معهد اللغه في جامعه نورث فلوريدا جاكسونفيل

لو سمحتم انا طلبت ضمان على هذا المعهد وأتمنى لو فيه احد مسجل فيه يساعدني لأن عندي كذا سؤال يخص المعهد ومااعرف كيف اتواصل خاص مو مسموح لي يمكن عشاني توني مسجله فااتمنى من الشخص Eng.faisal89 يساعدني ضروري كونه مسجل في المعهد ويقدر يجاوب على تساؤلاتي هذا الكيك حقي أتمنى تفيدوني جزاكم الله خير Hanouf.i.z

طيب بكتب اسئلتي هنا:
1المواعيد المتاحه الحين يااسجل في اخر شهر 2 ميلادي اللي هو في فصل الربيع او اسجل في سمستر الصيف متى تنصحني اقدم؟ وهل تنصحني بنظام A or B؟
نظام الA هو نظام سمستر كامل 12أسبوع و الB من نصف السمستر تدخلين مع نفس الطلبة اللي بدأو في الA الأغلب في الB يعطوك أقل من مستواك بلفل عشان ممكن راحت عليك أشياء مهمة في المستوى اللي المفروض تكون فيه, أنا دخلت في الB و أشوفه ممتاز بدأت بأقل من مستواي شوي و كملت طبعا على حسب شخصيتك و خطتك إذا تقدرين تدخلين مع ناس لهم 6 أسابيع مع بعض و أشوفها عادية و برضوا على حسب خطتك إذا وقتك من نهاية فبراير لين الصيف مافيها شيء تستفيدي منه فالأفضل تروحي بأقرب وقتك عشان تبدأي تستفيدي
2 كيف كان اختبار تحديد المستوى؟ كيف التدريس بشكل عام في المعهد هل هو نظام كرف وواجبات ولا عادي المستوى؟ بكل أمانه؟
إختبار تحديد المستوى عادي, مكون من ثلاث إختبارات و على حسب فين توصل بأي إختبار يعطوك مستواك لازم تجيبي درجة عشان تروحي للإختبار اللي بعده, التدريس بالمعهد أشوفه ممتاز و الإدارة و المدرسين ممتازين, واجبات متوسطة ماهو كرف عالي لكن بالمستويات اللي فوق في شوي ضغط لانه تسوي بحث في كلاس الكتابة. بصراحة و بأمانة للي جاي يدرس راح يستفيد من المعهد كثير
3 هل العرب كثير في الفصل وان كانوا كثير هل يأثرون علي من ناحية الدراسه ؟
العرب صاروا كثار في الترم الماضي فتحوه بشكل غريب سعوديين و كويتيين, إذا تقصدين يأثرون عليك من ناحية اللغة بإمكانك تمشي مع اللي تبغي فشيء راجعلك
4 كيف نظام الكتب عندهم سهله؟ ولا تقوي اللغه من جميع النواحي؟
الكتب اللي درستها ممتازة القواعد و الكلمات احتفظت فيها لأنها مفيدة و مرجع لي. لا المعهد ولا الكتب تعطيك كل شيء, لازم تشتغلي على نفسك جوا و برا المعهد, التحدث لازم تمارسينه برا المعهد عشان يمسك معاك و الإستماع
5 هل يقدم المعهد رحلات ترفيهية وان كان يقدمون هل تشوفها تخدمك من ناحية اللغة؟
ايه يقدم رحلات ترفيهية و خاصة إن اورلاندوا ساعتين بالباص, رحلة ترفيهية بإمكانك تخليها فرصة مشاركة و تطوير للغتك
6 هل يقدم المعهد اختبار ايلتس او توفل ؟ واذا لا وين اقرب مكان من المعهد يوفر هالاختبارين؟
يقدم توفل بس خاص بالUNF و في مركز إختبارات بالجامعة للGRE و التوفل, لكن الإيلتس لك يا تروحي اورلاندوا ولا تامبا
7 المدينة بشكل عام حلوه ولا ممله؟ وجوها حر بزياده ولا عادي ؟
المدينة نظام أصنع فلتك بنفسك, فيها أماكن حلوة الشاطئ أو التاون سنتر و ما أشوفها مملة لو كونتي صداقات, و إن مليتي في مدن حولك سياحية. بخصوص الجو, شمسهم حارة دائما و ماهو بعيد عن السعودية ^^ بس أمطار هم كثيرة و بالشتاء في فترات برد لكن مافي ثلوج
8 ايش افضل شي وجدته في المعهد وتحس انه مميزه وايش سلبيات المعهد؟
يعجبني الأنشطة بعد الدوام لمدة ساعة في مسابقات و في يوم يستقبلون أسئلتك عن الدراسة و يشروحلك أي شيء مو فاهمته و يعجبني أغلب المدرسين,سلبيات المعهد أن الترم الماضي إدارة الجامعة ضغطت على المعهد و قبلوا طلاب عرب كثير -ــ-
9 اخر شي تنصحني اكمل فيه من جميع النواحي ولا اغيره؟ لأني والله محتاره بينه وبين معهد ساوث فلوريدا!

صح نسيت اسألك عن نقطتين كمان ..
بالنسبة للسكن والمواصلات انا ببتعث مع ابوي ان شاءالله يعني مااقدر اسكن في سكن المعهد .. كيف جودة الشقق المجاوره للمعهد وكيف أسعارها ؟ وبالنسبة للمواصلات سمعت انه مافي مواصلات غير الباصات في هالمدينه صحيح هالكلام ؟
السكن متوفر و في أشياء حلوة و فخمة و على 1200 شهريا لكن عقودهم سنوية و ممكن تلاقي سبعة شهور مسافة عشر دقائق بالسيارة , المواصلات في كل ساعة باص للأماكن الأساسية لكن الأفضل سيارة في مترو متخفي ما عمري شفته لكن بالداون تاون و ما يغطي كل المدينة
النقطه الثانيه: كم هي مدة الاجازة لكل من نظام a and b ؟
إجازتهم وحدة
شكرا واسفه ع الاطالة ..

السلام عليكم اخ فيصل انا دخلت ع الملحقية السعودية لقيت المعهد من ضمن اللسته بس لما اختاره ماتطلع أي معلومات عنه مثل هل تابع لجامعه او مستقل هل هو متكدس ام لا هل هذا يعني انه غير معتمد من قبل الملحقية واذا معتمد ليش مايظهر لي المعلومات ؟!! هل انت مسافر على حسابك الخاص ومختاره يعني؟ والله مستغربه مايطلع غير اسم المعهد