استفسار Northern Kentucky University في احد قبولة في هالجامعة

تكفووون نبي رد ومساعده لهالموضوع ..


فهدون مالنا غنى عنك .. فزعتك تكفى ..

هلا حبيبي
عندك السبرينق 1 شهرين وبعدها سبرينق 2 شهرين
ثم السمر شهرين
ثم الفول 1 شهرين وبعدها الفول 2 شهرين
يعني المجموع 5 دورات مدتها عشر شهور
من ناحيه السكن زي ماقلت لك اسعاره وانت حر تبي روميت ولا بدون السعر نفسه والاختلاف بسيط في رسوم الماء وغيرها
فيه سكن بالدروم بالجامعه وسعره على ما اعتقد 2400 دولار ل 4 شهور وفيه خيارات متعدده غرف خاصه او مع روميت الى اخره
وفيه كافيريا بالجامعه كل وجبه ب 7 دولار .. وفيه عروض تدفع مبلغ وقدره ويصير لك الكافتيريا مفتوحه على مدى السمستر كامل

دراسة اللغه دائما تعتمد على الطالب .. المعهد مناهجة جيده بس المشكله في المدرسين اقل من المستوى المطلوب
لاكن اذا لغتك جيده من قبل تقدر تمشي نفسك وتطورها من الممارسه بالمعهد او برى المعهد
لاكن ان كانك صفر ولا تعرف من اللغه حرف ف نصيحتي لك دور لك معهد افضل

الله يوفقنا وياك وكل مسلم

واذا بغيت اي استفسارات اخرى انا حاضر

الله يعطيك لعافيه يا فهدوووون ..


وابشركم قدمت على هالجاامعه ..

واحلا مافيها ان العرب قليل ..


وان شاء الله بأذن الله بتكون دراستي في تاريخ 8/10 ..


ماتقصر يا فهدون وان شاء الله نتقابل في كنتاكي ونآكل كنتاكي << وه بس
ههههههههههههه

up

up
up


لعيوووون جامعتنا <<< مامداك يآ خيووو .. مسوي جامعتنا
ههههههههههههههه

up

up


up


للفائــــــده

حياك الله حبيبي متفائل والله يوفقنا وياكم وكل مسلم

ننتظرك على السمستر الجاي ان شاء الله

السلام عليكم
حياك الله اخوي متفائل وان شالله نكون زملاء
انا ان شالله دراستي تبدا يوم 23 - 8 والله يوفق الجميييع

اخووي فهدوون شلونك عساك مرتاح
معليش بغثك شوي بأسئلتي
اول شي كيف الجو هالوقت عسى موب حر مثل الريااض
بالنسبة للجوال كيف تطلعه وايش احسن شركة تغطي كينتاكي واوهايو
النت كيف سرعته واستخدامه؟؟
بالنسبة للمواصلات ولو بشتري سيارة في اماكن القى فيها سيارات نظيفة
الجامعة او معهد اللغة كيف دوامهم ولو لغتي كويسة يعني تمشي حالها ممكن اقويها بهالمعهد؟؟
اماكن الترفية حول الجامعة والا بـ سينسيناتي من سينمات واسواق (للويك اند طبعا)
انا حجزت بفندق قريب للجامعة لمدة 5 ايام من يوم وصولي هل هالـ 5 ايام كافية للبحث عن سكن قريب للجامعة مع الاثاث؟
نظام المجمعات السكنية وكيفية الدفع كل كم شهر يعني؟
وبس
اسف جدا على على الاطالة وشكرا جزيلا

up

up


up


للفائــــــده

مرحبا اخوي يزيد

بخير جعلك بخير بصحه وعافيه الحمدلله رب العالمين
ابد حبيبي انت والاخوان تامروني امر .. عزيزين وغالين

نبد بسم الله .. الجو الايام هذي متقلب طبعا الغالب حر ورطوبه ولاكن تجيك ايام امطار وايام الرطوبه منخفضه يعني ماينعرف له ولاكن درجه الحراره الشهرين هذي ماتنزل عن 28 بالنهار وماتتعدى ال 38 بأقصى حد (مع ان 38 هذي تعتبر قياسيه بالنسبه لهم وماتصير الا قليل)

الجوال احسن شركه بوجهة نظري at&t تغطيتها حلوه وماحصل ان الارسال قطع

النت فيه اكثر من ثلاث شركات تدعم الوايرلس او الدي اس ال والسرعاات تختلف فيه باقات 10 و 20 ميقا وسمعت ان فيه باقات اكثر

المواصلات اذا بتسكن قريب للجامعه فيه شاتل (باص) يفر الحرم الجامعي ..
وفيه شركه باص اسمها تانك لونها اخضر تنقل الطلاب وغير الطلاب من هايلاند الى عده مدن وضواحي ومن منها الى سنسناتي وهي مجانيه

فيه معارض او سماسره سيارات بكثره ولاكن وين الصادق فيهم هنا المشكلة
ولاكن انا اعرف سمسار شريت منه سيارتي وسياراته نظيفه جدا ولاكنها غاليه (لاتدور تحت ال 10 الاف دولار)

دوام المعهد
الاثنين - الاربعاء من 9-3 مع لانش تايم من 12-1
الثلاثاء - الخميس 9-4 مع لانش تايم 12-1
الجمعه 9-12
اذا لغتك تمشي حالتك وضعك بالسليم وان شاء الله بتتطور وتتعلم .. بس اذا انت من الصفر بادي او لغتك مستوى 1
فائدتك راح تكون ضعيفه

اماكن الترفيه بختصرها لك في كم نقطه وعلى حسب الاقرب للجامعه
بولينق - سينما - منتزهات (شواء وجلسات) - حديقه حيوانات - ملاهي العاب مائيه.
وفيه مول اسمه كينود على بعد 20-25 دقيقه كبير وفيه كل شي
وايضا مول اسمه فلورنس صغنون كويس تلقى فيه كل الي تحتاجه ويبعد 15-20 دقيقه

وين حجزت الفندق (ابي اسمه) ؟ وبكم سعره ؟ .. دفعت المبلغ ولا لسا؟

تحتاج تقريبا ثلاث الى اربع ايام عشان يتم تأمين السكن لك حيث ان ماعندك سوشل سكيورتي (وهذا شغلته شغله وطويله) ومن ناحيه الاثاث ايكيا مايقصر اسعار حلوه وتوصيل لشقتك (سعر التوصيل 70 دولار) ويوصل من بكره

انا ساكن بسكن قريب من الجامعه على بعد 200 متر من الحرم الجامعي .. الدفع شهري مسبق.

واي اسئله تطري على البال انا تحت امركم يا اخوان

بالتوفيق للجميع