تجمع طلاب جونسبورو

اعذرني اخي فليس جميع ما ذكرته في ردك صحيح

اعرف العديد من الزملاء لدي يجتمعون مع عوائل امريكيه بشكل اسبوعي ويقيمون العوائل لهم انشطه خاصه

بالنسبه للتهديد ... فمتى وأين كان التهديد ؟؟ المعهد للجميع وجميع الأجناس تدرس فيه .. هناك بعض الحالات الخاصه والسبب فيها هو المدرس .. ولكنها خاصه جدا

هنالك الكثير الكثير من السعوديين الذين تجاوزو جميع المراحل دون اي رسوب ومنهم المتميز ومنهم ذو المستوى المتوسط

... بالنسبه للطلاب الذين راسلهم المعهد .. هم طلابو لهم اكثر من 8 شهور هنا في المعهد والى الان لم يجتازو إلا مستويين


قد اكون مصيب او مخطئ لكن هذا ما أراه من جهتي كطالب ادرس في المعهد

والله يوفق الجميع لما يحبه ويرضاه وييسر لنا الخير في أمرنا كله

أخوي venosic بيض الله وجهك
وتفاألت بالخير من كلامك الرائع
أرجوا من أخواني عند ردودهم على الإستفسارات
أن يأتو بالعلم الوثيق أو والواقع الذي عايشه
شكرا

شكرا جزيلا اخواني اللي ردو على الاستفسار

بس عندي استفسار آخر

الحين انا عندي جنسية امريكية و انشالله نويت على جونسبورو, لكن بخصوص معهد اللغه هل الملحقية تحدد معاهد معتمده من قبلها ولا عادي اروح اي معهد ؟

لأني اللي اعرفه ان في الكميونيتي كولج "كليات المجتمع" جدا رخيصه بالنسبه للمواطنين الامريكان و انا راح ادرس على حسابي في بداية الفترة

انتو وش رايكم تنصحوني بأيش ؟

شورو علي تكفون لأني محتار

و بخصوص الدراسه بالجامعه هل انا اكون انترناشيونال ستيودنت ولا لا ؟

و للمعلومية انا ولا عمري طبيت امريكا بس انولدت هناك و جلست 9 شهور بعد الولاده و رجعت السعوديه

بانتظار ردودكم الله يجزاكم خير

نصيحة من اخ عايش في جونسبورنق ولو يقولون ادفع ضريبه الرد هذا لادفعها . .
ابعد عن الديره هذي . . لا يغرك رخصها . . ولا حد يكذب عليك يقولك انها زينه
ابعدددددددددددددددددددددد وشف لك ديره غيرها ولا اجلس عند هلك . . نصيحه عشان ما تندم بعدين

كثير اللي يردون في الموضوع هذا بينقلون وانا واحد منهم . . فلا حد يوهقك


الله معك

المعهد .. صراحة ناسبني التدريس ^^.

المدينة جوها دراسي ..

والترفيهـ مين قال 0 % .! ؟!


والأمان حلو .. وحتى الآن .. والله مافي ولا احد اتعرضلي بكلمة ..


بالعكس .. كل الجيران في الحي الي ساكن فيهـ حبوبين ..


وطبعاً في كل اماكن العالم .. تتعرض الناس حتضرر


زي قبل كم يوم ..

مجموعة طلاب سعوديين

في سكن القروف ..

جالسين يدخنوا قدام بيت شخص امريكي ( أسود )

قلهمـ دخنوا بعيد . .


رفضوا


وبعد محاولتين من الإقناع و التشدد بالتدخين أمام باب هذا الشخص ..

مع انهمـ ساكنين في مبنى تاني .. < شوفوا مين الي يدور على الشر ..


وبعدين يقولوا مافي امان ..

هدا المشكلة صارت قدام عيني مع اني مني ساكن في القروف لكن رحت عشان ازاكر مع واحد من اصحابي


والمدينة صغيرة للمعلومية


يعني مافيهـ ترفيهـ زي ملاهي كبيرة ونحوهـ


لكن فيهـ العاب الكترونية + ملاعب ونوادي رياضية + بولينغ وبلياردو ..


اتوقع هدا الي يحتاجهـ الطالب للترفيهـ في نظري .^^ ..


وآسف على الإطالة ^^.

اسلام عليكم جميعأ ..
حبيت اتطمن عليكم وعرف اخباركم انشالله تكونون بخير ..
لني من زمان ماكتبت رد هنا بسبب انشغالي ..
اخوكم / مزاجي (^_^)

الله يعطيك العافيه اخويMeeDeeToo
طيب صدق المدير لايهش ولاينش ومن اصول تركيه ومدير المدرسين متعصب وضد العرب ولا في احترام لك كا سعودي بلاخص
وصدق المعهد خايس والدراسه فيها مو جيده وانواع التهاون...؟
واسم مديركم او مدير المدرين نيك واندي

والله اخوي MeeDeeToo ان الشباب السعوديين مدري كيف تفكيرهم وتصرفاتهم
السالفه الي قلتها صراحه تفشل يعني هو بيتحمل احد يدخن وجالس عند بيته وكان تقوم القيامه
ههههه
يحسبون انفسهم بشوارع السعوديه ماخذين راحتهم

السلام عليكم ورحمه الله وبركاته
اسعد الله مساء الاخوان المبتعثين في جونسبورو انا في الحقيقة من فترة طويلة من بعد مادخلت الجامعه ماعاد صرت اكتب في المنتدى على العموم شدني بعض التعليقات بخصوص المدينة والمعهد من واقع تجربة انا درست في المعهد تقريبا سنة كاملة قبل ماادخل الجامعه المعهد ممتاز والمناهج ممتازه بس انا اللي قاهرني يجي واحد يتفلسف ويقول المعهد فاشل والمدرسين فاشلين ياخي انت ايش مستواك علشان تقيم المدرسين تلقاك في لفل ثنين والا ثلاثه وجالس تقيم مدرسين معاهم ماجستير ودكتوارة واصلا لغتهم الام هي الانجليزيه لكن بعض الطلاب يبغى المدرس يفتح مخه ويصب المعلومات في راسه ياخي انت شد حيلك وذاكر ولا تحتك كثير بالسعوديين وحاول تمارس اللغه مع الامريكان انا من واقع تجربه الشعب هنا بسيطيين وماعندهم مشكله يتكلمون مع الاجانب واذكر كان في المعهد برنامج اللي هو تطلب واحد تقابله مرتين والا ثلاثه مرات في الاسبوع تسولف معاه وتطلع معاه اي مكان اما بالنسبة للديره صحيح انها صغيره بس ياخي انت جاي هنا علشان هدف واحد هو الدراسة ماانت جاي تبي تفلها وتنبسط غير كذا اذا والله انت تبي تفلها فيه اجازات بين كل سمستر وسمستر تقدر تروح اي مكان في امريكا لكن جالس لي في القروف وداقها سوالف مع السعوديين وساحب على ام الدراسة وتقولي المعهد فاشل وبخصوص مدير المعهد السيد نيك انا اشوفه من افضل الاشخاص اللي قابلتهم في المدينة طبعا هو كان يدرسني قبل مايصير مدير على المدرسين وحصل بيني وبينه كلام قبل كم شهر في موضوع انه يضايق الطلاب السعوديين ومن هالكلام الرجل شرح لي كل الموضوع والله في طلاب همج ماينعطون وجهه كل يوم جايه مره يبي صباحي مره مسائي مره ماادري ايش وبالعكس الرجل محترم جدا ويقدر السعوديين كثير لكن الله يهدي هالبزارين يحسب الناس على كيفه غير كذا اكثر مايزعج نيك وهذه نقطه مهمه يقولي كثير يجوني طلاب لغتهم ضعيفه وجاي مع واحد لغته مش حالك ويبي يترجم له هذا والله ياناس غلط ثم غلط يعني انت من زين لغتك جاي تشخص تترجم للمسكين اذا الشخص محتاج شي ممكن يروح للاستقبال اذكر فيه اثنين سعوديين موظفين يقدر يتفاهم معاهم على العموم اسف على الاطالة بس حبيت ابين الامور واتمنى لكم التوفيق دوما
ولكم مني خالص التحية