تجمع طلاب جونسبورو

وين الشباب الي يدرسون بلمعهد ليش مايقولولنا الخبر الأكيد
لن الملحقيه كسرت تلفوناتهم مايردون وراسلتهم على الإميل
وماردولي خبر ياليت الشباب يستفسرون منهم ويعطونا الخبر الكيد

عند ميشيل اوباما الخبر اليقين*_*
افرحو يا اهل جونسبورو جايينكم جايينكم تكدستو ولا ماتكدستو خخخخخخخخخخخخخخ
المستشار التعليمي يقول اصلا المعاهد ماتتوقف بسبب التكدس فقط الجامعات وقائمة الجامعات موجودة في موقع الملحقيه
والله يسامحك يابرنس نت؟؟؟؟؟

اشكرو الله ثم ادعولي..........

ميشيل اوباما


تكفين لاهنتي

انا رحت لمكتب وشاف ان المعهد اللي بالجامعة موقف حتى فتح صفحة اللي كاتبين الجامعات الموقفة من الملحقية


ولقى اسم الجامعة ياليت تفيديني اكثر لاني توني جاي من المكتب ويمكن يدور لي معهد برا البلد

والمشلكة لاني بجي على حسابي الخاص ومعي تكفيني 6 شهور وانا بسكن مع ولد عمي هناك بنفس الولاية والمدينة

وراح تكفيني اكثر يمكن 9 شهور


ياليت تقولين لي الخبر اليقين باضبط

الله يسامح الجميع وأنا نزلت رابط الموضوع اللي قريته منه الخبر !!!!!!!!!!

الله يوفقك ويفرج همك زي مافرجتي همنا ياأخت ** ميشيل أوباما **
لاكن انا عندي سؤال انتي كلمتيه بنفسك ولالا ..؟؟
وبعدين الحين دام المعهد مو موقوف ليش نازل اسمه بلملحقيه ..؟؟
لن اسمه نزل مرتين في تاريخ 11/10/2009 ــــ وتاريخ 3/3/2010
انا اخاف نروح هناك ونتوهق ,,
بعدين انا ابي افهم وين الشباب الي مو جودين قبل مثل , 3zoooz و وديموند ... ألأخ

السلام عليك ورحمة الله وبركاته..

أولاً : اتمنى من الله التوفيق لك ولزوجك إن شاء الله وتاصلون بالسلامه ..

ثانياً : نصائح من ذهب أنسجها لك هُنا أختي الكريمه واتمنى يستفيد منها غيرك .
مدينة جنسبورو هي مدينه صغيره واَمنه بعد الله سبحانه وكُل شئ فيها متوفر ولله الحمد ورخيصه جداً مُقارنه بولايات أمريكا الثانيه وفيها معهد إن شاء الله إذا شديتي حيلك بتعدين وهذا الشئ راجع لك ولإجتهادك سواء كنتي بجنسبورو او غيرها من معاهد الولايات الثانيه لإن الكثير يعتقد بإن المعهد هو الطريق الوحيد الذي يُمكنك من تعلم اللغه الإنجليزيه وهذه المعلومه خاطئه إنما يرجع لك أنتِ وغيرك مِمّن يُريدون التعلم ...

ثالثاً : وهو المُهم لاتكلفي على حالك وتحملين هالشناط من الملابس والمواد الغذائيه لإن هُنا يوجد ملابس ماركات وبسعر أرخص مليون مره من السعوديه .وأيضاً بتحصلين جميع المواد الغذائيه التي تخطر ببالك في مدينة منفيس وهي تبعد حوالي ساعه عن جنسبورو ولا تأخذي بكلام الأخوه الذين يقولون كُل شئ غالي بالعكس انا أرى إنها مُناسبه جداً لإنها تأتي لهم بضرائب فهم يُحاولون أن يأخذو رزقهم وفائدتهم وهذا حقهم ... إلا إذا أنتي بتأخذين مواد غذائيه لمدة سنه كامله !! لإن مصير الأغراض الي سوف تأتين بِها من السعوديه سوف تنفد خلا شهر أو شهرين وبعدها بتلجأين إلى ماذكرت لك .. فلذلك يجب أن ترضخي للأمر الواقع ولا تُكلفي على نفسك وتُحملينها أكثر مِن طاقتها .

مُعادله بسيطه ... لو فرضنا أنكِ ملأتي شنطتين من المواد الغذائيه بقيمة 800ريال وشنطه ب200ريال سوف تدفعين بالمطار ضريبة الشنطه الواحد لايقل عن 200ريال يعني =1200ريال ريحي راسك وتعالي بفلوسك وأشتري كُل شئ من هُنا وللمعلومه كُل ماخففتي من العفش يزيدك هذا الشئ راحه في مسألة التنقل بسهوله .


أخيراً :هذا ماجادة بِها نفسي مِن معلومات إن أخطأت فهذا مني ومن الشيطان وإن أصبت فهذا من الله سبحانه وتعالى .

وللمعلوميه هذا الكلام موجه لإختنا وموجه أيضاً لِمن اراد ان يستفيد .

وأي خدمه انا وإخواني هنا بالخدمه لك ولغيرك وطلبنا هو الدعاء لنا بالتوفيق (وإذا حصل كبسه نشارككم بها مايمنع ذلك)
معلومه أختي الكريمه

اولا السلام عليكم مجددا
ثانيا ريحو روسكم وادخلو موقع الوزاره وحطو الجامعات الموصى بها راح تلاقو جامعه اركانسس ستيت يعني ماهي موقفه
وثانيا المستشار التعليمي رد علي رسالتي بنفسه وقالي المعاهد ماتتوقف فقط الجامعات ووظيفة المستشار التعليمي تخلينا نصدق كلامه
وزوجي دق على الاخ طارق الشيخ فامريكا موظف فالملحقيه وقاله الجامعه غير موقفه اظن هذي اثباتات كافيه
واذا تبون رقم طارق الشيخ تلقونه فموقع الملحقيه في خانه فوق مره حقت الاتصال وتلقون ارقام كثير
وفالكم التوفيق وانشالله الامور سهالات

اخ نبراس شمر جزاك الله عني وعن الجميع خير الجزاء
وانشاللله ربي يكتبلك حسنات بعدد الطلاب المبتعثين*_*