تجمع طلاب جونسبورو

انا جايه ان شاء الله قريب وابي اعرف المدينه فيها عوائل ولا لا..؟؟ انا معي طفله عمرها سنتين كيف الحضانه وهل متوفره ام لا؟

اولا حياك الله اختي
المدينه فيها عوائل سعوديه تقريبا 15 عائله وفي حضانات متوفره حتى الجامعه فيها حضانه بس انت وحظك وطبعا مجانيه اذا كان احد الوالدين طالب ولكن هناك زحمه فيها

والله فيه اشياء كثير ودنا نسأل عنها بس اكثر من 80% من الردود عن المعهد وهل هو موقوف ولا لا!! ودنا نعرف معلومات عن المدينه والسكن والسيارات رخيصه ولا لا.؟ والضرائب؟ وشغلات تهم الطالب هناك؟ وهل فيه صور للمدينه ؟

المدينه صغيره جدا ولا يوجد فيها الا مول واحد معقول وفيها محلين حق وال مارت ويعني جميع متطلبات الحياه موجوه

طبعا بقاله عربيه ما فيها اقرب بقالات في ممفس ساعه وربع بالسياره وجميع مستلزمات البيت العربي موجوده فيها

وبالنسبه للسكن كل ما ابعدتي من الجامعه تحصلين سكن افضل وارخص وفي سكن تبع الجامعه مره ممتاز اسمه الانديان فليج طبعا هذا السكن للمتزوج فقط ولا طلاب الماستر ولا الطلاب الذين اعمارهم فوق 26سنه
السيارات سعرها معقول يعني سياره مستخدمه 7 او 8 الالف دولار ويوجد في مدينه تبعد عنا نص ساعه معرض سيارات راعيه مسلم الجميع يمدح فيه
اما الضرائب فان نسبه الضريبه هي 8% وللاكل4 % وماله دخل كبير او ضغر المدينه بالضريبه
الضريبه تحددها الولايه يعني الضريبه موحده في الولايه
وهناك ولايات اعلا من اركانسسا وهنا اقل من اركانسسا

وبالنسبه للصور جوجل سبقنا فيها وتوجد هناك مقاطع على اليوتيوب عن المدينه

واهم شي السكن كيف؟ بنحصل على طول ولا متعب البحث؟ وهل فيه خيارات حلوه لسكن العوائل؟ اتمنى طرحها


السكن كما ذكرت سبقا كل ما ابعدتي من الجامعه السكن كان افضل
واحد من الاخوه ذكر سكن القروف انا ما ودي اذكر اشياء عنه حتى لا يضايق البعض
ولكن ودي اذكرك ان في كذا عايله سعوديه ودها تنقل اليوم قبل بكره لان سكن كله شباب وتقريبا 80% من سكانه شباب سعوديين وبعض العوائل تاذت منهم وانا اقول بعض الشباب وليش كلهم وفي شباب ساكنين بالقروف فيهم الخير
واذكر واحد من الاخوه المتزوجين جاني اتوسط لها عشان يسكن بالسكن اللي انا فيه من كثر ما هو متاذي من القروف
بل ان بعض الشباب الجادين بالدراسه نقلوا من القروف عشان يشدون حيلهم بالدراسه
ما ودي اطول عليك ولكن اللي ذكرت لك من القروف ما يجي 20% من الواقع ولا ودي ازعل احد

بالنسبه لمستوى الجامعه انا اشوفه متوسط اللي بشد حياله بيمشي واللي يتهاون راح يفصل حاله حال بعض الذين تم فصلهم

مشكوووور على الرد الكافي والواضح

كنت اتوقع ان افضل سكن هو القروف
طلع العكس
هذي ميزه الكل يتكلم عن السكن اللي هو فيه والطالب يحدد هو ايش يبي
كيف طريقه الحجز او الأستجار في السكن اللي قلت عليه جوا الجامعه (الانديان فليج)؟ لان جميع الشروط متطابقه علينا(ماستر+فوق 26 سنه)
احنا يهمنا السكن هادئ مريح جو صحي للدراسه وميزه انه قريب من الجامعه مايحتاج سياره اول شي

هذي ميزه الكل يتكلم عن السكن اللي هو فيه والطالب يحدد هو ايش يبي


على فكره اختي انا ماني ساكن بالاندين فليج و ىليس عشان الاندين فليج فيها عيب بس انا عندي اسبابي الخاصه

انا امدحها للمتزوجين فقط لو تسالين اي احد هنا راح يقولك نفس الكلام وعلى فكره هي غير موثثه ولكن الاثات ما رايح يكلفك اكثر من 3 الالف اذا كنت تدرين اثاث جديد وممتاز يعني 3 الالف هي حدك الاعالى

وشكرا

مشكور على الرد بس غريبه كنت متوقعه مؤثث

فيه سؤال لما نعبني الفورم حق الوصول الى ممفس عشان يستقبلوننا الجامعه في المطار وين نرسله لفاكس او ايميل بصراحه مو موضح في الفورم وين نرسله او اني ماقريته زين
http://www2.astate.edu/dotAsset/230922.docx

السلام عليكم رساله الى الجميع تكفون كل واحد يقولي رايه

اول شي انا مقدم على الجامعة هذي جنسبورو وصلني القبول والفيزا والحمدالله

بس الولاية معهدها مقفل ولا بيها عوايل ونا ابي عايله لني ماعندي لغه

اسؤال كيف اقدر اروح للولية ثانيه اجيب قبول ولا شلون انا ابي بن سلفينيا هل اجيب قبول الحين ولا بعد ما اوصل خصوصن اني ما بي ادرس ولا يوم في الجامعة هذي لن المعهد مقفل من الملحقيه

والسوال الثاني هل اقدر افتح ملف عند الملحقيه من قبول الجامعة الي معي ونا مادرست فيها ؟؟

تكفون اماااانه اي واحد عنده خلفيه يقولي لني والله محتااااار ارجوكم والله يوفقكم