استفسار Northern Kentucky University في احد قبولة في هالجامعة

مرحبا شباب
انا موعد المعهد ان شاء الله في 18 مارس ومعي قبول للجامعه تخصص هندسة الكترونيات ، ،

1-بخصوص السكن مع عوائل ، ، كيف نسوي طلب عليهم من الحين هل عن طريق الجامعه او مكاتب خاصه بالشيء هذا

اذا تعرفون احد هالمكاتب ياليت تعطونا مواقع لهم عشان نكلمهم من الحين ، ،

2- بالنسبه لقبولي انا في هندسة الكترونيات ، ، وانا كنت ابي القبول لهندسة كهرباء لكن كان فيه مشاكل في القبول ، ، هل باقدر اغير التخصص او فيه صعوبه
لان تخصص الكهرباء ، ، راح يتم معادلة اغلب الساعات اللي درستها ( في كلية الجبيل الصناعية ) ؟ اتوقع مع الالكترونيات ماراح تنفعني المعادلة الا بشيء بسيط !!

3- فيه شباب ينصحون بـ ان اختبر الايلتس من هنا واجتاز المعهد ، ، بس انا فكرت فيها لو اني ان شاء الله جبت الدرجة المناسبه ، ، ولو انا محتاج ممارسة اللغة واتحصل على كلمات جديدة عشان ما تصعب علي الامور بالجامعه لان الانجلش فرق بينتعلمه وممارسته في السعوديه او امريكا ، ،

انا قررت اختبر الايلتس وان شاء الله نقدر نحصل الدرجه المطلوبه ، ، او على الاقل اخذت فكره عن الاختبار ،، ( لانهم يقولون في السعوديه اسهل ) ؟
وباطلع وادرس بالمعهد لان زي ماسمعت انه السمستر الاكاديمي راح يبدا بشهر اغسطس ، ، يعني من شهر مارس الى اغسطس اكون بالمعهد واطور شوي ( مع انها خمس شهور بس ) واذا شفت ان عندي الامكانيه عطيتهم شهادتي حقت الايلتس وابدأ بالجامعه ، ،

وش رايكم في هالكلام ياجماعه ، ،
لا غنى لنا عن اقترحاتكم وارائكم
وشكرا

اهلين اخوي عبدالله.

١- العوائل لازم تقدّم عليهم طلب عن طريق الانترناشيونال اوفيس. تعبي ابلكيشن هوم ستاي من عندهم. او تدخل على موقع الجامعه وتعبي الابلكيشن وترسله لهم.

٢- انت تقول عندك قبول معهد وقبول جامعه !! هل تقصد معك اكثر من I-20 !؟
اذا انت بتجي ع المعهد بيكون عندك وقت تغير التخصص ما عندك مشكله بس المهم لا تطلع ال I-20 حق الجامعه الا بعد ما تخليهم يعدلون لك التخصص. عشان ما تنحاس بعدين. لانك بتروح لواشنطن وبتسجل تخصصك بالملحقيه السعوديه اذا كنت طالع على حسابك . وخوفك يكون تغيير التخصص عندهم صعب بعدين. فخلّك ع السليم واطلب منهم I-20 ثاني بالتخصص اللي تبيه.

٣- الايلتس ماراح يضرك انت رايح رايح للمعهد. اختبر واذا جبت الدرجه احتفظ فيها لين وقت الجامعه وعطهم اياها. واذا انضميت للبعثه باذن الله. الملحقيه راح ترجع لك قيمة الاختبار.

اتمنى اني افدتك. *

هلا اخوي TRTR

انا اللي معي اي توني واحد فقط ، ، ومكتوب فيه
majoring in majoring in electronic and electrical

والخطاب اللي ارسلوه لي ، ، مكتوب
electronics engineering

بس السؤال هو ، ، كيف اعرف الاي توني حق الجامعه او حق المعهد ؟

اتوقع انه ما يمدي اطلب اي توني ثاني ، ، مافي وقت

وشكرا

السلام عليكم أخوي Abdullah272

I-20 عبارة عن الورقه الي مكتوب عليها سعر الدراسة ونهايتها
توقع عليها هذي تسمى I-20 مكونه من ثلاث صفحات
طبعاً هذي تجيكـ عن طريق البريد الى هوه UPS

يعني الورقه الي تجي عليها شعار الجامعه بعدها اسمك ومبروك القبول وفيها تخصصكـ هذي قبول الجامعه
والثلاث اوراق الأولى مكتوب عليها بياناتك وسعر الدراسة والتوقيع هذي تتسمى I-20 اي قبول المعهد

اخوي عبدالله. كم مدة الدراسه اللي كاتبينها لك بال I-20 !؟

او متى الموعد اللي محددينه لك بالصفحه الاولى انك لازم تجي قبله !؟

اخوي MOHAMMED AMEEN

كلامك صحيح لكن حتى قبول الجامعه يجيك عليه I-20. مو شرط انه للمعهد.

انصحكم يا شباب تختبون ايليتس حتى لو كنتو يتدخلو معهد

لان اذا علاماتكم في الايلتس قويه راح تقللون على نفسكم مادة او مادتين انجليزي في الجامعه

و انصحكم تختبرون قبل ما تجون امريكا حتى يكون الاختبار اسهل

و بالتوفييق

اوكي الامور واضحه ، ، الحين عرفت الاي توني = اللي مكتوب فيها تفاصيل الدراسة

والورقة اللي فيها شعار الجامعه هذه قبول الجامعه
يعطيك العافيه اخوي

اللي مكتوب في الاي توني كالتالي ( الفقره رقم 5 ) :

نفس الكلام يبنطبق علي انا بعد كاتبين 48 months وبعد دراستي تبدأ 14/3/2011

هلا اخوي محمد ، ،، انت موجود بامريكا ، ، او متى بتروح ان شاء الله ؟

هل انت من خريجي الجبيل ؟ طبعا اكيد انك تبغى تسوي معادلة ، ، ايش تخصصك اللي ناوي تسوي عليه معادلة

لان الامر اللي محيريني زي ماقلت قبل وهو ايش راح اسجل التخصص في الملحقيه اذا دخلت امريكا ، ، هل اكتب انجيرينج بشكل عام او احدد لازم اي نوع ؟

لان انا لازم ادرس هندسة كهرباء ، ، وانا مارحت للجامعه هذه الا عشان المعادلة الجيده ، ،

فاذا فيه احد يفيدنا بخصوص تسجيل التخصص بالملحقيه وهل يأثر بعدين ، ، ، وش الحلول المتاحه الحين ؟ لان مافي وقت

وشكرا