تجمع طلاب جونسبورو

الـــســلام


كيف حالكم وش اخباركم بشرونا عنكم يا اهل اركانسس ان شاء الله كلش تمام



قبل لا أجي ان شاء الله بخبركم اذا كان توصوني بشي اجيــبه


حبيت اسلم على الجميع ومـو فقـــيــن يارب

الاخوان عزوز ، والروقي ، وكل اللي عندهم خلفية واللي في الجامعة والمعهد بجونسبورو ، ياليت تفيدوني هل المعهد التابع للجامعة مقفل ولا لا ، لأني مقدم عليه وقبولي جاي بالطريق ، رجاء خبروني قبل لا أجي واتخسر واتحطم واتفاجئ بعدين أنه موقف ؟

بالانتظار

هلا وغلا عبدالله وحياك الله ..النقطة الي تتكلم عنها ..من ناحية المعهد .. اانا مآراسلت المعهد الا يوم تاكدت انه مو مقفل وتاكدت من المكتب اللي سلمته الاوراق قبل شهر تقريبا او يزود شوي .. والقبول الان بالطرق ..وكذلك تاكدت من الموقع والاخوان هنا جزاهم الله خير .. وانت باستطاعتك تتاكد من موقع وزارة التعليم العالي .. وتقدر كمان تتاكد من المكتب .. تحياتي saleh

ياشباب منو الي اثار النقطه هذي يا اخوان وش تبون بالظبط نطلع مصحف ونحلف ان الجامعه والمعهد معتمدات وغير موقفات !!!
وبقولكم شي عشان بس تقتنعون من دون حلف شوفو لما توصلون للملحقيه ماراح يفتحون لكم ملف الحاق الا اذا كانت الجامعه والمعهد معتمدات لانهم راح يختمون على نسخه من القبول الجامعي والي يقول لا ياخوي المعهد بس هو الي غير معترف فيه ! اقولك ان الجامعه ما تعطيك قبول الا اذا درست بمعهدهم فقط لا غير

يعني انا انصحكم انسو الموضوع هذا وانشغلو بأشياء اكثر اهميه لان الموضوع هذا اخذ اكثر من حقه وصار تجمعنا كله بس عشان نقنع بعض انه معتمد ولا انه غير معتمد وانا متأكد انه مثار من شخص ما لكي تصرف الناس نظرها عن هذه المدينه لانها مدينه دراسيه وصغيره لذلك والعرب تشوفوهم بكل مكان ولا فيها سكن مع عائله وهذا الي يضعف اللغه والسعوديين يسكنون مع بعض لذلك ستخف نسبة تعلم اللغه 60% تقريباً




تقبلو تحياتي
3zoo0ooz

عزوز يعطيك العافيه و ماتقصر و بالنسبة لنقطتك ماتعطيك قبول الا لدرست بمعهدهم ! تقصد قبول مشروط ولا عادي؟

ماتقصر و خيرك سابق

لو سمحتوا اريد اسئلكم سؤال
القبول الا جاكم جاء معاه قبول الجامعه( القبول المشروط) وقبول المعهد (I-20)؟
لو بس جالكم قبول المعهد فقط(I-20)؟
وشكرا

ايوه اختي قبول مشروط

تقدر تاخذ قبول لدراسة اللغه فقط بس لو طلبت قبول جامعي يشرطون عليك اللغه

ماتقصر خيوو و الله خيرك سابق و ماشاء الله مكفي و موفق

لاخلا و لاعدم

يعطيك العافية أخي عزوز ، وماقصرت وكثر خيرك

لاتزعل حبيبي أكثر الطلاب جايين على حسابهم ومن حقهم يتأكدون وبزيادة ، خصوصاً أنه في أحد الردود تفيد أنه موجود في القائمة الأخيرة من الجامعات والمعاهد الموقوفة، وأعتقد ان اللي راد هو الأخ بندر الحربي إذا ماخنتني الذاكرة ، الشي الثاني هناك من قال أنه قد يوقف المعهد ولا توقف الجامعة بسبب أن المعهد فيه تكدس ، علشان كذا لاتلومهم إذا ألحوا بالاسئلة علشان يتاكدون مية مية ويروحون وهم على بينة .

تحياتي لكَ واشكرك على روحك الجميلة وتجاوبكَ الرائع .