تجمع طلاب جونسبورو

هلا وغلا طروق لا يالغالي انا بواشنطن ويوم الاربعاء انشالله رايح جونسبورو وماني عارف كيف اسكن او كيف احصل سكن اسمع بالقروف وماني فاهم شي المهم اذا تقدر تساعدني اتصل علي

نطلب من الشباب الي راحوا معلومات عن الجامعه والمدينه


انا معكم انشاء الله في نفس الولاية

ان شاء الله ياسعود تحصل في القرووف

على ماسمعت ان السكن اكتفى

لكن انت اهم شي ارسل للمعهد عن موعد وصولك لمطار ممفيس علشان يستقبلونك في المطار بدل ماتدفع 209 دولار للتاكسي علشان توصل لجنسبورو

شكراً

صبحكم بالخير جميع
وكل سنة وانتو طيبين

للشباب اللي داوموا اليوم في المعهد ياليت يعطونا
الوضع بشكل عام ويطمنوننا الله يوفقكم


وياليت يا سعود 911 تضيفني عندك عشان تمهدون لنا الطريق
شوي .,, تعرف الغريب في بلد الغربة غشيم
لاني جاي كلهآ أيام وامشي ,, اللي اخرني النيجيري
الله ياخذه عقد الامور شوي واربكها في الــ US لكن ربك بيزينها

وفقكم الله جميعآ


arkansas_2010 ع الهوتميل

الترانزيت الي يقصده صمت الرمال بالطيران انك توقف في مدينه اخرى قبل وصولك لمدينتك التي انت ذاهب اليها

شف اخوي صالح كل واحد ياخذ السكن على قد ميزانيته وانت شوف اسعار السكن وشف وش الي يناسب لك يعني على سبيل المثال تقدر تاخذ بالكولج كورنر 3 غرف مشتركه بدون اثاث ومطبخ واعتقد فيها يا حمام ويا حمامين وانتم بكرامه وسعرها 600 دولار يعني كل غرفه تطلع ب200 دولار طبعاً اقل عقد عندهم ست اشهر وحط بالك انك ماتقدر تاخذ غرفه لحالك مثل القروف يعني لازم تشترك انت واثنين معك .
بس اذا تبي نصيحة مجرب وميزانيتك حلوة خذ لك بالقروف عقد ست شهور غرفه اذا كانت نظامها غرفتين تطلع لك بالشهر 500 دولار للغرفه الوحده واذا تبي غرفه نظامها ثلاث غرف تطلع عليك بالشهر 475 ريال
عشان تعرف ليش نصحتك فيها هذي الاسباب

1 قريبه للجامعه على رجلك 10 دقايق للجامعه
2 مؤثثه كامل الاثاث المطبخ مكمل بس جب قدورك ومؤكلاتك والصاله مؤثثه بس جب التفلزيون والغرفه مجهزه بس جب لك مفرش للسرير
3 السكن آمن وقريب للخدمات
4 اذا اخذت سكن لم يؤثث احسب حسابك انك ما معك سياره وتبي تتبهذل عشان تأثث
5 الخدمات كلها عندك ومجانيه انترنت كيبل سرعته 1 ميجا وكيبل تلفزيون وكهرباء وماء
6 غساله ونشافه خاصه بالشقه مو مثل الكولج كورنر او غيره تطلع برى تغسل وتدفع ثلاث دولار لكل غسله غير انه برد والله ان ماتقدر تطلع وتتراكم ثيابك
7 موقف خاص بالسياره هذا اذا اشتريت سياره ان شاء الله
8 اي شي يخرب عندك تتصل عليهم يجون يصلحونه
9 فيه صاله رياضيه وبلياردو و هوكي كلها مجانيه ومقهى وكمبيوتر تدخل النت فيه
وتصوير مستندات بلاش ونسخ
10 جنبك محطات ومكاتب ومطعم صب واي و ماك و دومينيز بيتزا
11 طبعاً فيه توبيس تتصل عليه اذا بغيت تروح للمول ولا للسوبر ماركت يوديك ويجيبك وبلاش حسب ماسمعت من الشباب ولا ادري اذا الاوتبيس خاص بالجامعه ولا القروف
12 الجامع يبعد 13 دقيقه تقريباً على رجلك

واذا بتاخذ سكن شوري عليك احرص انك تاخذ بأعلى دور مثل الدور الثالث عشان تفتك من الازعاج لان بيوتهم خشب لو يعطس جارك تقوله يرحمك الله خخخخخ <امزح

وبالاخير الخيار لك طبعاً عزوز وغيره وكل من يبدي رايه لا يلام لانك انت من طلب الراي يعني لو ما توفقت لا تزعل علينا ولا تدعي على احد منا ( ماعلى المحسنين من سبيل )
حنا نعطيك راينا بناء على تجاربنا

تقبل تحياتي
3zoo0ooz

اليوم ماذبحنا الا البرد اعتقد درجة الحراره سالب 5 الي ماوصلو للديره شوري عليك لا تتوهق مثلنا والله العظيم برد ماشفته بحياتي والله لو تسكر كل مكان بجسمك البرد يدخل مع خشمك .

وبالنسبه لليوم وصلنا لهم 9 الصباح واخذو صوره من الجواز والاي توني وبعدين خلونا نروح لقاعه جلسنا فيها 4 ساعات وشرحو كل شي في الجامعه والمدينه ونظامهم بكل شي و وظايف كل شخص ومسؤوليته وكل شوي يجي واحد ويرحب بنا ويتكلم عن نفسه ويشرح وظيفته وش يقدر يخدمنا فيه
وبعدها طلعنا وصورنا وعطونا بطاقة الجامعه طبعاً من فوائد بطاقة الجامعه انها تفيدك بخصومات عن المحلات والمطاعم

وبلغونا ان بكرى الثلاثاء الساعه تسع الصباح فيها تحليل
ويوم الاربعاء اختبار لتحديد المستوى

ويوم الاثنين الجاي تبداء الدراسه الفعليه الموافق 11-04-2010
هذي الي عندي واستفدته اليوم واعذروني مقدما عن الانقطاع القادم بسبب الانشغال

والله يوفق الجميع

تقبلو تحياتي
3zoo0ooz

الله يوفقك اخوي عزوز والله انك كفيت ووفيت يالغالي .. ومشكور وماقصرت بيض الله وشك .. وموفق ان انشالله في حياتك العلمية والعملية ..

صباح الخير شباب الي بيجي لا ينسا يجيب لبتن بس لا يكثر يعني علبة واحدة فقط تكفي لانه في لبتن ماله طعم
ملاحظة - شبكة موبايلي اشتغلت عندنا لمدة 4 ايام فقط و بعدها مافي ابراج يعني اول ما توصل طلعلك رقم at&t
- انا وزنت شنطتي في الرياض و كان وزنها 35 كيلوا و وزنتها في مطار واشنطن كان 95 كيلوا و دفعت 70 دولار
الوزون عندهم مو بالكيلو

سكن الجامعة اجباري للاشخاص الي عمره دون 21 سنة ( لاسباب مادية )
في اكثر من مبنى للسكن الجامعي في شيئ كانه غرفت بريزنت بريك صغيره و حمام مشترك و قديمة و في سكن جيد و جديد بس الاولويه للطلاب القديمين و فل
عشان قدا لا توقع عقد مع سكن الجامعة اولا زورو سكن قروف و قابل الشباب و شوفلك حل
ملاحظة عندهم كل شئ بقيمته ما بقى الا انك تدفع على الهواء البارد