تجمع طلاب جونسبورو

التنقل صعب ومو صعب يعني موجود سيارتين تاكسي في المدينة بس احياناً يكونون مشغولين ويتأخرون لذلك صعب .. واحياناً يكونون موجودين .. لكن السعوديين اللي هنا مايقصرون .. ومن رايي السيارة ضرورية في هذه المدينة ..

بالنسبة للجو فعلن اغلبه حار لكن الشتاء ع الابواب فخذ احتياطك من الجهتين .. والشتاء هنا قارص .. وبالتوفيق لكـ ..

مآشآء الله آلف مبروكـ ..


موعد الدراسه تقدر تغيره الى الموعد القادم واعتقد ان الموعد القادم 18 اكتوبر ..

وبالتوفيق لكـ ..

والله زي الزفت..
مشيت لشرقيه يوم السبت الساعه 9 ووصلت الساعه 12 وعلى السفاره على طول وخشيت عندهم المهم يوم جا دوري قالولي روح الوزارت الخارجيه وعطهم الورقه ذي وقلهم ابي بصمات واذا عطوك البصمات الرسلها لنا على الفدكس رحت للوزاره لقيتهم مسكرين لن دوامهم ينتهي الساعه 3 ورجعت لرياض وقت السويها من هنا ويوم رحت اليوم قالي الورقه هاذي طالعه من القنصليه الي بضهران وموجهه للوزاره الي بشرقيه لازم تطلعها من الشرقيه او تروح للقنصليه الي برياض وتقولهم ابي نفس الورقه واذا عطوك تعال وحنا نسويلك بصمات ,, قلت و اذا ماعطوني قال مالك الا ترجع لشرقيه وتسويها من هناك ,, عاد بروح للقنصليه الي برياض بكره وبشوف .. الله يعين بس والله كرهت الموضوع بكبره صارلي شهرين ونص من قدمت على الفيزا وللحين ماطلعت ,,

^

الله يكون بعونك والله , و رايح الشرقيه بعد والله من جِد شِقى و تعب

طيب أوكي فهمنا إنهم طلبوا البصمات لكن ما حاولت إنك تعرف منهم إذا كان في شي غير البصمات إذا جبتها لهم ولا لأ ؟

ما أقول إلا الله يفرجها عنك و ييسر أمرك إن شاء الله و مالك إلا الصبر و أنا أخوك و حاول تضغط على نفسك اليومين ذي و شِد حيلك معهم ولو إنها فيها مشوره عليك بس معليش إصبر و ربك يفرجها إن شاء الله

سئلتهم بخصوص البصمات ماعطوني عقاد نافع كل الي قالوه جيب البصمات .. وبس
والله يشباب قمت افكر جديأ اني اشوف وحده من هدول الي مايطلبون فيزا .. وريح راسي

لاكنكم تاخذون من صاحب المعرض عموله
all in the same bags

شباب انا عندي قبول وبداية الدراسة في 18 اكتوبر
لو طلبت تاخير بداية الدراسة.. متى راح تكون بداية الدراسة؟ انا نفسي ابدأ بعد شهر 2 من عام 2011

وياليت الي عايش في جونزبور يضيفيني في مسنجر لايد وهذا ايميلي
saudieconomist83 @gmail.com

اتمنى انك تذكر لنا دليلك على الاتهام الذي اتهمتني به
واحب اقول لك حكمه حطها حلقه في اذنك واثق الخطوة يمشي ملكا
واتوقع اكثر الناس في جونزبورو يعرفون مدى مصداقيتي
وعلى فكره العموله شرعا جائزه ولكن انا لا اخذ عموله ولا اسوق لصاحب المعرض واكثر الذين اشتروا سيارات من عنده عن طريقي جاءوني يطلبون المساعده ولم اسوق له
ولكن يضحكني اتهامك وانا متاكد انك ما تعرفني لانك لو كنت تعرفني شخصيا لو ما قلت ما قلت من اتهام باطل ولا يوجد لديك اي دليل
واذا كان بيني وبينك شي شخصي اتمنى انك تتواصل معي ونحل الموضوع بيني وبينك
اذا سمحت ارسل لي رقمك رساله خاصه وانا باكلمك عشان نحل هالموضوع

السلام عليكم ورحمة الله وبركاته

في حاله تاجيل الدارسه فان اقرب موعد لدراستك بعد هذا التاريخ سوف يكون في شهر 1 من عام 2011 او تقدر تاجلها اكثر اذا كنت طالب لغه الى شهر 3 من 2011

اتمنى ان اكون وفقت بالاجابه التي تسعي لها

وشكرا
اخوك ابو فهد

السلام عليكم ورحمة الله وبركاته


أبو فهد لاهنت ابي ايميلك اكتبه بالعام ( أتمنى انك تحط الايميل للجميع يستفيد من خبرتك)


وبيض الله وجهك على الي تسويه


إن شاء الله في ميزان حسانتك