معهد اللغه في جامعه نورث فلوريدا جاكسونفيل

الرقم بالعربي ينقلب 7 و أذا انقلش 8، ولا الحساب واحد.
حاولت أرسلك ماش ما امداني، اتفضل باللي تبي هنا و بساعدك باللي أقدر

هو أصعب شيء بالإنتقال الموافقة من الملحقية، دائما يطلبون قبول نهائي، ولا المعهد متعاونين جدا.
الله ييسرها لك.

أحب أنوه بس في مدينة بأسم جاكسونفيل Jacksonville فيها جامعة University of North Florida
و في مدينة جينزفيل Gainesville و فيها جامعة University of Florida
عشان تقارب الإسميين حبيت أوضحه للجميع.
موفقين

السلام عليكم

الله يعافيك اخوي المهندس فيصل

الي قد يلخبط البعض وانا منهم لكن انتبهت له بعد 3 ايام تقريبا هو ان جاكسونفيل فيها جامعتين وحده باسم نورث فلوريدا والاخرى تحمل اسم المدينه ذاتها جاكسونفيل ولا انا غلطان ؟
بالنسبه لجيننسفيل اعتقد واضحه ولا ؟
واحس بميل لجاكسونفل اكثر من جينسفيل مادري ليش !!!

لي قرابة 4 شهور وانا اقرا عن الجامعات والمعاهد ليما طفشت صراحه وقلت اعقلها وتوكل ولكن مع نوع من الحرص وليس الاندفاع بدون تفكير


عندي عدة اسئله وقد تكون متكرره فاعذرني اخوي الفاضل :
1- من خلال قراءتي عن معهد الجامعه unf فمستواه جيد وليس سئ ... هل لا زال مستواه جيد ولا انخفض ؟ وهل هو مستقل عن الجامعه اداريا ولا مرتبط بها وكذلك المبنى تبعه ؟ لان بعض المعاهد الجامعيه تكون منفصله اداريا عن الجامعه فيكون مستواها منخفض ومقارب للمعاهد التجاريه ... الشئ الاخر هل المعهد يخدم ذوي اللغة الانجليزية الضعيفه ؟ يعني يقبل اي مستوى للمتقدم ؟
2- بالنسبه للسكن حول الجامعه هل يوجد سكن مناسب ونظيف وحي نظيف لمتبعث وعائلته وليس لمبتعث لوحده وكم السعر تقريبا؟
3- هل يوجد حاضنات قريبه ومنتشره ولا محدوده ؟
4- التقديم عن طريق النت هل هو سهل ولا ياخذ وقت ؟ وماهو رابط معهد الجامعه ؟
5- مادري هل عندك معلومات عن الجامعه ذاتها من حيث مستواها ومن حيث صعوبتها او سهالتها .. يعني فيه جامعات سهله في قبولها ودراستها وجامعات معقده فانت حسب ما سمعت هي من اي نوع ؟
لاني اخاف اقدم ع المعهد ويوافقون ولكن الجامعه ترفض قبولي للماستر
6- بشكل عام ما تقييمك للمعهد والمدينه

عافاك الله واعذرني اطلت عليك

يعني انتم كيف نقلتو؟
كلكم جامعه؟

و عليكم السلام،
صحيح جاكسونفيل فيها جامعتين لكن المعهد وحيد تابع لجامعة نورث فلوريدا.
1- مستوى المعهد بنظري ممتاز يأدي المهمة اللي عليه و أكثر، هو بنقس الجامعة و المستويات العالية يأخذون بعض الكلاسات في مباني الجامعة عشان يتهيئوا للدراسة بالجامعة فالمعهد جزء من الجامعة.
المعهد فيه مستوى تأسيس للطلاب اللي يبدأ من الصفر و في غيره خمس مستويات. المعهد ما يطلب مستوى معين، يقبل جميع المستويات.

2- السكن متوفر و في سكن ممتاز جدا بحي راقي و عند كل مداخل الحي حراسة و السكن نظيف في بغرفتين و في بثلاثة، اللي بثلاث غرف ب1200 دولار بدون كهرباء و نت و غيره لكن ممتاز جدا جدا.

3- الحاضنات متوفرة.

4-التقديم سهل و المسؤول متعاون
هذا رابط المعهد
http://www.unf.edu/intlctr/elp/
أنا يوم قدمت أخذت الإيميل و كلمته مباشر.
تنويه توي شيكت على الموقع آخر وقت للتقديم في 10 أغسطس.

5-أنا هنا جاي للمعهد فقط، ما عندي معلومات كثيرة عن الجامعة لكن اللي أعرفه الجامعة ممتازة بإدارة الأعمال أكثر من أي شيء ثاني و الجامعة ليست معقدة.

6- المعهد ممتاز و المدينة فيها كل شيء لكن البعض يتملل منها لكن ميزتها حولها مدن سياحية.

و الله يوفقكم و يسهلها لكم

أنا ما نقلت من معهد، هذا أول معهد لي و قدمت عليه بعد ما فتحوا فلوريدا.
أنا قلت هذا اللي أعرفه يطلبون قبول نهائي، لكن ما يمنع تحاولي و ربي ييسرها لك

هذي صفحة المعهد بالفيس بوك للي وده يأخذ فكرة عنه في صور و فديو
https://facebook.com/unfELP

رد شافي وافي سلمت يداك

هل لا زلت هناك ولا خلصت دراستك في المعهد ؟

هل عندك خبر عن تصنيف هذا المعهد حسب التقييم الحكومي ؟ يعني هل يعتبر من المعاهد المميزه ؟
لان عندي مقارنه بينه وبين cal poly pomona التابع لجامعة كاليفورنيا ستيت بوليتكنيك بومونا

بالنسبه لمعهد UNF هل هم متشددين في الحظور ؟ ومتى تبدا الدراسه وتنتهي صباحا ومساءا ؟ هل عندهم فترتين ولا فتره واحده فقط من الصباح للظهر ؟

معليش اصبر علي فالك الطيب باذن الله

الله يسلمك أنا ما زلت بالمعهد هذا، لكن ما عندي أي خلفية بالتصنيف ولا دورت.
المعهد في خطتين للطلاب المنضمين للمعهد A و B وحدة بداية الترم و البي في منتصف الترم.
إذا تعديت الحد المسموح لك بالغياب واللي هي 36 ساعة هنا أنت في مشكلة لكن أغلب الطلاب ما يقربون منها لأنها كافيه و زود.
المعهد في فترة صباحية و مسائية و الصباحية هي الأفضل.

و حياك بأي وقت بالخدمة