استفسار Kentucky-Bowling Green فيه أحد هناك؟؟؟؟

خيرة ان شاء الله ياخوي,,,

اهم شي وصل القبول والتعديل اجرائات بسيطة

انا للحين ما حجزت لي موعد وبكرا بروح المكتب وبطلب تحويل وباتأكد من البيانات اوول شي خخخخخ
يعطيك العافية على التنبيه..

1-6 حلوو يعني فيه وقت ان شاء الله تلقى لك حجز في السفارة...
بالتوفيق يارب .....

هههههه اشووفكم قلبتوها بزنس؟؟ ما شاء الله هههههههههه
>> بادخل شريكة معكم

ياشباب انا ابي اعرف انتو ليش تقولون للناس ان الديره زينه قسم بالله تجيب المرض ياناس اللي يقدر يغير والله يغير بسرعه
هذي نصيحه مجرب مسأله انك بتعلم اللغه مافي امل تعلم المعهد مليان سعوديين ومبنى المعهد جاي فوق طلعه تقرف نفسك على الصبح توصل للمعهد على طول برادة المويه والتكاسي مافيه الا بالتلفون مسأله انك تأشر بيدك هذي امسحه منراسك لا ويتأخر ساعه عشان يوصل المهم انا نصحتك روحوا ديره ثانيه انا اعرف ناس امم فوق 20 واحد والله حولوا وهم مرتاحين الحين ويقولون الحمد لله ان حنا حولنا هذا اللي عندي وانا ان شاء الله خلال شهر محول ولايه ثانيه ................. (اللهم اني بلغت اللهم فاشهد)

أخوي يالله الخيرة ... عندي سؤال لك اذا ممكن انت عزوبي و الا متزوج ؟؟؟
و سؤال ثاني أخوي هل الناس اللي فوق ال20 واحد و حولوا عزابيه ؟؟؟

لأن أنا لما جيت أتكلم عن المنطقة ما جبت كلام من راسي ... أنا تكلمت مع ناس من أمريكا ... و عوائل سعودية من كنتاكي .. الكل أكد لي ان المنطقة هدووووء ... و و اسعارها معقولة من ناحية الضرايب و السكن فيها حلو و أسعاره حلوه ...

بالنسبة أنا لو كنت عزابي مستحيل أروح لكنتاكي ... بس بما ان أغلب اللي في هذا الموضوع عوائل فمن وجهة نظري انها ممتازة ...

يعني انا مستحيل أجي اقول لواحد معاه عايله روح ادرس بكاليفورنيا و الا مونتانا ....

كنتاكي جميله ... في أكيد ولايات أجمل منها و لكنها ليست بهذا السوء اللي تتحدث عنه ...

تحياتي لكم ... و بالبنسبة للي يبي يتعلم لغة بيتعلمها حتى لو كان في آخر الدنيا ... المسألة عزيمة و اصرار على تعلم اللغة و بالنسبة لنا من الدفعه الخامسة أغلبنا ماجستير و الاغلب عنده انجليزية متوسطة الى ممتازة ...

الله يوفقك اخوي يالله الخيرة و تحول و تروح الديرة اللي انت تبيها

بن عممممممممر قلت لك و الله الحضانة بزنس هههههههههههههههه

أخوي يالله الخيره حنا مبتعثين لطايف !!

الي كتبه ابوتركي صحيح عزابي يفرق عن المتزوج معه عائله ........

حنا الله يجزاك خير ورانا سرب بزارين ........ ندور الهدوء وسلاسة المدينه والحياه البيتوتيه ومالنا بالطلعه والدخله والقروبات والبارتيات وغيره ........

ونسئل الله التوفيق

كلام كبير ياهوه..
الناس تقيم الدراسة بناء على الوناسة..
على فكرة.. أبكون واقعي بالنسبة للطلبة السعوديين أكثرهم ـ وأنا منهم بصراحة ـ ماعنده أي جدية..
يبغون المدرس يجي ويفتح مخهم ويحشيه معلومات بطريقة يخترعها هو عشان يطلع المعهد كويس..
وبعدين ودي أفهم (ولا تضحكون على سؤالي) وش الفرق الجوهري بين المعاهد؟
وقبل كذا وش دور المعهد أساسا مقارنة بدور الطالب؟ ترسل الإجابات على العنوان التالي....

الأخت صمت الزهور..
>حاضر.. خخخ
بالنسبة لموعد السفارة مهب شرط إنه بيكون بعيد..
حجزت موعد لواحد من الزملاء قبل أجي .. وكان فيه موعد بعد اسبوعين!!
بينما يوم احجز لنفسي مالقيت الا بعد شهرين ونص!!!!!!!!!!!!!!!!!!!!
لكن انصحك تحجزين وتصيرين دايم على النت(زي دايم على البال.. كل التفاصيل على البال.. والحل والترحاااااا)
>أبو الشباب ترانا عالهوا!!
أقول لك عالنت وتسوين تحديث للموقع باستمرار لأن فيه ناس تكنسل مواعيد وناس عندها ظروف..
يكلمني واحد شخصيا سوى هالطريقة وقدم موعده من 3 شهور إلى 15 يوووووم...
والله الموفق
- - - - - -

على العموم مهب هذا موضوعي..
فيه بوادر انقلاب أشوف!!
يعني أبو تركي قال اسألوا ومشيناها..
بس أشوف قامت الدولارات تمر من قدامي وفي موضوعي(زي في بيتي)
أي عائلة تحتاج حضانة أنا أقدم خدماتي بأقل الأسعار.. ومن بكرا بكنسل الدراسة وأقابل مبزرتكم..
وفيه عرض مغري لحديثي الزواج.. الطفل والحضانة من عندنا..
هل من منافس؟
وانتم يالمنشقين: ابن عمر وابو تركي.. إن ماتعوذتو من ابليس أبفتح موضوع ثاني عن كنتاكي وأضرب سوقكم.

و أنا وياكم والموضوع طويل.. وناخذ اتصال .. آلو

اللي يريحكم حبايبي والله يخلي لكم عيالكم امين ....انا بالفعل عزوبي والشباب اللي راحوا كلهم عزوبيه او ثلاث ارباعهم عزوبيين وهي بالفعل ممتازه كعش زوجي اما حنا نسحب( ) فالشوارع الله يعين وبس شكلي بتزوج امريكيه لو عجوز<<<منقطع

هههههههههههههههههه I am Trying خلاص 50% 50% ههههههههه و لا يهمك الدولارات تب تجيك هههههههههههههههههه

بالعكس و الله ما قصرتك يا I am Trying نجاح هذا الموضوع يرجع لك في البداية و في الأخير كلنا نحاول نزيد عالمعلومااااااااات عشان يكون الموضوع أكثر من رائع و شامل لكل اللي بيزحفون على Bowling Green

و بعدين سؤالك ما يضحك ... أنا من وجهة نظري مافي فرق ....
أنا بعطيك تجربتي ...
أنا خريج بريطانيا هندسة بترول ...
في البداية ارسلونا الى معهد لغة و الله العظيم انه اصغر قرية في اسكوتلندا ... و كل من سمع ان حنا بهالمعهد ضحك علينا ...
بس بالعكس و الله لأن القرية صغيرة و ما فيها عرب اصلا يمكن بس واحد عراقي في مطعم ... كنا غصبا عنا نتكلم انجليزي
ماحد بيفهمك الا بالعنجليزي و على فكره المنطقة اللي كنت فيها اسمها Greenoak و هذي الاكسنت أو اللهجة فيها الله لا يوريكم
أنا كنت طالع للمعهد و كنت مختبر توفل في البداية قبل لا أطلع و جايب 550 و لما طلعت لاسكوتلندا ... اول يوم وصلت هناك حسيت اني حمار بالعنجليزي ههههههههههههههههههههههه .....
مع الايام الواحد حاول يدخل في مجتمعهم و يروح للسينما بشكل اسبوعي او اكثر (مرتين بالاسبوع )
مجلات انجليزية و افلام مترجمة بالعنجليزي .... و هكذا ...

الدراسة مشروع ... و كل مشروع عشان ينجح ... محتاج اصرار و عزيمة و قوة ارادة .....

>>>>>>>>>>> صاير حكيييييم ههههههههههههههههههه

اوووه صح نسيت شي بالنسبة لموعد السفارة يا صمت الزهووور ...

متى ما وصلك ال I-20 و تبين موعد خذي لك اقرب موعد و اذا ما كان قريب اعملي Emergency Appointment و على طول بيردون عليك ... السفارة الامريكية عندها تقدير لمثل هذي الحالات ....


تحيااااااااااااااااااتي لكم جميعا .....

I am trying
من قال اننا بنخوك
هذه اشااااااعات مغرضة
انت بدون ما تتكلم نسبتك محفوظة

ابو تركي هدي اللعب الله يرحم ابوك (( خلينا نوصل هناك ويصير خير ))
صاحبنا بيزعل علينا ويلبسنا تهمه

صمت الزهور اذا انت على برنامج الملك لك الى منتصف مارس كل يوم اثنين خاص بالطلاب ومرافقينهم حاولي تحجزي اخر موعد عشان ترتيب اجراءاتك وتتاكدي لأي ديره انت رايحه

اما اذا ما كنت ع البرنامج فعليك بنصيحة I am trying

خذوا هذا الرابط وفصفصوه زين يمكن يفيدنا كثير

Bowling Green, KY - Official Municipal Web site

السلام عليكم .. مساء الخير جميعا

يعطيكم العافية.. انا بصراحة شيكت على كل فروع المعهد هذا ولقيت افضل شي هذا الفرع خصوصا من كلام الاخوان عنها بانها هادية وصغيرة وتناسب العائلة السعودية فهذا الي ابيه...
طبعا انتو عارفين ان الوزارة مشددة علينا من ناحية تغيير المعهد فعلشان كذا بحول لهذا الفرع وان شاء الله تتيسر

بخصوص السفارة .. انا ان شاء الله راح احجز لي موعد حتى لو كان بعيد وبجلس احدث بالموقع وبسهر عليه مو مشكلة لين القى موعد حلوو.. واذا وصل القبول والاي توني لي ولاخوي وسددت السيفيس وخلصت كل اوراقي ومالقيت موعد قريب .. راح اطلب موعد طارئ مثل ما تفضلتوا.. تسلمون والله والف شكر لكم

اخواني ماقصرتوا صراحة مشكوورين على النصايح وكلامكم صحيح.. والله يوفقنا ويسهل امورنا كلها يارب
ابن عمر مشكوور عالرابط يعطيك العافية

اخوي ابو تركي >> توني انتبه هههه اكييد المدام ام تركي بتكون معنا بالقروووب وحياها الله.. والله يحيي كل العناصر النسائية خخخخخ
وبنسوي مشروع احسن من مشروعكم ويكسب ذهب بس مارح اعلمكم لانها سر المهنة >> بتنطرد من الموضوع بواسطة صاحب الموضوع ايام تراينق .. الله يستر