معهد اللغه في جامعه نورث فلوريدا جاكسونفيل

السلام عليكم ياأخواني أتمنى احد يفيدني بشكل مفصل بخصوص قبول الجامعة أنا قدمت عليها وطلبو اختبار السات بس طبعاً الاختبار يأخذ وقت على ماتطلعون النتيجة المهم سؤالي. هل الجامعة اعتمادها الكلي ع السات لأَنِّي جايبه درجة الايلتس المطلوبه أتمنى احد يفيدني ضروري قبول الجامعة معقد. ولا وش السالفة؟؟؟

السلام عليكم ورحمة الله وبركاته


المدينه جداً جميله وهادئه ولكن مشكلة طلاب اللغه الوحيده انه لا يوجد مركز لاختبار الايلتس(لازم من السفر الى اورلاندو او تامبا او مدن ابعد) ولكن يوجد مراكز للتوفل، الاسعار عموماً معقوله للسكن والمعيشه وبها نسبة سعوديين وعرب معقوله ليس بالكثير وليس بالقليل عوائل وعزاب وبعضهم للعلاج، معهد اللغه انا درست فيه جداً رائع وممتعه الدراسه فيه (رايي الشخصي) ويوجد مسجد ويوجد مطاعم وبقالات عربيه وهنديه. الحلو في المدينه انها قريب من مدن جميله مثل اولاندو، سافانا، ميامي، ...... كثير يعني على حسب المزاج


اتمنى اكون شملت وما طولت عليكم

وتحياتي،،،

السلام عليكم

والله يا اخواني / اخواتي انا تخوبرت في هالمعهد ... بسبب ان الجامعه لا يمكن الوصول لها الا بسياره .. يعني انس انك تجي تمشي وتحس بمتعة المدينه .. واساسا المدينه كلها عباره عن شوارع هاي وي والسيارات رايحه جايه .... ما تلقى منطقه الناس تمشي فيها .. فقط سيارات ... اسال واحد من الشباب جاء معي له خبره في امريكا يقول انها مدينه ميته .. شوارعها كانك في سفر كلها هاي وي .. وكبيره جدا هالمدينه .. والغريب ماتقدر تميز . كلها متشابهه !!! يعني تحتاج برنامج يكون معك يعلمك المواقع اذا ماكنت انسان ذو ذاكره قويه ..
ولا فيها ميترو ولا باصات !!! فقط سيارات !!!!

ولا فيها عرب ابد .. لي 5 ايام اتنقل فيها .. نادر جدا تشوف عرب .. الي شفتهم الان اثنين فقط .. اما السعوديين فما شفت الا واحد فقط في المعهد وقت اختبار تحديد المستوى ..

المدينه عباره عن كامبودنات ومراكز تسوق وشوارع هاي وي .. فعلا اني تخوبرت .. يمكن تناسب غيري .. بس انا رايح فيها والله يستر ..

الفنادق حول الجامعه تسكن فيها عادي بالكرديت كارد والجواز .. اما السكن المنازل فلازم عدة شروط واهمها السوشل سكيروتي وبطاقة الجامعه وفتح حساب في البنك .. شي اوفر صراحه !!! يعني انس تسكن سكن خاص بدون هالشروط والي هي ما تحصل عليها الا بعد بدء الدراسه وانا الان جاي قبل باسبوع ...

الشي الاخر سكن الجامعه عقد الزامي سنه كامله .. ما تقدر تطلع .. وهو مناسب للعزابيه او الي ماراح يجيب زوجته وعياله .. لكن الي مثل حالتي وبجيب عائلتي .. فعلا وقعت في ورطه كبيره .. سكن غير متاح ... بدون سياره انت انسان مسلوب القدرات ..
فانتبهوا .. حبيت انقل لكم تجربتي البسيطه هذي الي للاسف قد تحدني على الغاء الدراسه والعوده للمملكه لاني ما توفقت في اختيار المدينه ..

والله الموفق سبحانه ..

اخي الفاضل يا ليت ان امكن اتواصل معك على الايميل

firass-18@hotmail.com