بعد 19 شهر في فيلادلفيا أقدر أجاوبك إن شاء الله

أهلين
نظام الدفع في المدينة وأتوقع في أمريكا كلها
شهر مقدم كتأمين

السكن الداخلي للجامعة متوفر حسب علمي يعني ما فيه تعب وقريب جدا ً
بس أتوقع لازم تدفع 200 مقدم وتعد جزء من الايجار علشان تضمن غرفة
يعني الميتين جزء من الايجار وضمان للحجز في نفس الوقت

ديركسل في وسط المدينة
و وسط المدينة يمتاز بالأمان وبوجود جميع الأعراق البيض والسود
المدينة غالية نوع ما لكن المكافئة تكفي

وسط المدينة حلو جدا وراح تنبسط فيها


أتمنى أكون جاوبت تساؤلاتك

أي واحد من الإخوان اللي جاوبت عليهم عنده أسئلة زيادة

يأخذ راحته ويسأل الموضوع منكم وإليكم

الله يعطيك العافية

بالنسبة لسؤالي السابق

اقصدلك جامعة ادارية بالضبط تخصص هندسة مالية او ام بي اي وعشان تفهم السوال خلني اصيغة بشكل ثااني
(( لو رجعت للوراء 19 شهر ؟ اش كنت بتختار تخصص وجامعة والسبب))
ادري انك اصلا مادرست جامعة بس مشي حالك

يعني لو عاد بك الزمان وش بتروح المنطقة خلك من التخصص انساه ابيك تقيملي على اساس المكان وين خخخخخ

وشي ثاني

انا رحلتي الى نيويورك كيف المواصلات من المطار الى فيلادلفيا؟
وكم ممكن تكلفني؟

وكم اشيل معي نقدي؟

طيب أخوي هل فيه جامعات تعطي قبول مشروط ماستر فيزياء باجتياز اللغه وبدون توفل
لأني تعبت وأنا أدور

اخوي طويلب العلم،،
شكراً جزيلاً لردك وتعاونك وعسى الله يوفقك وييسر امرك،،

ودي اسائلك،،عن سكرانتون ،،هل هي مدينه كائيبه ،،وماذا تقصد ب بدئيه،،

وشي الثاني رحلتي إلى واشنطن ،،كيف اواصل خط سيري إلى سكرانتون،،
بخصوص معهد اللغه التابع لجامعة سكرانتون ،،هل سمعته طيبه
وهل فيلادلفيا اقرب إلى واشنطن ام سكرانتون اقرب ،،،

مشكور على الرد اخوي بس احتاج اسماء احياء او عمارات تكون قريبه على جامعة دريكسيل عشان لمن ادور و احجز في النت يصير اعرف الامان وين
و ممكن تقولي طريقة الحجز في السكن الداخلي لجامعة دريكسيل لطلاب الماستر كيف ؟

السلام عليكم

جزاك الله الف خير على اللي تسويه

انا ودي اعرف اي المدن اللي في بنسلفانيا الكويسه بالنسبة للامان

و يكون فيها نسبة مسلمين كثير

لاني ان شاء الله راح البس النقاب وودي ادرس في بنسلفانيا بدون مشاكل


و شكراً

اخـوي طويلب العـلم

انا ما احتااج شي بس اعجبتني السراااحه

الله يجعل اللي تسويه في ميزان حسناتك

وجزااااااك الله الف خير

السلام عليكم و رحمة الله وبركاته
أهلين أخوي

بالنسبة لي أنا خلصت بكالوريس تخصص محاسبة

فطبيعياً بدرس تخصص إداري

وكان حلمي صراحة من يوم جيت أمريكا إني أدرس في اليوبن
لأنها التوب سكول في البيزنس

وسبحان الله ما كنت أدري إنها في فيلادلفيا

فلما جيت شفتها بعيني تحمست زيادة
فهذي الجامعة اللي ودي أكمل فيها الماستر في المالية يعني

المكان = فيلادلفيا
التخصص = مالية
الأسباب = الجامعة الأول في إدارة الأعمال على مستوى العالم

بالنسبة لجيتك من المطار

غريبة إذا أنت على حساب البعثات المفروض يحجزون لك لفلي

المهم إذا أنت جاي على حسابك

خذ تاكسي بـ 35 دولار يا طويل العمر وقل له ودني China Town - bus
ومناك خذ باص لفيلادلفيا بـ 12 دولار
ومن المدينة الصينية في فيلادلفيا خذ تاكسي للمعهد أو للعنوان اللي تبيه بـ 27 دولار تقريبا

بالنسبة للكاش أنصحك تجيب معك من 500 إلى 700 دولار
وحاول إنها تكو كلها ميات إلا وحدة عشرينات علشان ما تبين إن معك فلوس كثير


والله الموفق