تجمــــع طلاب Fort Lauderdale, FL

وش هذا حسبي الله على شركم
ما أمداني غبت يومين عن النت وكل هالحروب صايرة
شفت ردود الموضوع كثيرة وأستبشرت قلت كثروا ربعنا, ويوم قريت لقيتهم هم هم بس حيلهم بينهم
صاير بينكم النار والبارود
أحس حتى فيه واحد على بوابة الموضوع يفتش اللي يدخلون ومعه سلاحه خوفني
وحربكم متقدمة بعد بدأت بمشاده سياسية
شكل وردة الكون صايرة مثل الصحاف تعليقات ورفع معنويات وهي منهزمة وتمثال صدام ما عاد إلا يطيح

أمزح ترى لا تصكيني برد سياسي ألحين بعد وإذا كنتي بتردين فلا أوصيك خليني أوباما وأوعدكم لو خليتيني أوباما لأدخلكم كلكم لأمريكا بدون فيزا ولا بعد أعطيكم الجنسية وأستخدم الفيتو عشان تطلعون الأوائل على جامعاتكم
ولورد وثامر شغالين ترفيع ببعض وقهروا وردة
بالله وش الكلام هذا ?
أنتم هناك بتصيرون عائلة وحدة وبتصيرون أكثر من أخوان وكل واحد منكم بيغطي على عجز الثاني
والله ما يصير كل هالكلام
أختي وردة الكون أنا شايل لك الجميل أنك أرسلتي لي رابط الموضوع ودعيتيني عليه
لكن تدعين الناس على بيتك وتسوين فيهم كذا ?
قريت ردك أن الأعضاء أستفزوك بس بجد يوم تدعين أحد على بيتك ويستفزك بالله تقولين له مثل كلامك هنا ?
هذا وأنا لسى ما قلت لك أعتبريهم أخوانك لأنهم بيصيرون أكثر من أخوان لك بالغربة فهل هو صح الواحد يتكلم على أخوانه بهالطريقة ?
الواحد يسوي موضوع ماهو عشان يتفاخر فيه وأنا ما قصدي أقول أنك تتفاخرين بموضوعك
لكن بقول أنتي كسبتي خير بالطلاب اللي رايحين لهالمدينة بالذات يوم سويتي هذا الموضوع وممكن أنهم يدعون لك مثل ما شفت رد واحد من الأعضاء هنا فكملي جميلك ولا تخلين بعضنا يدعي عليك
معليش أدري طولتها وهي قصيرة لكن النار يوم يكبرها أبليس ما يطفيها إلا وايت مويه
وأستحمليني يوم كتبت الكلام هذا وأعتبريه من أخ
وإن كان كل هذا ما كفاك أجل أختي الله يجمعنا وإياك بالجنة مثل ما جمعتينا بهالصفحة

وكل الشكر لثامر ولورد ولساموراي وكل الأعضاء هنا على حرصهم وردودهم المفيدة