ياأهل فلادلفيا ابي مساعده هامه

ويييييييييييييييييييييييييييييييييييييييين ردودكم

الله يعييييينك
انا بعد في معهد ELS بس في ولايه ثانيه
مالك الا جوووجل

بالتوفيق

وعليكم السلام ورحمة الله وبركاتة
يالغالي فيه في المواضيع المثبه أماكن سكن كثيرة ممكن تقدر تستفيد منها
الشباب ما قصروا بهذا الموضوع تقدر ترجع له من خلال هذا الرابط

http://www.mbt3th.us/vb/forum39/thread40479-30.html

والله يوفقك

أخوي قريب من معهدك فيه عماره سكنيه اسمها Executive House
وهذي تحتها على طول محطه القطار بس عيبها مو قريب منها سوبر ماركت تقدر تروح له على رجليك
وفيه بعد عماره ثانيه اسمها The Iroquois
وهذي عيبها بس انها شوي قديمه بس مره امان وقدامه على طول سوبر ماركت كبير وجبنها على طول فرع بنك اوف امريكا

وفيه بعد اللينكن قرين
الشقق حلوه ونظيفه بس شوي مو امان كم مره نسمع احد تنسرق شقته يعني مو زي عماره Iroquois

وفيه بعد Presidential
ماعليه شقق وسط

طبعا انا رتبتها لك من الاقرب لمعهدك للابعد وإلا هي اصلا نفس الشارع يعني الفرق بين كل عماره وعماره كم بلوك

بس اول وحده قريبه من معهدك خصوصا انه البدايه ماراح يكون معك سياره

انت شوف قوقل ماب وبتعرف المسافات

اتمنى اكون افدتك

دانه يعطيك الف الف عافيه لكن تنصحيني احجز من هنا لأن شيكت على The Iroquois او انتظر الى ان اصل الى هناك
لأن الحجز يرغمني على عقد ستة اشهر على الأقل
السؤال الثاني كيف تتم عملية الدفع هل ادفع التامين ثم كل شهر بشهره او ادفع الستة اشهر دفعة واحده
واذا كانت شهر بشهر لو خرجت قبل اكما الستة اشهر ماذا يتوجب على
شكر اختي الدانه ومقدر صبرك علي

^

شوف عمآرة إنكويريز هذي اغلب العوائل السعوديه ساكنه فيهـآ

والتأمين تدفعه ومعه أجار شهر كامل .. وبعدها تدفع كل شهر بشهره

ولاتشيل هم المواصلات ابد

جنب العمارة فيه Bank of America

وقدامه سوق Acme

ع الشارع اللي فيه السوق فيه موقف للباصات هذا يجي فيه باص الجامعة الصبح يوديك للجامعة مبنى البزنس

تنزل هناك وتروح للمعهد ابو دقيقتين ولا 3 دقايق مشي مرة قريب

/

على فكرة ترى المعهد قفلته الملحقية ونزل قرار الإيقاف في 29 اكتوبر هالسنة ..



وبالتوفيق ان شاء الله

شكرا اخوي محمد على المعلومات
لكن وش تقصد المعهد قفلته الملحقيه من تاريخ اكتوبر يعني لزحمة الطلاب او لسؤ التدريس في المعهد

لو على زحمه السعوديين كان اغلب المعاهد مقفله ..

بس هالمعهد كثرت عليه الشكاوي من الطلبة السعوديين

وآخر شكوى صارت عليه وخطاب مسويه طالب وارسله للملحقية وراح لهم شخصيا واتصلوا على مديرة المعهد وحاولت تنكر كل شي

الا ان امورها مامشت لدرجة انه آخر يومين في الشهر اللي راح المديرة ماداومت كانت مسنتره عند الملحقية

وانا بنفسي سمعت هالكلام واتصلت على الملحقية وقالوا لي تأكد من إدارة القبول بالملحقية وكلمتهم

قالوا اصدرنا قرار بإيقافه في 29 اكتوبر من سنة 2009

يعني ماراح يرسلون طلبة سعوديين له ..

المعهد بيني وبينك تقدر تقول عصابه انا اول شهر لي رسبوني فيه لأسباب غير مقنعه

كاتبين في الورقة اني ناجح في الإختبارات ومعديها كلها

لكن ما أنقل للمستوى اللي بعده والسبب التحدث عندك ضعيف .. والمدرسة نفسها اصلا ماكانت تطلب منا بالكلاس نتكلم

فيه كلاسات ثانية يتكلمون ومطلوب منهم لكن مدرستنا كانت لا

ولو الرسوب جا علي انا بس كان يمكن .. بس الملحقية ارسلت خطاب للمعهد انهم قفلوه وماراح يرسلون سعوديين

فـ رسبوا قرابة 70% من السعوديين اللي بالمعهد .. اللي نجح تعده على اصابعك

فـ اذا انت مبتعث نصيحه مني لك شف معهد جامعة بنسيلفينيآ

وبالتوفيق أخوي

الله يبشرك بالخير يا محمد على هذي المعلومات والله المفروض كان من زمان يقفلونه بس الله يعين.