تجمــــع طلاب Fort Lauderdale, FL

الأخوان اللي فوق وأمثالهم كثير .. ما خلوا معهد في أمريكا الا ذموا فيه
ايش هذي السلبية
اذا واحد اتعرض لموقف معين في المعهد راح ذمه وقال ما يصلح
حقين امباسي يذموا في امباسي وحقين تالك يذمو في تالك وهلم جرا

اي مكان له ايجابياته وسلبياته
واللغة تجي بمجهودك انت ودور المعهد 30% بس .. وزي ما قال الاخ اللي يبي يتعلم ، يتعلم وحتى لو هو في السعودية بين طلاب كلهم سعوديين ومدرس سعودي كمان
وانت في امريكا على الاقل اسمك بين الامريكان وغيرهم اللي يتكلموا انجليزي
ومع المخالطة وغيره تجي اللغة اذا انت تبي

هذي السلبية ونقل هذي السلبية للناس شي مؤسف
واذا انتم محبطين لا تحبطوا الناس الثانيين

اعرف اكثر من خمسة أشخاص عاشوا في امريكا اكثر من 10 سنوات ..
كلهم ينصحوني وقالوا لي ابعد عن السعوديين السلبيين والمحبطيين واللي ما في راسهم اصلا لا تعلم ولا غيره ..
وعشان لا ينقلوا لك هذا الشي
قالولي كلنا درسنا وعرفنا طلاب درسوا في معاهد مليانه سعوديين وكان مستوى معاهدهم من سيء ومتوسط .. لكنهم جابوا اللغة وجابو التوفل بالدرجات اللي تطلبها الجامعات
والسبب انهم ناس جوا يبوا يتعلموا.. وما التفتوا إلى أي احباطات وسلبيات وواجهوها واتغلبوا عليها


بالمناسبة امباسي افضل معاهد فورت ..
وكثير شباب قالوا انه افضل من تالك وذا لانقويج ...
لكن ما جات فرصة انهم يكتبوا هذا الكلام هنا


يا عمي الواحد اذا يبا يتعلم انجليزي يتعلم وهوا في بيته .. من التلفيزيون والافلام والاغاني والكتب والرويات والانترنت وغيرها
لا احد يحسب انه حتى لو راح افضل معهد لغة على مستوى امريكا راح يتعلم انجليزي وهو بهذي العقلية الخربانة
تراهم مو حيجيبوا آلة خرافية ويحطوا اسلاك في خشمك عشان توصل لك المعلومات ... لااا
لازم انت تبذل مجهودك .. وقلت دامك وسط امريكا والامريكان يساعد انك تتعلم اكثر .. اذا تبا طبعا
اعرف ناس رجعوا من امريكا وهما دارسين في معاهد لغة وكملوا في الجامعات ماجسيتر ورجعوا ولغتهم تعبانه لامهم اصلا ناس تعبانيين وما في راسهم ، وناس عمرهم ما طلعوا من السعودية لغتهم افضل من دولا عشرة مرات


سيبوكم من الهرج الفاضي .. والسلبية هذي اللي راح تخليكم في مكانك قففف

سنة كااااملة ونصص تجلس في امريكا وانت في معهد خلينا نقول متوسط .. وما تتعلم انجليزي؟؟
ايش معناه .. المشكلة من المعهد ولا منك : )

ماهو افضل معهد في المدينه من وجهة نظركم ؟؟

معهد Talk اوقف تسجيل السعوديين للتكدس بالمعهد لفتره من الزمن .. ممكن بعد الصيف يفتحون التسجيل

بقي اثنين ... اي واحد فيهم افضل ؟؟