تجمع طلاب جونسبورو

مشكورة اختي الله يوفقك يارب
طيب العفش ذا اجيبه من السعوديه افضل والامن هناك اشتري؟
وهل احجز بيت قبل ما اجي يعني من السعوديه والا اذا جيت اختار البيت اللي يناسب او الشقه
وبالنسبه للحضانه انا سمعت انو لازم تحجزين من قبل لانو بعض الحضانات تتملى

 المشاركة الأصلية كتبت بواسطة ام هشام

مشكورة اختي الله يوفقك يارب
طيب العفش ذا اجيبه من السعوديه افضل والامن هناك اشتري؟

اذا تبين رأيي كمجرب لا تخلين شي بالسعوديه تحس انه يلزمك الا جيبيه معك خاصة ادوات الطبخ البهارات والليبتون< كثر منها) وبريق شاي ودله قهوه ولا تنسى الزمزميات <(ثلاجة الشاي والقهوه) وشدة بيالات وشدة فناجيل وصينيه تقديم شاي وقهوه لاني تعبت لين لقيتها
طبعاً لقيت قدر كاتم فرنسي بالمول حلو وممتاز بأربعين دولار عليه تخفيض كان سعره 80 دولار مثل الي عندنا بالسعوديه بس بالنسبة للقدور حقاتهم ما اعجبتني لان كل اكثرها تجي طقم كامل لا تقل عن 150 دولار

على فكره لا تنسون يكون معكم على طول مناديل الجيب لانها مهمه على طول خاصة بالبرد وثانياً تحتاجها بدورة المياه < وانتم بكرامه) لانهم ماعندهم مويه بالحمامات بس خلص وأمش
الحمد لله الذي هدانا للأسلام

بعطيكم معلومة انا كنت اقراء ردود بالمنتدى مثل هذي بالسعوديه قبل السفر واقول والله فاضي هذا يكتب اشياء مالها سنع لاني كان بالي مشغول بعوائق السفر وترتيبات اوراقي !؟
بس لما جيت هنا واستقريت تبهذلت عشان ادور على اشياء تناسب لي عندهم ولا تعوضني عنها
لذلك استفد من تجارب غيرك ولا يهممك الوزن وانت جاي لانك اذا ما اخذتها معك راح تخلي احد يرسلها بأغلى قيمه لذلك خذها معك ازين
الوزن المسموح للشخص من الرياض شنطتين كل شنطه وزنها 32 + 32 = 64

بس المشكله في الطيران الداخلي لأمريكا كل شخص شنطه وحده 24 كيلو واذا زاد تدفع انا خويي دفع 140 دولار على شنطته الخاصه والعزبه حقت الطبخ
بس اذا عندك اولاد حلو توزعينها على تذاكرهم

تقبلو تحياتي
3zoo0ooz

انا عن نفسي شفت عائله ساكنه بالقروف والسكن هادي بس احرصو على السكن بالدور الثالث بعيداً عن ازعاج الشارع وازعاج الدور العلوي وافضل سكن في القروب بأعتقادي هو سكن رقم 10 و11 لقربهم للجامعه
وانصح الي يبي يوقع عقد لا يزود عن 6 اشهر عشان بعد 6 اشهر اثاريك عارف اشياء كثيره ومستجدات وتبين لك امور كثيره من خلالها تحدد اختيارك

تقبلو تحياتي
3zoo0ooz

الله يعين سالتكم ولا احد جاوب جايكم هناك والله لاقلب عاليها سافلها
ههههههههههه

عزوز ابي رقمك لاتغلى هالحين انا بالرياض وودي اكلمك

ابشر بعزك اوكى ماعندك اي مشكله <<<< وش يبي ذا


ونا يا ياصاحبي بالرياض <<<< النشبه


وبعدين يابو شمر انت قدمت أوراقك لي مكتب

السلام عليكم ورحمه الله وبركاته اما بــــعد <<< يا عاقل


يا هلا بهل أركانسس ويامرحبا كيفكم ان شاء الله كلكم بخير انا الحمد لله ماشيه اموري ايه والله لا
والله قالي المكتب عنها ورحت اتصفح وعجبتني ايه والله الله يعين امين يارب <<< سخــيييــف




أنا متابع معاكم من أول مافتح الاخ عزوز الموضوع وكنت ادور على مدن غيرها <<<مسوي فاهم




ويوم تأكدت أني أن شاء الله بأركانسس حبيت اتكلم <<< يا اسلووب


و اللــــه يوفقنـــا والي وصل الحمد لله على سلامته والي باقي يوصل بالسلامه ولا الي له مده الله يوفقه

والي يشارك بذا الموضوع الحمد لله على سلامته << ما خلاء احد

وتقبلوا سخــافــتي اخوكم ممدوح

السلام عليكم
كيف حالكم جميعا اناء دراستي انشاء الله تبدأ في 1 جون شهر 6 ميلادي2010 في جامعة Arkansas State University
وفي البداية أكيد قبل ما ادخل الجامعة ادخل المعهد سؤالي يا أخواني هو كيف المعهد وهل فيه اختبار توفل وكيف الاختبار والا على طول ادخل الجامعة للماستر افيدوني وكيف الجو والوضع في جونسبورو وهل شعبها متحجر مثل ما قرأت في بعض المنتديات انا بصراحة متخوف منها بس مصر عليها وكيف المدينة جميلة أفيدوني .
أنشاء الله نكون لبعض في الغربة وربي لا يحرمني منكم..

الله يوفقك ولا تتهور