بعد 19 شهر في فيلادلفيا أقدر أجاوبك إن شاء الله

أهلين أخوي

والله ما أعرف لكن إن جاني خبر أبشر

لأن الفيزياء مثل ما أنت عارف تخصص مو سهل

فدائما ً يطلبون توفل و جي آر إي

وإذا تنازلوا فدائماً يتنازلون عن التوفل فقط

لكن الله يوفقك وتلقى جامعة بدون شروط

والله الموفق

وعليكم السلام ورحمة الله وبركاته

الأسباب يا خوي كثيرة

أنا ما قضيت هذي الشهور كلها في المعهد
أنا في هذي الشهور درست لغة ونزلت السعودية ودرست جيمات وقعد حوالي شهرين عاطل أبحث عن قبول

الأسباب
1- الادارة سيئة مرة
2- الطالب مكذب لين يثبت العكس
يعني نفس طريقة السعودية وهذا يخالف نظام الثقة في أمريكا واللي هو مطبق في الجامعات والمعاهد الثانية
الطالب مصدق حتى يثبت ما يخالف كلامه
3- القوانين تتغير من طالب لطالب حسب مزاج المشرفة الأكاديمية
4- فيه مدرسين جايين من الشارع والله هم في جهة واللغة في جهة
5- إذا ما أنت بواثق من كلامي كلم الأستاذ عبدالرحمن توتنجي في الملحقية وإسأله ليه قفلوا المعهد الآن
.
.
.
13- .....

الأسباب كثيرة جدا ً
ليش قعدت فيه
سؤال وجيه

يوم جيت يا طويل العمر ما كنت مثلكم أبد
ما كان فيه قدامنا سعوديين يخبرونا الصح من الخطأ

لكن أنتم ما شاء الله فيه ناس تنوركم
وأنا من البهذلة اللي صارت لي أول الشهور حطيت هذا الموضوع
علشان ما تتبهذلون


والله الموفق

والله مثل ما قلت لك في الرد الأول

أنا والله ما عندي خلفية عن مدينة سكرانتون

لكن اللي قصدت بـ بدائية يعني مو مثل فيلادلفيا كبيرة و مواصلات

لا سكرانتون تاون صغيرة

وفيلادلفيا أقرب لواشنطن من سكرانتون

أحاول أرجع لك بمعلومات أكثر إذا قدرت

الله يوفقك

عناوين قريبة

Market St. with 28-34 St
Chestnut St. with 28-34 St
Walnut St. with 28-34 St

هذي كلها قريبة

يعني عندك هذي الثلاث شوارع تقاطع أي شارع من 28 إلى 34

وطريقة الحجز يا عزيزي للسكن الداخلي مثل ما قلت لك عن طريق الجامعة راسلهم بالإيميل

وهم راح يخبرونك بكل شي

والله الموفق

وعليكم السلام ورحمة الله وبركاته

أختي فيلادلفيا هي المدينة الأنسب لك

لأن الأمريكيات اللي بالمدينة يتنقبون بعد

أتمنى لك التوفيق

بيض الله وجهك على الكلام الطيب

وأنا والله طالع من هذي المدينة للأبد بعد سويعات قليلة

لكن ما حبيت أحد يتبهذل مثل ما تبهذلت أنا أول ما جيت

ودعوتك الطيبة حافز لي لإكمال ما بدأته


أتمنى لك التوفيق

مشكور اخوي على الموضوع وتروح وترجع بالسلامه ....... انا بدرس معهدELS في جامعة سانت جوزيف بس كثير ينسب ماادري ليه هل فعلا هذا الكلام والمشكله اني ماعرفت وش اسوي جد تحطمت من هذا المعهد ....ابي كلام جد هل هذا الكلام والسب حتى الان في المعهد او قبل 18 شهر او سنه .............. ومشكور مقدما

وانا مع الاخت امل اسمع كلام كثير عن دا المعهد

شكراً جزيلاً وعسى الله يوفقك