تجمع طلاب جونسبورو

حبيت في المشاركة هذي من عموم الطلاب التجمع في هذا المتصفح الجميل
وكل الشكر للاخ عزوز عليه اللي جمعنا وخلانا نستفيد من بعض
تحياتي له بغيابوووو ..

السلام عليكم ورحمة الله وبركاته



آولآ / انا اعتذر عن انقطاعي

و

حمدلله ع سلامتي كنت هالفترة سفر مابين

جده - واشنطن - شيكاغو - ممفيس


ع العموم انا حاليا بـ جونسبورو

و عسى الله يوفق ويحفظ ويحمي الشباب السعوديين الي موجوديين بجونسبورو الـ ( grover )

لانهم بصراحه من خيرة الشباب ولا حسيت بغربه ابد والدعاء يبقى لهم عن ظهر قلب طول وقتي عسى الله يستر عليهم

المشكله بفقدهم لان هالوقت اجازة والكل راجع لسعودية


المهم حبيت اختصر الموضوع و ابداء بالمهم


بسم الله الرحمن الرحيم


راح اضبط خطه لشباب القادمين من السعودية لواشنطن ثم الى وصوله الى جامعه جونسبورو

وهالخطه رسمتها بحكم انها صارت معي يعني بواقع تجربه ( مو كلام نت او افتاء ) واموري الحمدلله باحسن حال


الاقلاع كان الصباح ساعه 9 وصلنا مطار واشنطن ع العصر ساعه 4 ونص تقريبا ( لانك راح تسبق الوقت )

بتنزل على جوازات الامريكيه ابد امور روتينيه صح بالبدايه واحد مايدري وش بيصير لكن تساهيل كلها تختيم ع الجواز


وبصراحه انا مافتشوا اي شنطه ولا قالوا لي شئ ابد لا اكل لا لاب توب ولا اي شئ من الي قريته من النت


طبعا فيه شخص موظف خطوط سعودية اسمر اسمه عبدالله رجل طيب و خدوم متعاقد مع السفارة السعودية و الملحقيه بواشنطن يترجم ويخدم الشباب الي مايتكلموا انجلش يعني ابد لاتهتم

المهم اذا خلصت من الجمارك او الجوازات بتحصل بصاله لوحه مكتوب بالعربي الملحقيه السعودية

وشخص اسمه محمد مصري جنسيه موظف بالملحقيه ويستقبل الشباب

طبعا هو موجود طول الوقت بمطار يستقبل الطلاب سواء خطوط سعودية او اجنبيه لاتخافون من هالناحيه

( الله يهدي بعض الشباب بس ان كتبوا بالنت يحبون يمّـلحون )

طبعا فيه فان خارج المطار يوصلك للفندق متعاقدين معه الملحقيه كل طلاب يوصلون للفندق تحجز عاد الليله بـ 86 دولار

الصباح يوصلك المصري محمد او التوصيل الفندق للمحلقيه تخلص امورك وتساهيل الساعه 5 العصر يردونك للفندق

المعذره اطلت الشرح لكن حاب اوضح نقاط مهمه

وانت قبل ماتجي لممفيس حاول تراسل الجامعه وتعطيهم خبر انك راح تكون موجود بممفيس عشان يجون ياخذونك

والاحسن والي انا سويته ان فيه ابلكيشن انا عبيته وماقصر الاخ بندر الحربي بادراجه بمشاركته

هذا رابط الابليكشن ~> اضغط هنا

انا ارسلته قبل وصولي بـ 6 ساعات و استقبلني شخص اسمه شادي وفيه شخص ثاني اسمه جون او جوني

المهم يوصلونك اي فندق تبيه وانا عن نفسي سكنت بفندق موتيل 6 لانه بوسط جونسبورو وجنب المولات والاسواق والمطاعم وحليو وسعره رخيص بعد بـ 33 دولار الليله

وفيه مسجد كبير جامع واضح له منارته والامام اسمه ابو عبدالله رجل طيب وخدوم له 20 سنه بامريكا

( بتلاحظون رخص مو طبيعي بــهالمدينــه اصلا انتظر وصولكم بنتهبلون )


المهم طلعت الصباح للجامعه طبعا شادي موجود بمكتب االانترناشيونال يعمل هناك وبيخدمكم اكيد يتكلم عربي هو اصله مصري


وخلصت كل اموري وقابلت شباب هناك السعوديين ويفرحون بالسعودي اذا جاهم عسى الله يوفقهم والله والله والله حسيت اني بين اخواني

( هالنقطه انا احس بعض الشباب خاصه اخوي الغالي بندر الحربي بيتشائم منها لانه جاي يدرس لغه مو يقابل سعوودين )


صح كلامك اخوي بندر لكن الدراسه دراسه و باقي وقتك ان بغيت طبعا تقضيه وقت الطفش بسوالف هذا ان حبيت لكن وقت دراسه والجد محد يم احد كلن بدراسته وكلن بغرفته يدرس بتلاحظ هالشئ لان من وصولك بتحس بغربه بتحتاج احد يساعدك او اقل حاجه بينصحك وين الاحسن وين الافضل لك انت ولمصلحتك


انا والله من وصلت كانوا بيوقعوني عقد مدته سمستر كامل بـ 3 الاف دولار بس ماقصروا الشباب نصحوني وقالوا لي الافضل واخترته ومرتاح


طبعا الي بيسال من ناحيه السكن فـهي اربعه انواع :

1 - مع عائله

2 - كورنر الجامعه ( سكن الجامعه )

3 - بيت خارجي انت وشباب قروب تدورون بيت تستاجرونه يطلع ع الواحد 250 دولار طبعا انت الي تاثث

4 - القروفر ( Grover ) اجمل واحسن وافضل سكن وانا الي اخترته

القروفر ( Grover ) انترنت سريع كهرباء مويه غساله مطبخ بكل كمالياته من فرن وثلاجه وميكرويف ماثث طبعا وفخم وكل هذا بـ 425 دولار بسمستر كله واكلك و شربك ان حبيت من بوفيه جامعه او الافضل انت بكيفك تشتريه

طبعا 150 دولار بالكثير نقول 200 دولار اذا انت راعي اكل بتشبعك بشهر وهذا بحسب اخوياك الي معك بنفس روميت


طبعا القروفر ( Grover ) نظام شقتين - 3 شقق

بس تختار روميتك الي بيسكن معك يكون سعودي او امريكي ( خال / ابيض ) او من شرق اسياء

والافضل تختار سعودي لانه بيساعدك بتتعاونون وربعن تعاونوا ماذلوا صح بتسولف بالعربي لكن والله وقت الدراسه

كلن بيناظر بمستقبله وبيقول ماني فاضي لاحد


نقطه مهمه ( الجامعه تصدر لك بطاقه طالب وتبداء دراستك ماتطلب اي مبلغ مقدما الا قبل نهاية سمستر )



والله يوفقكم ان شاء الله

اعذروني ان اطلت واعذروني ان قصرت بشئ

بحكم اني استخدم جهاز احد شباب الى ان اشتري جهاز جديد

واكون متواصل دائم وبالخدمه

ع فكرة انا ابي روميت سعودي اذا حاب احد من شباب يسكن وياي ولي شرف طبعا