دليل مدينة شارلوت Charlotte نورث كارولاينا

QUOTE=MrMansuor;1061821323]يعني المعلمين في الاقسام بعد 6 افضل بكثير من المستويات الاولى
الجامعه جيده جدا
العوائل بعيده عن المعهد لكن لدبهم خدمه التوصيل للمعهد[/QUOTE]

-------------------------------------------------------------------------------------
بالنسبه للموافقه فهو متكدس حاليا لكن اذا انتي تابعه للولايات الشرقيه نقلك بيكون اسهل
اما اذا كنتي في اي ال اس في ولايه اخرى وقبولك في جامعه تقبل اي ال اس بدون ايلتس فاكمالك في معهدك افضل الا اذا كان قبولك في شارلوت بامكانك التنسيق مع مشرفك والنقل سهل
اما السيارات فامرها سهل بامكانك الحصول على ذلك عن الوصول للبلد ويوجد سيارات معروضه لسعوديين
عفوا وجزاك الله خيرا

اخوي MrMansuor
ممكن توضحلي هل المعهد مقفل من قبل الملحقية او لا وكيف اعرف المعهد مقفل ولا لا من الملحقية لني منحاس الملحية بتقولي انقل من فلوردا فخايف اروح لشارلوت ويطلع مقفل من الملحقية فياليت توضحلي ا


انا اليوم كلمة المديره حق معهدي قالة بسال المعهد التابع لشارلوت اذا فيه امكانية انهم يسجلونك
وقالت لي انة العوائل ما يوصلونك ويجبونك على المعهد و سالتها عن الدورم قالت انه برا الكامبس هل هذا صحيح وكم يبعد عن الي ل س

واعذرنا اخوي مكثر عليك الاساله لاكن والله محتاج المعلومات
وجزاك الله خير

بالنسبه لاقفاله من الملحقيه اعتقد كما سمعت انه موقوف بسبب التكدس
لكن دائما يوجد استثنائات
وبعدين انتبه تعبي الابليكيشن ويجيك رفض وتروح فلوسك
العوائل يوصلون للمعهد وانا اعرف ذلك تمام (انا ابخص) وياخذون 100 دولار على التوصيل
الدورم او الحي الي متاعقدين معه ال اي ال اس يبعد 10 دقايق مشي وثلاث دقائق سيارة او باص
اسعار الدورم غاليه 700 كل 4 اسابيع وبنحصل معك 3 اشخاص لاتعرفهم
ومافيه اطاله ولا شي وانا اخوك من حقك علينا اننا نفيدك انت او اي شخص ثاني واتمنى لك التوفيق

اخوي منصور الله يجزاك خير


طلعت فيزتي ابشركم باقي اخوياي اللي معي المهم ان شاء الله كلهم بيطلعونها قريب

السؤال / احجز عن الطريق الطيار ولا وش الطريقه لاني حصلت رحله من عند الطيار / الرياض , واشنطن , شارلوت . بــ 4220 ريال

فمدري هلى هذا السعر حلو ولا احجز الرحله الداخليه لحالها ؟

اسمع وانا اخوك احجز على السعودية ذهاب واياب بتكون ارخص وتستفيد منها بعدين
بالنسبه للطيران الداخلي عطني التاريخ اشوف لك الاسعار
واعتقد 4200 كامل الرحله طبيعي لكن لو تحجز بنفسك ممكن ارخص
واشنطن ثلاث مطارات تطلع لشارلوت
يعني من دالاس الرحله بتكلفك بحدود 1400 ريال
من مطارات اخرى بتكلفك 600 ريال
بس ممكن تدفع الفرق بالاننتقال بالتاكسي فهو مكلف
يعني ادفع 4200 للطيار بشرط ان الرحله الداخليه من دالاس مو من مطار ثاني

الله يجزاك خير

وبالنسبه للسكن انا لسى ماسويت شي للحين

وش تنصحني فيه حنا ودنا بالعوائل

يوجد عوائل لكن تبعد حوالي 40 دقيقه من معهدكم
مع التوصيل بحدود 800 او 700 لااذكر بالضبط
او تشتركو انتم كمجموعه في شقه تكلفكم 1200 دولار تكون اقل تكلفه وافرب للمعهد

لا حنا مانبي نجتمع الا بعد 3 شهور كذا عشان نقوي لغتنا بعدين بنجتمع

يعني اول 3 شهور مع عائله بعدين نطلع وناخذ شقه لوحدنا


ممكن تعطيني اسم الشارع او الحي اللي يقع فيه معهد cpcc

اسم الشارع موجود بخط واضح بجانبك الان ..
فضلا انظر للايتوني وستجد العنوان

السلام عليكم اخواني

الرد الاخير بخصوص شهادة التطعيمات لمعهد ELTI لسيمستر الصيف هل هي مطلوبه