تجمع طلاب جونسبورو

هلا ليتك معي
ارسل لي برساله خاصه باسمك وابشر بسعدك باللي اقدر عليه

هلا برنس نت ,, ماتقصر يالغالي بس انا ما اقدر ارسل رسالة خاصة اذا ممكن تضيفني ع الايميل
majed.z @ live

إخواني الكرم اسعد الله أوقاتكم بِكُل خير ..

فيه خبر جائني اليوم من أخ عزيز لنا هُنا مِمّن يسكنون القروف وهي تُعتبر تحذيريه للمستقبل من حركات موظفيّ القروف ومن هو معهم (وهو) ضمير مُستتر تقديره(ماعندك أحد)ومن المُعامله القذره التي أتخذوها من هذا الشخص الخلوق .

يقول وهو يتنهّت من هذه الحركات التي تُحاك في غيابه ومحصول هذه الحركات القذره فقد جوازه وجواز إبن عم له وفقد أيضاً لابتوب وفقد اوراق رسميه واوراق للبنوك هُنا وبطاقات صراف سعوديه وغيرها من الملابس واداوت الطبخ ..

يقول في نهاية العطله ذهبت إلى أبناء عمي في أحد الولايات القريبه من هُنا لكي أزروهم وأسعد بلقياهم خصوصاً أنني لم اراهم منذ فتره واتيت إلى جنزبورو هذا اليوم وعندما أولجت المِفتاح لكي افتح شقتي تفاجأة بإنه لايُمكنني فتح الباب وتفاجأة ايضاً بسماع أصوات داخل شقتي وعندما طرقت الباب وإذ برجل سعودي هوي وعائلة الله يحفظهم وإستغربت وهو ايضا إستغرب بإنني اطرق الباب وكأنني أحد ابناء هذا العائله الموقره وعندما سألني ماذا تريد؟ قُلت له هذه شقتي !! فتبسم وضن أنني لستُ بعقلي .. المُفاجأه أن إدارة القروف الموقره اسكنت هذه العائله وقامت بجمع جميع أغراضي ومن ضمنها التي ذكرت لكم ولا أدري اين ذهبوا بِها وعند سؤالي للإدارة قالو لي لانعلم اين هي !! هل هذا الكلام منطقي!!

إخواني فلنفرض أن أخونا الكريم أخطأ في عدم إبلاغهم في سفره وقد يكون أخطأ في بعض الامور والخطأ وارد والإنسان ليس مُنزّه عن الخطأ لكن يرتكبون مثل هذا الخطأ الفادح وأصبح ضحيته فقدان جواز السفر ؟؟

كان الله في عون أخونا ويسر لهُ امره وأمور المُسلمين ..
وأخيراً أتمنى أخذ الحيطه والحذر إخواني لكي لاتقعوا في هذا الموقف الذي واجهه اخونا (مهدي) الله ييسر امره ويجب عليكم قبل السفر ان تنتبهوا لهذه النقاط التي ذكرت لكم ..

اخوكم الذي ينتظر تعليقكم على هذا الموضوع ..

نبراس

نبراس شمر طيب وش البديل لسكن قـــروف

اذا ممكن تعطينا انواع السكن البديل والاسعار والمميزات
بس حط في بالك اننا عزوبيه وع حسابنا وندور الرخص

هلابك أخوي انا ماقول القروف لاتسكنون فيه انا اقول إنتبهوا من اللعب سواء بالقروف او غيره وفيه سكن (الكولج كورنر) فيه سكن الجامعه والي يدور وانا أخوك يلقى لكن الزين بعيد شوي ويلزمك سياره وأتمنى إن شاء الله إنك تسأل الشباب أكثر يفيدونك انا والله خبرتي بالسكن لك عليها وإنتبه لاتوقع على أي أوراق هنا إلا انت عارف وش توقع عليه سواء سكن أو سياره او بيع او شراء لاتوقع على شئ مانت عارفه جيب لك مُترجم تثق فيه وتوكل على الله ..

بالتوفيق لك أخوي .

لا والله للأسف جتني رساله على الإميل امس من السفاره يطليون فيها حضوري ومادري ليه ؟؟ الله يستر بس

اخوي رحال انت بكم حجزت تذكرتك لني ناوي اروح معك

لا والله ماطلعت لسه .. بعدين السفاره اتصل عليهم مايردون .. يلا هانت عطوني موعد يوم السبت وبروحلهم وشوف شلمشكله ,, بس تتوقعون ليش طلبو حضوريه

هلا و الله بـ MZAGI بس ليش عسى ما خلاف وش فيها متعكسه معاك الأمور و بعدين أخوي إنت وقت سويت المُقابله كانت أوراقك و مستنداتك كلها كامله ولا كان فيه نقص و طلبوا منك تكمل إجراءاتك و بعدين ترسلهم الجواز ياليت توضح لنا وش إللي صار معاك عشان نحاول نعرف إيش المشكله بالضبط يمكن فيه إجراء ماسويته وهو إللي معطل الأمور شوي أنتظر منك رد بخصوص هالموضوع


بالنسبه للتذكره و الله أنا باقي بعد ماقصيتها لكن صاحب المكتب قالي سعرها بـ 3250 ريال و أعطاني مُهلة كم يوم قبل السداد أو يلتغي الحجز و أنا بأحاول في الوزاره إنهم يعطوني أمر إركاب و يا هلا و الله حياك معي بس على فكره حاول تلحق تشوف لك حجز لأن الحجوزات من هنا لين موعد إكتوبر شبه مليانه يا تلحق يا ما تلحق


أنتظر منك رد بخصوص موضوع السفاره و أيضاً أبي أعرف وش سويت في موضوع المعهد طلبت تأجيل ولا باقي ؟ لأن حسب ما قالي الموظف في المكتب : " في طلب عالي من طلبه سعوديين على موعد إكتوبر " . يعني برضو نفس موضوع التذاكر يا تلحق يا ما تلحق و إن شاء الله إنك تلحق

السلام عليكم ورحمه الله وبركاته
اشكرك اخي احساس على مداخلتك الراقيه اتاسف على التاخير بالرد عليك وذلك بسبب انشغالي بامور شخصيه
واليك ردي على استفساراتك

انا لي 5 شهور هنا مدري أن فيه نادي سعودي .. ؟

النادي السعودي انشئ في فصل الربيع لعام 2010 وتم الاعلان عن اجتماع لانتخاب الرائيس والنائب وتم الاعلان عن طريق ايميل من الملحقيه الى جميع الطلاب الموجودون في جونزبورو وايضا تم الاعلان من مجموعه من الشباب في المعهد والحمدلله الاغلبيه حضروا الاجتماع وحسب ما اذكر ان عدد الحضور تجاوز 80 طالب والحمدلله تم انتخاب الرائيس والنائب في نفس اليوم
اما انا لم اكلف كعضو ادراه النادي الا قبل شهر لان النادي الان في مرحله التاسيس

ولو كان فيه نادي سعودي ماهي انجازاته عشان نعترف فيه ..؟

الى الان لا توجد انجازات على جميع الاصعده ولكن هناك انجازات على صعيد خدمه الطلبه المستجدين وان شاء الله سوف يكون انجازات لطلبه القدامه في القريب العاجل

وعلى أي اساس وضع نادي سعودي بدون اهداف ..؟

النادي وضع على اهداف وسوف نناقش معكم الاهداف في الاجنماع المقبل بعد عيد الفطر ان شاء الله

يعني نادي مايفيد ولاينفع الطلاب سواءن الجدد او القدامى مالفائدة من وجوده ..؟

حاليا النادي افاد الطلاب الجدد وسوف يفيد القدامه ولكن نريد منك الصبر واعطى الفرصه ولا ودي استبق الاحداث واخبر كيف النادي سوف يخدم الطلبه القدامه ان شاء الله في الاجتماع القادم راح نوضح ما هي خطه النادي اتجاه الطلبه القدامه

نادي بدون مقر ..؟

انا ارى شخصيا وجود مقر او عدمه لا ياثر على اداء النادي بالعكس وجود مقر قد يسبب مشاكل نحن في غنى عنها

واحب اضيف ان نحن اعضاء اداره النادي من الرائيس الى المحاسب لا تنقاضى اي شي من الملحقيه اي انه عمل تطوعي ولكن يجب علينا ان نبذل مافي وسعنا لارضاء الجميع والا يجب علينا اتاحة الفرصه للاخرين

وسبق ان ذكرت لك ان لي شهر في اداره النادي ولا نريد منكم الا الصبر واتاحة الفرصه لنا وانا شاء الله سوف اركز على مساعدة الطلاب اكاديميا وسوف اشرح لكم بالتفصيل الممل الطريقه التي سوف اعمل بها في الاجتماع المقبل

اتمنى تتحمل فضولي واستغرابي لهذا النادي السعودي .. ~

عزيزي لا ارى في مداختك اي فضول بالعكس هذا من حقك الاستفسار واشكرك اخي على اسلوبك واتمنى الجميع يسلك مسارك

الله يوفقك ويسهل امرك اشكرك

اخوك ابو فهد