ١ اغسطس اجلس فيها ليله تاني يوم السفاره السعوديه افك ملف وكذا واخلص منهم وبعد كذا طيارتي بالجت بلو على ممفيس في نفس اليوم اللي هوا ٢ اغسطس وبعد كذا اروح جونسبرو اسنع نفسي عشان الاورينتيشن والله يوفق الجميع
وبلييز لا احد يزعل مني ترى مابقول الا الحقيقه والشي اللي بخاطري والله يخليك يا demorgan باشا ويخليك لنا ذخر
مروان من جده

أخوي مروان مشكور على ردك بس أرجع واقول مو كل الشباب كذا يمكن فيه شباب عندهم ظروف مانقول غير الله يعينهم ويوفقهم..

ثاني شي دامك جاي بدري سنع نفسك بالسكن وبعده اذا تبي نصيحتي احجز لك ورح سافر لأي مدينه بأمريكا يعني خذ لك اسبوع وشوي تمشى وأرجع قبل الاورينتيشن بيومين لأنه لو جلست بجونسبورا بهالفتره بدون دراسه راح تمل وتطفش هذا نصيحتي والاورنتيشين للمعلوميه راح يكون فيه الكشف الطبي واختبار تحديد المستوى واجتماع راح يتكلمون فيه ويشرحون لكم عن الجامعه والمعهد
وموفق يارب

أخ demorgan شاكر لك ردك و كلامك إللي أثلج صدري و ماتصدق قد إيش كنت متخوف من كلام بعض الشباب هنا الله يهديهم بس مع إني ما أقول إني كنسلت موضوع جونسبورو نهائياً بس كلامهم خلاني أتوجس خيفة منها

بس عندي طلب بسيط يالغالي إذا ماعليك أمر أبيك تشوف هالإقتباس هو لي أنا و الحقيقة هم عضوين فقط (جزاهم الله خير) إللي جاوبوا على سؤالين فقط من ردي فإذا تتكرم أخوي و تجاوب على إللي تقدر عليه أكون ممنون لك




و في الأخير أعيد و أكرر شكري لك و لبقية الإخوان إللي نورونا و نبهونا لأمور ما كنا منتبهين لها . . و شكراً

up

up

up

up

up

up

up

up

مساء الخير جميعا
صراحه يااخ demorgan
عين العقل اللي تقوله يعني كلامك كله منطقي وواقعي الواحد لازم ثم لازم يشتغل على نفسه اعرف ناس في ولايات ثانية يسبون المعهد اللي هم فيه فقط اربع ايام في الاسبوع دراسة يعني احنا نحمد ربنا ان دراستنا اكاديمية وبالنسبة للاخ
marwan ali ضبط امورك والله يسهل لك امورك كلها وماعليك من الكلام اللي يقال تعال وشوف الوضع بام عينك
وشكرا

أولا: يا؟؟؟؟ لمن تصير كفو تعال خاطبني.
ثانيا: إذا حبيت تتونس تعال أونسك لانه هذا الموقع تم إفتتاحه للاستفاده وليس للمهزله يا؟؟؟؟
وبعدين أنا أحسدك صراحة على روحتك للمكتبه صراحة راح تتدخل موسوعة جينس