فرجينيا - بلاكسبيرج

الأخت arroori ممكن أعرف انتي دحين في فرجينيا و في اي جامعة .. اتمنى اتعرف عليكي إذا ما عندك مانع و جازاكي الله الف خير لأني محتاجه اعرف اشياء كتير عن جامعة فرجينيا تك و المعهد التابع لها .

اتمنى أحد يرد عليا .. في سكن قريب من المعهد التابع لجامعة فرجينيا تك ؟؟

لا يا سوكرا انا في السعودية دحين وما قد درست في فرجينيا بس كنا نروحلها من واشنطن عشان كده اعرف المسافة...يا ليتني عندك كنت خدمتك والله...
موفقه يا رب

شقه للتنازل غرفتين تبعد عن المعهد 5 دقايق بالعفش الي فيها مطلوب فيها 1300 غير التامين
سكن سمث لاندنق

انا دراسة اللغة في فلوريدا بس فيرجينيا تك من اختيارات الماسترز ف احتمال اني اجي بس خلي جوازاتنا تطلع من السفارة الاول

الاخت arroori جزاكي الله الف خير و الله يفتحها عليكي . انا افتكرتك بتدرسي في فرجينيا . دعواتك و الله العظيم نفسيتي تعبانه خايفه من الغربه خاصة اني مو متزوجه وراح يسافر معايا الوالد فدعواتك ، عشان كدة سألت عن المسافه بين واشنطن العاصمة و بلاكسبيرج لانه زي ما تعرفي الوالد كبير في السن و ما يقدر على السفر الطويل .. انا راح اقدم ادرس في المعهد التابع لجامعة فرجينيا تك ، يا ريت تساعديني لو عندك معلومات هل الأفضل اسكن عند عائلة و لا اخذ شقة ايجار ؟؟ و كم اسعار الشقق هناك و العائلة كمان ؟؟ و هل جامعة فرجينيا تك تعطي قبول في دراسة ماجستير احياء ؟؟

الله يكون في عونك يا رب....شوفي اذا الوالد الله يحفظه حيكون معاكي على طول احسن طبعا تاخدو شقه ايجار..واذا حيرجع السعودية تاني يمكن احسنلك عند عائلة عشان تستفيدي منهم وعشان ما تخافي لحالك...والشقق الغرفتين حتلاقيها على 700-800 في الشهر والعائلة برضو حيكون نفس الشي او اغلى شوية يعني ممكن يوصل 1000 مع الوجبات وغالبا غرفة وحمام الله يكرمكم لحال...
وبالنسبة للتخصص حشيكلك ان شاء الله..شوية واخبرك..

الأخت arroori الله يجزيكي خير و يفرج همك و يعطيكي الخير كله .. والله ريحتيني بكلامك .. الله يسعدك لو تقدري تعرفيلي ايش شروط قبول ماجستير احياء بجامعة فرجينيا تك ؟؟ وكم مدة الدراسة ؟؟ لاني ما اعرف كيف ادخل على موقع الجامعة و ما افهم الانجليزية
فاعذريني بطلباتي والله ما عندي احد استفسر منه .. و يا رب يفتحها عليكي و لا يحوجك لاحد ..

شوفي يا سوكرا...مدري اذا ماجستير الاحياء هوا نفسو biological sciences عموما هذا الرابط اتطلعي عليه
Catalog

السلام عليكم .. الله يسعد ايامكم .. أبغى اعرف أي أحد موجود حالياً في فرجينيا بلاكسبيرج ؟؟