تجمع طلاب جونسبورو

السلام عليكم...
اخوواني اي واحد يفكر يجي جونسفور علشان يتعلم لغــــــــــة لايجي بتقولون ليه؟؟!!
والله مارح تتعلمون شئ لان المعهد فاااشل وتدرس بس اربع ساعات بس والمعهد ثااانيه 8 او 7 ساااعاات وهنى مافي عوووائل وكلاس الواحد لايقل فيها سعودين عن 10انصحكم نصيحة لا حد يجي هذي المدينة وحاول تدورن معهد تعرفون نظاامها ولاتسمعون كلام المكااتب لانهم يقولون لكم المدينة حلوه والمعهد حلو وهم ميدروون عنه شئ كل لي اعرفهم انقلوا لي صارله شهرين وربع ومتعلموا شئ ونقلوا وانا عن نفسي شهرين وبنقل من هنى
وانا نصحتكم والباقي عليكم....

مشكور , طيب اللي معه لغة كويسه تنصحة يجئ , وهل المدينة حلوة للعائلة من حيث التنظيم والسكن والوناسه
عندي قبول من معهد els في فلوردا -اورلاندو ..هل هناك مشكلة لو شافوه الامقريشن في المطار وايش اقول لهم لاني ممكن اغير المعهد لو ماكان مناسب

هلا أخوي أبومحمد
يالغالي كلام عزوز على عيني وعلى راسي لكن على ما اعتقد تو ماوصل للمدينه يعني مايقدر يحكم بفشل المعهد مع ان غيره يقول عنه انهم متشددين بالدراسه بالنسبه للطلاب فيه طلاب سعوديين كثير وفيه الي يمدح والي يسب
الشي الثاني اذا انت جاي تبي البشكات والسواليف تبي تلقاه اما اذا جاي تبي تتعلم لغه فأنت برضوا تبي تلقاه من ناحيه انك ماتختلط مع طلاب عرب كثير يعني انا عارف انه صعب بس لو حاولت تبي تقدر
المدينه صغيره وهاديه ومثل ماقالوا الشباب قبل مدينه للدراسه بس ماراح تلقى فيه اي متعه الا قليل بالنسبه للعوائل اشوف شباب معهم عوائلهم هنا ومرتاحين من ناحيه السكن بس اعتقد انك تبي تحتاج سياره وللمعلوميه السيارات قيمته رخيصه هنا
اتمنى اني افدتك

اخوي ابو محمد اذا عندك لغة اوكيه واموررك زينه ان شاء الله
واهم شئ ان معك قبول ثاني علشان اذا معجبك المعهد تغيرهاا وتوقع انها ماله دخل اذا شافها القبول الامقريشن لنك اذا معجبك راح تسوي مخااالصه من نفس الجاامعة وراح يكون في خبر عند الامقريشين ومن ناحية المدينة المدينة حلوه وهاااديه مرره بس ماافيها اماكن يعني فيها موول واحد بــــس ونااسه ومثل ماقال اخويdemorganي يحتاج لك سيارة





ولي المعلومية ياخووي demorgan انا موجود في جونسبورو

اخووني واخوي ابو محمد علشان تتاكدون من كلااامي بخصوووص المعهد صح اسالوا اخوي 3zoo0ooz او اخوي الروقي هم عندهم الخبرها في الموضوع وتمنى متغلط غلطتنان وتجي تتعلم لغة هنى
وشكراااا....!

 المشاركة الأصلية كتبت بواسطة عزوز العتيبي

اخووني واخوي ابو محمد علشان تتاكدون من كلااامي بخصوووص المعهد صح اسالوا اخوي 3zoo0ooz او اخوي الروقي هم عندهم الخبرها في الموضوع وتمنى متغلط غلطتنان وتجي تتعلم لغة هنى
وشكراااا....!

الديره فيها ميزات وفيها سلبيات وكلن يشوف الي يناسبه
بالنسبة للأيجابيات

1 - الديره هاديه و أمان جداً
2 - رخيصه مقارنة بالمدن الامريكية الاخرى
3 - الجامعة سهله مقارنة بباقي الجامعات
4 - الديره مريحه مافيها سخب المدن وهي كويسه للي لغته الانجليزية ممتازه ولا هو محتاج يخالط الناس
5 - الديره حلوة للي جاي على حسابه لانه بيوفر
6 - احلى مافي الديره الصاله الرياضيه الخاصه بالجامعه

السلبيات
1 - المعهد سيء جداً < (بالنسبة لي) ولكثير من زملائي الذين درسو معاي , يعني لو بعطيكم بالنسبة لو قابلت 10 طلاب قلت لهم وش لون المعهد معكـ الي يقولون لي المعهد سيئ 8 والباقي لغتهم الانجليزية جيده ماهم محتاجين جهد من المعهد و 90% أو 95% كلهم يبون ينقلون او هم في اجرائات النقل .
2 - الديره ممله وخاصة الي ماتكون معاه سياره خاصة الي جاي يدرس لغة لازم يختلط بالناس هنا مافيه الشي هذا .
3 - المدينة ينقصها خدمات ولو نقص عليك شي مو موجود في جونسبورو تطلع لممفيس .
4 - الديره مافيها سكن مع عائله ولو لقيت احد ساكن مع عائله السكن ب900 دولار و حالياً ما فيه سكن متوفر
5 - اهل جونسبورو ماهو سهل تسوي صداقات معهم حدك كيف الحال .
6 - انعدام المواصلات بهذه الديره يعني ماعندك الا تاكسي لا والتكاسي حالياً مسوين اضراب على سكان القروف < (ناس تخرب على ناس) .
7 - مرحلة اللغة يجب عليك الاختلاط بالامريكان لكن للاسف ماتقدر تدخل معهم ونادر الي قدر بسوي علاقات مع امريكان والمشكله الاخرى كثرة الطلاب السعوديين انا كلاسي 12 اثنين صينين والعشره سعوديين .


القرار بالاول والاخير راجع لكـ الشخص يسأل ويبحث ويشوف السلبيات هل هو يقدر يتجاوزها وهل هذه الايجابيات هي مطلبه !
على العموم كلامي هذا كله من شخص مجرب وعايش الواقع وبختصر شي و اقولك
اذا الواحد جاي مبتعث يدور على ديره غير هالديره ( خاصة ) اذا كانت اللغة الانجليزية عنده مستواها نازل اما اذا كان مستواه بالانجليزي ممتاز فأموره راح تمشي لأن كثير من الشباب يمدحون الجامعه بتساهلها مقارنة ببقاي الجامعات وخاصة الماستر .

واذا انت رجال جاي على حسابك الخاص الله يحيك لان الديره اقتصادية وتنفع للي جاي على حسابة لين يلتحق واثاريه مدبر له قبول وسائل وعارف وش الي يناسبة وينقل له او انه اذا ارتاح بهالديره يجلس فيها وأنا لا اخفيكم بالنسبة لي مفكر بالنقل .

وبالاخير هذا رأيي الخاص واتمنى ان ما احد يمشي عليه الا هو واثق من تصرفه من خلال بحثه واقتناعه بأختياره
ولا انسى اخبركم يا شباب نصيحه لوجه الله لا تطب رجلك امريكا الا ومعك امر اركاب لأن واحد من الشباب شفته قبل يومين يقول له 6 شهور حتى الان لم يلحق لا توهق نفسك بالجيه الا ومعك امر اركاب وبالنسبة للي جو معاي ومعهم امر اركاب اسبوعين والحقوهم والي ما معهم امر اركاب حتى الان ماصار عليهم شي .



تقبلو تحياتي أخوكم
3zoo0ooz

اشكرك يااخ عزوز جزيل الشكر
هل انت انضميت للابتعاث والا توك ؟وكم لك الان باامريكا

للأسف حتى الان دعواتكم لي

يعطيكم العافية جميعا والله يكتب اللي فيه الخير

شباب هل ارسلت الملحقية اوراقكم للوزارة وكم تجلس حتى يرسلونها ؟

الي معه امر اركاب يرسلونها على طول والي ما معاهـ هذي المشكله انهم يرفضون يرسلون الاوراق لين تكمل 9 ساعات بالجامعه او انك تحاول تحرك علاقاتكـ