تجمع طلاب جونسبورو

يالغالي بالنسبه لهذي سألت واحد من الشباب يبي يخلص الماستر ماشاء الله بس هو بقسم غير ادارة الاعمال وقال لي ان نظام الماجستير رساله وبحث يعني مو أختبارات وأبحاول أسألك عن الماجستير بأداراة الاعمال.

هلا أختي أم هشام بالنسبه حبيت أرجع لأسعار السيارات فيه استفسارات كثيره عليه بالنسبه للسعر الي حطيته انا قلت سيارات تمشي حاله وموديلها تحت شوي اما للسياره الي موديلها وسط الاسعار تبدأ من 6000 دولار الى 15000دولار تختلف على حسب السياره اما السيارات الجديده من 16000دولار وفوق على حسب السياره برضوا حبيت اوضح هالنقطه.
النقطه الثانيه القروفات طبعا انا كنت عند واحد من الشباب متزوج وساكن بغرفتين وصاله وقال لي سعره 1000دولار والغرفه الوحده مع الصاله سعره 500 دولار.
وموفقه يارب.

هلا أخوي فيصل أنا والله ما أعرف ان فيه موقع الكتروني للعقارات بجنسبورا ولو فيه أحد من الشباب يعرف موقع ياليت يفيدك ويفيد باقي الشباب بالنسبه للسكن مثل ماقلنا قبل من وجهة نظري اذا أنت مع عائلتك أسكن بالقروفات نظيفه وقريبه للجامعه والاسعار موجوده بأحد الردود وموقع القروف برضوا موجود بأحد الردود تقدر تشوفه وبالنسبه لو ماحبيت تسكن بالقروف يمكن فيه شقق ثانيه بس بعيده عن الجامعه ويلزمك سياره ومثل ماقلنا قبل اذا جيت للمدينه يلزمك سياره واذا تبي نصيحتي أسكن بالقروفات لحد ماتستقر بالمدينه وبعدها تقرر وحتى لو عزابي تقدر تسكن بالقروفات غرفه مع صاله نظيفه وقريبه للجامعه وموفق يالغالي

هلا أخوي بالنسبه للطقس طبعا هالفتره متقلب والايام هذي النهار معتدل لاحر ولابرد وبالليل برد شوي
وماشاء الله اوقات تمطر بس مو دايم وطبعا حنا بفترة الربيع يعني جو المدينه حلو واذا جاء الصيف طبعا تبي تحس أنك بالسعوديه بالنهار حر وبالليل الجو معتدل
بالنسبه للسكن بأول الفتره لك بالمدينه أنصحك تسكن بالقروف قريب للجامعه واسعاره حلوه ونظيف وأخوي عزوز ماقصر نزل له صور.
طبعا المدينه متوفر فيها كل شي واذا نقصك شي تقدر تروح للممفيس وتشري بس طبعا مثل القهوه والهيل ومعاميل القهوه والشاهي والاشياء البسيطه هذي لو حبيبت تجيبه معك ولا تجي وتشوف وش ينقصك وتخلي أحد من أهلك يرسلك من السعوديه الاغراض الناقصه
وموفق يارب.

موفقه يارب وتوصلين بالسلامه.

هلا أخوي كتكت القروف خارج الجامعه وهو أقرب شي له ويبعد مشي على رجلك عشر دقايق وهو مؤثث ويمكن ينقصه أشياء بسيطه تشريها اذا جيت من الولمارت وطبع اذا سكنت فيه ماتحتاج سياره علشان تروح للجامعه السياره تحتاجها اذا حبيت تدخل المدينه وتتمشى فيها لأن الجامعه بعيده شوي عن المدينه.
بالنسبه للسؤال الثاني ما اقدر افيدك فيه أخوي لأني ما اعرف احد ساكن داخل المدينه الا قليل وطبعا معهم سيارات وانت مثل ماقلت لك قبل اذا استقريت بالمدينه وما أعجبك القروف تقدر تشوف الاماكن الثانيه وموفق يالغالي

سلام عليكم....

اخوي احساس عاشق اول شئ الله يوفقك
وثاني شئ انصحك بسكن في القروف لانه قريب من الجامعة ونظيف وفيهااا كل شئ وسعرهااا حلووو

وانصحك تجيب معك افيااش الكهرباء من السعودية لان هنا مراح تلقااء لان نظام افيااشهم يختلف يعني مثلن شااحن الابتوووب او شااحن الجوال مايركب الا بي فيااش
وفيااشهم تختلف واذا تقول تبي تشتري شحن الجوال او الابتوب من هناا تراه غااالي سعرشاحن الابتوب 99 $
وانصحك تكثرر من القهوووه
وبالتووفيق
اخوك.عزوز العتيبي

السلام عليكم ورحمة الله وبركاته

انا طالب جديد وبجي ان شاء الله الى جامعة ولاية اركنساس يوم 16/5/2010م بإذن الله , لاني الان ادرس اللغه في جامعة بيس في نيويورك , وبجي اكمل اللغه في معهد الجامعة , واللي اتمناه انكم تساعدوني لايجاد سكن حول الجامعة , علما بأنني سوف آتي بعائلتي بشهر يونيو او يوليو كحد اقصى , واتمنى اسمع نصائحكم واشوف مساعدتكم لي, ولا انسى اخوي سعود الغريري الله يجزاه الف خير على اتصاله بي , بس للاسف ضيعت رقمه.

اخوكم خالد العنزي

السلام عليكم ...

ياشباب انا عندي بعض الاستفسارات الله لايهينكم ويوفقكم بدراستكم ..,

انا حاليا طالب بكالريوس حاسب
(الدراسه عندنا خمس سنوات سنه تحضيري واربع سنوات جامعيه ) الدراسه بالانجليزي حتى شرح المحاضرات

طيب حاليا انا انهيت التحضيري ووصلت للمستوى الثالث وابغى اعادل الساعات اللي خلصتها واكمل بامريكا
راسلت مكتب خاص بجامعة university of arkansas ارسلت لهم السجل الاكاديمي وشهادة الثانوي ورشحوللي تخصصين Computer Science او Business Administration
ال mis الظاهر عندهم تحت Business Administration

وقالو انهم احتمال يعادلون كل سنه ونص ((عندنا)) بسنه ((عندهم))
طيب انا باقي لي هنا سنتين ونصف وعلى كلامهم راح يبقى لي هناك تقريبا نفس الشي (( حتى لو زاد الى سنه ماعندي مشكله ))
انا طموحي ورغبتي اكمل :: ""بامريكا "":: من تخرجت من الثانوي

طيب عندي كم سؤال الله لايهينكم
المكتب اللي راسلتهم عن طريقه يقول صعبه يعلمونك خطتك الدراسيه هناك وكم بتدرس وكم عادلو لكنهم بيعطونك بشكل عام القبول وقبول اللغه . اذا رحت هناك يعلمونك على كذا اخاف مايعادلون شي او مايعادلون كثير
انا ابغى اتاكد كم باكمل هناك قبل ماروح(( وانا بالرياض )) وشرايكم كيف اقدر اتاكد???


2 بالنسبه للوزاره كيف وضعهم اجيب لهم القبول وقبول اللغه وخلاص ولا لازم اعطيهم خبر اني معادل ساعات ??

طبعا انا وضعي بالجامعه غثيث شوي يعني مواد البرمجه و الرياضيات كلهن ارسب فيهن اول مره
واعيدهن من جديد وانجح ب d وهن مواد التخصص
وسويت بحث بكذا جامعه انهم ممكن يعادلون grade d كمواد اختياريه

اما باقي المواد الحمد الله انشاء الله فوق C

((ياليت اي شخص عنده لو معلومه بسيطه انه يفيدنا فيها الله يوفقكم ))

تسلم ماقصرت والله يوفقك