تجمع طلاب جونسبورو

إحذر ياأخوي ترى أتوقع أن وقت بداية الدراسة تغير من تاريخ 2/6/2010 إلى تاريخ 24/5/2010
أنا جاني القبول أول مرة مكتوب في ال I-20
2/6/2010 بس كان ناقص I-20 للمرافقين
فطلبت I-20 جديد فجاني بعد شهر تقريبا I-20 مضاف فيه عائلتي لكن بتاريخ بداية الدراسة 24/5/2010
وراجعة موقع الجامعة , أوقات بداية الدراسة في قسم اللغة الإنجليزية لقيت أنوا الدراسة فعلا تبدا في 24/5/2010
أنصحك أخوي تراجع موقع الجامعة و مكتب أيجاك
والله أعلم .

السلام عليكم
انا رايح انشاء الله في 20/4 بس دراستي تبداء24/5 انا ممرض وما اعرف شئ ولا معي لغه ابد دبروووووووووووون
وانظر موعدي مع السفاره
وشكرا

هذا المشكلة حصلت لخويي قبل اسبوعين كان يبي يسوي الغاء للمعهد بس يبي يرجع للجامعه لانه يبي يدرس بمعهد ثاني بس الجامعه ترفض الا قبول مشروط او انك تجيب التوفل لنفرض انك بتقول خلاص بدرس و بعد سنه اختبر واجيب التوفل , اقول لك ان الملحقيه يرفضون انظمامك لين تجيب قبول معهد + قبول جامعي

الله يقطع جونسبورو من مدينة اكثير عليها كلمة قرية , ياخى حتى الموصلات معدومة بشكل كلي ولاتاكسي , اللي مع اخوه سيكل يجيبه معه على الاقل تستفيد رياضة ويريحك من المشئ , واذا كنت دبدوب ترى تصلح لك المدينة بتخف بسرعة غصبى عنك

السلام عليكم
>>>>>> منضم اليكم ان شاءالله في شهر 5بس انتظر الفيززززززززززززة
بصراحة قريت جميع الصفحات وبصراحة تفاجئت باخر الصفحات اللي جلسوا يسبون المعهد مثل أخوي عزوز وغيره انا ماعندي لغة ابدا وابجي بشهر ودراستي تبدأ 18 \5 \ 2010 وعيالي بيجون بعدي بكم شهر ف وش رأيكم وش الحل الله يعطيكم العافية خصوصا ان زوجتي ناوية تكمل ماستر وعيالي ودي ادخلهم واحد تمهيدي والثاني حضانة وانتم تقولون ان المدينة شبيهة بالقرية
وش اسوي ساعدوني الله يرضى عليكم تراي ماصدقت يجي الابتعااااااااااااااث لي من سنين وأنا أنتظره

كيف سكن العوائل إلى في الجامعة
أرجوا المساعدة

مثل ماقلت قبل الي جاي على حسابه انا من رأيي انه يجي هنا لين ينظم وبعدها يغير لان الديره رخيصه
والي جاي على حاسب الحكومة ووخاصة الي ما معاه لغة يدور له مكان ثاني
والي جاي و معاه لغه ويبي يدرس ماستر حلوه له لاني اسمع من طلاب الجامعه يقولون ان الدراسه سهله عندهم وخاصة ان القبول للماستر عندهم سهل بعكس الجامعات الثانية


وعلى فكرة
انت قلت عزوز يسب الديره انا ما اسب الديره انا ذكرت الايجابيات والسلبيات وانت شوف الي يناسب لك
وارجع واقولك مثل ما قلت لاحد الاعضاء ارجع للرد 587 بنفس الموضوع متأكد انك راح تستفيد منه

والقرار بالاول والاخير لصاحب القرار

تقبل تحياتي اخوك
3zoo0ooz

ياشباب انا شفت أغلب الردود والاسئله كل الاسأله تدور عن المدينه ووضعه انا ابقووله وبشكل مختصر واضح وطبعا هذا رأيي أنا بحكم ان لي فتره بالمدينه بالنسبه للي يسأل عن المعهد؟ المعهد مثله مثل غيره من المعاهد يمكن بعض الشباب يقولون انه يعطيك 5 ساعات بس باليوم ومع المعمل المطلوب منك تروح له 4 ساعات بالاسبوع بحكم ان المعمل صغير ولا بالاساس هي 5 ساعات يعني تقريبا 6 ساعات
وتخلتف من مدرس لثاني واسلوبه هذا شي وبالنسبه لي اشوف خويي بشيكاغو ويدرس نفس الي ادرسه ومعهد برضوا فيه سعوديين بس الي الاحظه ان لغته احسن بكثير ماشاء الله والله يوفقه وطبعا السبب انه بعيد عن السعوديين ومايحاول يحتك فيهم الا قليل لكن لايجي أحد وساكن بوسط سعودين ويتأفف ويسحب على المذاكره وغيره ويروح يدور شباب سعوديين وجلسه وطبخ وفله وغيره بعدين يجي ويقول الديره فيها وفيها اذا هو ما ساعد نفسه ماراح يستفيد الديره قاله لكم أخوي عزوز ديره صغيره بقوه ومافيها اماكن كثيره توسع الصدر يعني ديرة الي يبي يدرس الشي الثاني وانا قلت لأبومحمد قبل يجي وهو اشتكى من هالشي الديره صغيره ومافيها مواصلات بس طبعا اذا قررت تكمل في المعهد عندك حلين يا انك تسكن قريب للجامعه في القروفات او تسكن بعيد وتشري سياره بحكم ان السيارات رخيصه وطبع سياره تمشي حالك لا تفكر تشري شي تكشخ فيه هنا.
الشي الثالث الديره اقتصاديه يعني راح توفر كثيرر بحكم اني كنت ابروح ولايه ثانيه وسألت لقيت المعيشه ماترحم هناك وفرق بينه وبين جونسبورا بس راح تفرق للي على حسابه او الي مايبغى يصرف كثير.
الشي الرابع مافيها عوائل تسكن معهم وبالنسبه لي سألت كثير من خوياي الي راحوا برا وسكنوا مع عوايل للمعلوميه بعضهم مايستفيد ابد من العائله لأن الزم ماعليهم ياخذون الايجار وبس وانت بسلامتك.
الشي الاهم اللغه تجي من اهتمامك بنفسك وانت الي تطور نفسك مو غيرك الي يطوره واذا بضرب مثال والشباب يمكن يعرفون الصينين يجوون مايعرفون الحرف ويجيبون لهم مترجم يترجم لهم اول شي بس بعد فتره تلقاه يتكلم وانجليزيته حلوه مع ان لهم ربع وكثيرين بالمعهد بس هم يهتمون ومايحتاج اعلمكم.
الشي الاخير بالنسبه للجامعه والدراسه فيها الجامعه يمدحون مستواه التعليمي وان شاء الله تستفيد منه وترتيبه حلو بالنسبه للجامعات على مستوى العالم يمكن ب300 على ما اذكر
هذا رأيي ومعليش اذا طولت بس ياليت تستفيدون من هالشي وبالتوفيق يارب
ملاحظه : انا سمعت بس ما اقدر أأكد انك اذا الغيت قبولك بالمعهد قبولك بالجامعه يتكنسل يعني الي يقول ابجيب قبول معهد بديره ثانيه والغي قبولي بمعهد جونسبورا وبعدين اكمل بالجامعه وبالذات الي يبي يلتحق بالبعثه ولا حتى على البعثه علشان ماتجيه مشاكل بعدين ولا يعقد عليه الامور وهو بعيد عن الديره لأزم يسأل لأنه الظاهر يلغون قبوله من الجامعه

شي أخير الجامعه تستقبل الطلاب بالمطار وموجود هالكلام بأحد الردود عن طريق تعبية نموذج وتوديهم لموتيل طبعا على حسب الموتيل تبي رخيص ولا غالي ويجون ياخذونك بكرا من الموتيل ويودونك للجامعه وطبعا احفظ رقم المعهد وهو موجود بالنموذج علشان تأكد عليهم الصبح.
وبالتوفيق يارب

أخوي عزوز\\ الله يعطيك العافية على ردك
demorgan \\ والله بصراحة كلاااااااااااامك يشفي الغليل ومنطقي بس اللي ضيق صدورنا كلام الشباب على إنه المعهد سيء هذه اهم نقطة لإنه الواحد جاي يبي يتعلم لغة علشان يمشي بدراسته بس مانقول الا الله يكتب لنا مافيه خير وصالح سواء بهالديرة وإلا غيرها
والله يوفقنا جميعا
حبيت أسألك أخوي عن أمرين :
1- تكلموا الشباب عن انه لازم يكون معك ( اركاب ) إيش هذا ؟
2- السكن القروف اللي تتكلمون عنه هل هو مناسب للعوائل وامن وأهم نقطة عند زوجتي النظافة من جميع الجوانب وياليت تنزلون صور لها إذا مافيه إحراج ؟
ولكم جزيل الشكر والعرفاااااااااااااااان والدعوات الصادقة

أخوكم \\ برنس نت

سلام عليكم<<<<
’’<<<<اخوي برنس اسمحلي ارد بدل اخووي 3zoo0ooz
الامر ركاب هي تذكار تاخذه من الوزارة وانا انصحـــــــــــــــك لاتجي الى فيهااااا لانك اذا خذيتها من الوزارة تعتبر خلاصت امورك بس يبيلك اذا وصلت امريكي ترسل ختم الدخول وتخلي احد يرجعلك فيها في السعودية وان شاء الله متااخذا اسبوعين الى واسمك طلع ان شاء الله
وبنسبة لي سكن قروف هو حلوو ونظيف اصلن قبل لا يعطوونك اسكن رااح ينظفوونها لك
وبنسبه لي العووائل حلوو وفيها تقريبن اربع عوووايل سعودية

وشكراااااا....