تجمع طلاب جونسبورو

وش اللي حاصل فيكم يا شباب السعودية
ليش كذا يصير..اتحطمت لابعد درجة ...
اختي ام هشام متى راح تكون دراستك وهل فعلا بتبحثي عن معهد آخر.
ما احس انه في وقت
انا يا الله يا الله جاني هالقبول كل يوم بسالفه تطلع فيه..
الله المعين..
تصوروا اقدر اغير المعهد عقب ما اجي امريكا واجرب المعهد .

شباب انا دراستي بـ23/8/2/2010 ومعه قبول الجامعه مشروط
لكن المكتب يقول المعهد موقوف من الملحقيه هل هذا صحيح ارد اجابه 100%
لان عندي قبول بمعهدباهايولكن غويلي شوي ايش الحل انا على حسابي ماستر

ياليت اللي يجاوبني يكون متاكد وباسرع وقت حتى احجز موعد بالسفاره
ولكم مني وافر الشكر

الخبر نفس الخبر ماطرااااا علم جديد

طيب إيش أسوي وأنا مبتعث عن طريق عملي نفس ماقلتوا اجيب قبول من معهد ثاني وأخليه معاي بعدين أجي لمعهد جامعة أركانسس وأسوي ترانزفيت يعني لاززززززززززم أجي لجنسبورو؟؟؟؟؟؟؟؟؟؟؟؟

جاوبوني والله أنواع التحطيم أنا دراستي راح تبدأ 23 \ 8

ما أقول إلا وما صبري إلا بالله أنا لي ثلاث سنين أراكض على فيزا وقبول ويوووووووم ضبطة أموري يطلع وفي النهاية المعهد فاشل

ترى ياجماعة الخير القبول هالفترة مش سهل انك تحصل عليه وخصوصاً اذا بيكون قبول مشرووووط.

لكن الشكو لله سبحانه وتعالى,,,,

الله يفرجها علي وعلى كل دارس على حسابه الخاص وكل مبتعث إنشاء الله.

الله يصلح الحال بس .....

الشباب السعوديين اخذينها فلة ووناسة , والمشكلة ان البعض ( وليس الكل ) خرب على اللي جايين بالطريق.

طبعا المعهد ماتقصدكم من الباب للطاقة , كله من استهتاركم وتسيبكم , طبعا ممكن شخص واحد او اثنين مثلا

يخربون على الباقين .

انا اتمنى من كل اللي قالوا ان المعهد فاشل انهم يشوفون لهم معهد ثاني وينقلون عن هالمعهد , لان العلة يمكن تكون

في المجموعة اللي هم فيها .

وفي الاخير اتمنى انه ما احد يعتقد اني عممت على الكل , انا قلت البعض وان شاء الله هم قلة , لكن اتمنى انه

ما احد يخرب علينا الطلاب اللي بيجون بالفترة الجاية , يعني انا انسان استقلت من وظيفتي ومالقيت قبول الا في

هالمعهد وفي الاخير يجون بعض المحسوبين علينا كسعوديين ويخربون الجو علينا وحنا بعد ماجينا ؟

ما اقول الا الله يصلح الحال بس

يعني يا naman7 أفهم من كلامك أن الامووووووور طيب بس المشكلة من بعض الطلاب؟؟!!

بصراحة انا واحد راح اقدم على استقالتي وراح تبدي دراستي في 23/08 بس الردود السابقة اربكتني شوي مع العلم أن عزيمتي قوية بس الاخوان في ردودهم السابقة خلوني اعيش بين نارين

لكن الشكو لله, الله يعينا ويصبرنا.

ياناس ياجماعة الخير ترااااااااااااانا احترنا ومعنوياتنا صارت بالحضيض من الكلام اللي قريناه إلى درجة قعدت أدور على ولاية ثانية لعل وعسى ألفى قبول من الصبح وأنا على النت وينكم ياشباب يا demorgan وغيره طمنونا الوضع زين وإلا نلحق وندور ترانا تعبنا الله يجزاكم خير ( من فرج على مسلم فرج الله عليه في الدنيا والاخرة )

>>>>>>>>> النفسية زفت الله يفرجها علي على جميع الطلاب وخصوصا طلاب جونسبورو ويكتب لنا مافيه خير وصالح