تجمع طلاب جونسبورو

لأسيرة انا بعد وصلني من المكتب انو قبولي في ولاية اركانسس
حقيقة ماوضح المدينة
بس خبروني انو Arkansas State Uni.
ومن البحث عرفت ان الجامعه هذي بولاية جونسبورو

ماحبيت المنطقة بعد اخذ لفه عليها ومايتعلق بها
حتى المعهد !!

افكر جديا في التغيير !!

انتي هناك ؟

شباب حاب استفسر عن وسائل المواصلات داخل المدينه (تكاسي ,باصات,قطار)
ايضا ايش وسائل المواصلات من جونسبورو الي ممفيس في الايام العاديه واسعارها والمسافه
بعدين الواحد اول مايوصل مطار ممفيس يوصل لجونسبور اذا مو متفق مع الجامعه على الاستقبال
ياريت احد يسالنا عن سكن العوائل في السكن الجامعي كيف نظافته واسعار وكم غرفه
متي مواعيد بداية الكورسات في كورس يوم 11 يناير الكور الي بعده متي يبدأ

اخوي الشمري ..
انا جيت جونسبورو من 3 ايام وبصراحه بديت احس بالملل وشرايك لو نجتمع انا وياك وكل الاخوان اللي وصلو ؟؟؟

التمامي
ولا يهمك حاضر ابي اجيب العزبة معي ههههههههههه الحائلية ابشر بواحد فنان طبخ
هههههههههه
بس انتظر الفيزة هالايام بتخلص واحتمال ادرس الاسبوع الثاني
ولايهمك يابعد حيي اذا جيت انا هناك مالك الا اللي يسرك
سلام

صباح الخير انا وصلت اليوم في جونسبورو و ساكن في فندق BAYMONT INN & SUITES
و ابغا اقابلكم باي شكل قبل ما اطفش رقم جوالي السعودي 966568880564+
و اتمنا نجمع اسماء كل الي وصلو و نحدد مكان و نتقابل
فرصه قبل ما ننشغل بالدراسة
و كل عام وانتم بخير

اولاً السلام عليكم للجميع والحمد لله على السلامه للي وصلو والي ماوصلو يوصولن بالسلامه بإذن الله
ثانياُ انا اسف للانقطاع ولكن بسبب التنقلات وعدم الاستقرار لكن بنعوضكم برد يروي عطشكم للمعلومات الي صارت لنا وتبي تصير لكم ان شاء الله .

بالنسبة للرحله من الرياض الى واشنطون 13 ساعه ونصف
الجو بارد جداً ثلج ظبط امورك بملابس طبعاً اذا وصلت للمطار روق لانهم بيمشون الزحمه وبياخذون جوازك و الاي توني ونصيحه خذ لك شنطه خفيفه وحط فيها الاي توني الاصل والجواز عشان هم اهم شي وبعدها يودونكم بمكان انتظار لين تروح الزحمه عشان يسجلون لكم بيناتكم انا عن نفسي جلست تقريباً 4 ساعات بالمطار طبعاً اول ماتطلع لصالة القدوم بتلقى بوجهك مكتوب باللغة العربيه الملحقيه السعوديه بواشنطون وبتلقى موظف مصري محترم جداً وخدوم بيسألك عن اسمك ويدور على الاسم بالقائمه الي معاه طبعاً انت لازم تسجل بموقع الملحقيه كما هو موضح في احد الردود السابقه لي نزلت الرابط . طبعاً بيسألك يقولك على حسابك ولا حساب الحكومه وانت تقوله وبعدها يعيطيك ملف تخليه معاك اذا وصلت للفندق تعبيه انا انصح الي ما وصل انه يصور صوره شخصيه 6x4 من دون شماغ عشان اريح له ولو ماصورت لا تشيل هم ياخذون الي ماصورو يودونهم للاستديو يصورون احب انبه لا تتوقع انك بتبلش مثل ما توقعنا حنا قبل لانك بتنصدم بالتسهيلات والتعاون من الجميع الطلاب وموظفين الملحقيه .
وبعدها يجي باص الفندق وتراه مجاني ويوديك للفندق الي نزلت صورته الاخت اسيرة اغرفتي الله يعطيها العافيه
طبعاً تسوي فاتوره للغرفه انا اخذت يومين 178 دولار وعادي ممكن تسكن انت و اي واحد بالغرفه تطلب سرير ولا سريرين كلهم سعرهم واحد تطلع وتنزل اغراضك وبعدها تنزل للأستقبال تعبي الملف الي عطوك اياه بالمطار ولا اوصيك عبها بدقه لا تفوت شي شوري عليك تحمل شوي لانها كثيره بس تراها كلها بالكثير نص ساعه تروق عليها وبعدها خلاص ترتاح ان شاء الله اذا اوراقك سليمه عشان ماتعيق نفسك بنفسك واذا احتجت اي صوره لا تشيل هم التصوير من مكينه الفندق ومجاناً وبعد ماتخلص يدقق بالاوراق ويستلمها منك وبعدها روح الله يسهل عليك روح وترى فيه مطعم بيتزاء حلال تعشى ونام وبكرى الصباح تصحى الساعه 8:30 وتنزل تفطر فيه فطور مجاني وتطلع مع باص الفندق للملحقيه وتخلص اجرائاتك ولاتشيل هم بالملحقيه لانك بتشوف ان الموظفين احرص منك عليك وبتشوف بعينك وتقول والله انك صادق ياعزوز وبالملحقيه اذا اوراقك تمام مافيه نواقص يكفيك ساعتين بالكثير اعتقد اذا اني مانسيت المطلوب في الملحقيه هو (الاي توني الاصل + قبول المعهد او الجامعه + الجواز الاصل + صور شخصيه 6X4 + صورة من بطاقة الاحوال ) وعلى فكره لا تشيل هم الانظمام ان شاء الله خاصة الي معاه امر اركاب لأني سألت أحد الطلاب الي بجنسبورو قال توه وصلتني موافقة الابتعاث طبعاُ مسجل عندهم قبل اسبوعين فقط مشاء الله عليه والله يوفقه وييسر لنا ولكم .
وبعد ماتخلص من الملحقيه تنزل واذا طلعت من باب الملحقيه تروح يمين فيه عماره جنب الملحقيه فيها سوق صغير تنزل له بالسلم الكهربائي فيه محل جوالات وتشتري منه شريحه T.mobil طبعاً انا اخذتها تقريباً 45 دولار

وبعدها خلاص تتسهل على ديرتك بس نصيحه لا تفوت جلستك بواشنطون تمشي فيها

طبعاً انا حالياً استقريت بجونسبورو اخذت سكن بالقرووف ( grove ) انا وخويي شقه ممتازهـ جداً ونظيفه وداخل الحرم الجامعي وهي مكونه من غرفتين ودورتين مياه (وانتم بكرامه) خاصه ومطبخ وصاله مشتركه والباب الخارجي مشترك طبعاُ السكن متوفر فيه فرن كهربائي ممتاز ومكرويف وغساله ونشافه وطاولة كوي كنب صاله وسرير بدون لحاف والكهرب والماء والانترنت والتدفئه وجميع الخدمات مجانيه فقط ب 500 دولار للشهر والعقد اقل مده 6 اشهر تدفع اول شهر واخر شهر اضافه الى قيمة العقد 100 دولار يكون الاجمالي 1100 دولار واذا بتاخذ عقد سنه اذا كانت 3 غرف مشتركه كل غرفه 415 واذا غرفتين للغرفه الواحده 465 طبعاً الغرف لكل شخص ولا يسمح باستأجار غرفه لشخصين وبالنسبه للي يسألون عن السكن عند عائله ماعندهم النظام هذا لانهم شعب متدين ومحافظ

طبعاً الجامعه كبيره وتشرح الصدر وفيها سعودين حالياً ما يقارب 70 في اعتقادي وبالنسبة لنظامهم الان فاتحين بس مافيه جميع الخدمات والبدايه الرسميه 4 يناير بداية السنه الجديده ان شاء الله بالنسبة للمعهد والجامعه معترف فيهم من قبل الملحقيه وتم الختم على الاي توني حقي بأنهم من ضمن الجامعات المعتمده وبالنسبة للمعهد سمعت انه قوي ومفيد ( للي جاي يدرس ويبي يستفيد )
اما بالنسبة للمدينة لا تحط بالك بتلقى مدينة بمسمى المدينه بس شوف المدينة جميله جداً ( مناسبة جداً للدراسه ) وتقريباُ جميع خدماتها تتمركز في طريق واحد وهو المؤدي الى الجامعه طبعاً المدينه تعتمد على الجامعه وفيه تخفيض للطلاب كل بعطيك نسبة معينه وفيها كل المطاعم تقريباُ ماكدونالدز و برجر كينج و دومينوز بيتزا و باسكن روبنز وأسماء كثيره ونصيحة مجرب بالنسبة للاحجام بالطلب من المطاعم اذا قالك وش الحجم الي تبيه قوله صغير لانه يبي يعطيك الحجم الوسط عندنا بالسعوديه لا تتوهق وتقول كبير .
وفيها فيدكس ومعارض سيارات وفيها وكالة هونداي وكالة شفر وفيها سوبرماركتات كثيره وعند سوبر ماركت اسمه مول مارت هذا كبير مره وفيه كل شي بالك و فيه رز بسمتي عند سوبر ماركت اسمه سوير ماركت الجامعه الي يبيع فيه اردني وفيه خبز عربي والمدينة فيها كل شي تتخيله واسعارهم خياليه ورخيصه مرررره مقارنةً بالمدن والاخرى

طبعاُ بالنسبة للبنك الي تفتح فيه حساب افضل بنك كما سمعت من الطلاب انه
bank of america جنب مطعم كنتاكي بنفس الطريق المؤدي الى الجامعه

بالنسبة لخط السير افضل شي الي هو
الرياض الى اشنطون طيران
واشنطون الى ممفيس طيران
ممفيس الى جنسبورو سياره تقريباً ساعه الطريق

حسب ماسمعت عن ممفيس والعهده على الراوي انها اكبر معدل اجرام في امريكا وبالنسبة لي شفت فيها بكثره المشردين (الهمولس) لا تكترث لهم ولا تخاف منهم لانهم بس يبغون فلوس بس اشكالهم يخوفون بس لا تعطيهم وجه



لا اوصيكم ياشباب أهم شي الصلاة فهي عمود الدين اذا صلحت صلح سائر العمل واذا فسدت فسد سائر العمل وبالمناسبة هذا برنامج للكمبيوتر جميل جداً لمواقيت الصلاة فهو يؤذن وقت كل صلاة ويحدد لك القبله ونصيحه للي يبي يجي لا ينسى البوصله واذا ماجبت بوصله سهل الشمال فهو بنفس اتجاه الطريق المؤدي الى الجامعه والقبله بين الشمال والشرق والبرنامج مجاني جزى العاملين عليه خير الجزاء
هذا رابط البرنامج

ط¨ط±ظ†ط§ظ…ط¬ ط§ظ„ط£ط°ط§ظ† ط§ظ„ظ…ط¬ط§ظ†ظٹ ظ„ط³ظ…ط§ط¹ ط§ظ„ط£ط°ط§ظ† ط¨ط´ظƒظ„ ط£طھظˆظ…ط§طھظٹظƒظٹ ط®ظ…ط³ ظ…ط±ط§طھ ظپظٹ ط§ظ„ظٹظˆظ…

طبعاً انا وعدتكم لما كنت بالسعوديه اكتب لكم الي صار لي و أوفيت بوعدي الحمد لله لاني كنت عايش معاناتكم كان الله في عونكم و مع تمنياتي لكم بالتوفيق والنجاح


اذا عندك اي استفسار اسأل وانا وباقي الاعضاء ان شاء الله مانقصر معك

ارجو اني مانسيت حاجه فأن اصبت فمن الله وان اخطئت فمن نفسي والشيطان


تقبلو مروري ومشاركتي

اخوكم 3zoo0ooz

عزوز ممكن سعر الشقه لاني ابي وحده
وممكن ترسل لي رقم جوالك