استفسار Kentucky-Bowling Green فيه أحد هناك؟؟؟؟

هلا ابن عمر..
كنتاكي في شهر 5 لأن السمستر 4 شهور وحنا تونا بادين من اسبوعين!
أقترح عليك تقدم على معهد ELS في أي مدينة ثانية لأن كل مستوى شهر فقط. فعندك موعد التحاق شهريا بدال 4 شهور . وخلص أوراقك وسافر..
إذا وصلت هنا.. معهدELS يعطيك موعد احتياطي يعني دراستك تبدأ شهر 3 مثلا يحجز لك على 3 و 4 احتياطا
يصير معك فرصة شهر كامل تضبط أمورك وتسنع وضعك و تشوف وش الطبخة..
وفيه سؤال إذا ما فيه تدخل.. ليه ملزم على هالمعهد والجامعة(كنتاكي)؟

كانك بالرياض رح للبرامج الدولية في أكاديمية الفيصل يجيب لك قبول ELS باسبوع..

شاكر تجاوبك ياغالي

انا عارف ان كنتاكي شهر 5 والجماعة في ايجك اكدوا لي الكلام هذا
لكن المشكلة للان ما استلمت I20 من المعهد لان على كلام المكتب
الجامعة تعطي قبول ماستر ولغة ماتعطي قبول لغة لوحده
والان جامعة تنظر في ملفك للماستر

اما عن المعهد وكنتاكي فانا مجبر عليه زي زيكم ولا اقدر اغير والمكتب الى الان مو متعاون

انا بصبر اسبوعين كمان وبعدها لا احد يلومني

ابن عمر .. انا بعد من الطلاب اللي جاهم قبول لغة على ESLI, WKU ( كلنا في الهوا سوا انا موظف و ما ادري متى اقدم استقالة .... جالسن على اعصابي )

ابشرك اليوم أنا كلمت المصري اللي ب ايجيك و سألته عن صحة هالكلام اللي قلته قبل عن المعهد في كنتاكي لأني أنا معاك أصلا بكنتاكي ESLI و انا متابع للموضوع من بعيد و بعد طول انتظار
الموظق اللي ب ايجيك يقول ان القبولات وصلت و هم ارسلوها للوزارة وتاخذ اسبوع تقريبا
بالاضافة الى كلام الموظف انا بانتظار المسؤولة في ال ESLI لاني ارسلت ايميل لها و ايميل لمسؤول المعهد ب WKU
انا بعد يا بن عمر رايح ماجستير ان شاء الله هندسة بترول و الدراسة تبتدي بتاريخ 26 مايو و هذا الموعد اكيد على حسب كلام اللي اراسلها بالمعهد
ان شاء الله خير ... كل تأخيره فيها خيره

مشكورين على الموضوع الحلو و ياريت يكون فيه تجمع لجميع طلاب و طالبات ESLI , WKU
نتبادل المعلومات و ننسق مع بعض تواريخ السفر لامريكا .. و الا وش رايكم

أهم شي ياجماعة اللي منكم على حسابه يحاول ياخذ أمر اركاب قدر المستطاع
هنا الملحقية بدون امر اركاب يقولون لك بالبنط العريض اذا مامعك تكمل على حسابك ارجع لبيت امك
خصوصا البكالوريوس..
الماجستير لازم تخلص 9 ساعات
وفيه ناس تنضم قبل هالفترة بواسطة وبدون .. فالمسألة مدري كيف تنحسب
عالعموم فيه شباب جو لكنتاكي بدون مايمر الملحقية يفتح ملف ثم توهق..
واشنطن أولا.. افتح ملف.. اعرف مشرفتك وخذ ايميلها.. راسلها بعد اسبوع لتأخذ رقم الملف وتبدأ ماراثون الانضمام..
وربي يعين..

أبوتركي 85
حركت أشجاني يوم قلت (جالسن) مبطي ماسمعت نون المتحدث ؛)..

سلملم

هههههههههههه أضحكتن يا I am Trying
بشرنا عنك و الدراسة و السكن و الهايبر ماركت اللي عندكم
>>>>>>>>>> متحمس بقوووه بس خايف من الصدمة هههههههههههه
عندكم Best Buy و الا Wall Mart و الا وش اللي عندكم قريب من الجامعه ؟؟ بالعربي وش الأسواق القريبة
كيف الأجواء عندكم حاليا ؟؟؟
ابي منك خدمة ضغيرة ابيك تسأل اي أحد من المسؤؤووولين في المعهد اذا كان عندهم كورسات لل GRE ؟؟

و بالتوفيق حبيب ألبي
>>>>>>> قلب لبناني

يبيلنا نؤسس رابطة طلاب Bowling Green و الا وش رايك ههههههههه

هلا ابو ذولا..
ابسأل لك عن الـ GRE
انا سألت عن الـ GMAT وصاروا يعطون فيها كورسات.. ويمكن أخش فيها قريب..
عندنا WallMart (شكل عندك خبرة .. ولا لك مراسل هنا خخخخخ)
الأجواء حاليا برد..
توهم منشئين نادي لللطلبة السعوديين بس إلى الآن ماتواصلنا معهم..
شكلنا بنأسس رابطة
بس اخاف مع الدراسة والانشغال تصير الرابطة رابضة!!خخخخ

حياك ياباشا

ننتظر لسبوع وبعدها يصير خير
حياك ابو تركي ع الخط

يالله على يدك شوف لنا موضوع تجمع لكنتاكي مع I am trying حط فيه معلومات اساسية ملخصه من هذا الموضوع اللي اشكر فيه اخونا I am trying بقوة على مجهوده معانا
وبعدين وكل يدلي بدلوه نفيد ونستفيد

من عيوني يا شباب ... بحاول أجهز لكم معلومات اساسيه خاصة عن Boeling Green
مجمعات و سوبرماركت و كل شي ودكم تعرفونه و سكن ...

بن عمر انت قدمت استقالة و الا للحين ؟؟؟
انا باقي للحين ما قدمت و محتار بالالبليكشن تبع السفارة شكلي بحط موظف و لما تطلع الفيزا
قبل لا اطلع قرار الابتعاث بقدم استقالتي .. و الا وش رايك ؟؟؟

مافيه شي جديد عندك يا بن عمر ؟؟؟ على اي خطوط ناوي تحجز ؟؟؟
>>> ناوي عالقطرية ...

I am Trying انت مراسلنا هالحين يا بعد حي

لا أنا كنت بأمريكا لمدة 3 شهور سنة 2008 ..

شباب طبعا أقرب و أفضل مجمع او Shopping Center للجامعه هو Greenwood Mall تقريبا 10 دقايق بالسيارة
و فيه جميع الاغراض اللي بتحتاجونها و فيه أفضل ال Department Stores ....
فيه سينما و فيه مطاعم ههههههههههه و بيتزاهت
...
و فيه محل كبير للالكترونيات Best Buy تقريبا 9 دقايق من الجامعه بالسيارة

يعني كل شي عندك خصوصا اذا كنت متزوج ... أما العزابيه يمكن يحسون ان هالمدينة مملة بشكل كبير مقارنة بالمدن و الولايات الأخرى
أما العوائل .. (احم احم ) فهي مدينة جدا مناسبة و هادئة و آمنه بالعربي ما عليها كلام ...
و مثل مانذكر من قبل بالنسبة للمحلات العربية و اللحوم الحلال فهي في ناشفل TN حول الساعة بالسيارة

و اذا احد عنده معلومات أو اي شؤال ثاني يطرحه هووون

حياك يابو تركي
بالنسبة لي انا موظف قطاع خاص فما راح اقدم استقالتي الا بعد ما امسك قرار الابتعاث بيدي اليمين والتذاكر بيدي الشمال وقبل السفر بشهر بالضبط واخذ الضوء الاخضر من الوالدة ذيك الساعة راح الاستقالة (( واتمنى حقيقة الا اندم على قراري هذا ))

ابليكيشن السفارة اكتب فيه انك موظف عادي ما عندك مشكلة ابد

اما السفر مالنا الا السعودية احتمال يكون يوم 20 مايو على واشنطن يومين وبعدين كنتاكي ترتيب بدائي بالمره
لان عندي امور كثير معلقة يبيلها ترتيب قبل السفر.

ومشكور ع المعلومات الثانية الحلوة مطمنه نوعا ما (( ع الاقل مابنموت جوووع ))