استفسار Northern Kentucky University في احد قبولة في هالجامعة

ياشباب أنا كل أموري جاهزه تقريباً وراح أوصل بتاريخ 5 أغسطس لواشنطن


بس فيه شيء شاغل بالي اللي هي المعادله أنا أشوف الطلاب كلهم يقولون المعادله كويسه في هالجامعه بس إن تخصصاتهم غير عن تخصصي..أنا دبلوم تمريض فيه احد دارس تمريض بنفس الجامعه يقدر يفيدني..وهل الجامعه راح تعادل لي مواد ولا التخصصات الطبيه غير التخصصات الباقي..


الله يسعد قلوبكم ويوفقكم بدراستكم..

انا متواصل مع اليزابيث بالبدايه وابد استجابتها سريعه جدا
بعد ما عبيت الابلكيشن ودفعت الرسوم قامت تراسلني وحده اسمها JANE
وبعد كان تجاوبها جيد معاي

الحين اراسلهم ما احصل رد !!
ورجعت اراسل ايميل الانترناشيونال ورد علي بمسج مضمونه
ان ايميلك قيد الانتظار << وهذي شغله اول مره تصير !!

ما قد قابلت احد تمريض بس ان شا الله انهم يعادلونلك كل الشباب مبسوطين هنا من ناحية المعادلات

اخيرا ردت علي Jane شكلها ماخذه اجازه وفالتها بفيغاس خخخخ

بسألك عن شغله اخوي فهدون للحين ماني فاهمها

لما اخذ قبول الجامعه , هل انا ملزوم اخذ قبول من المعهد بعد ولا قبول الجامعه
يشمل قبول المعهد ؟ لاني للحين ما راسلت المعهد ولا عبيت اي فورم يخصهم !

اتمنى تفيدني بهالخصوص يالغالي

اخواني السلام عليكم ورحمة الله وبركاته

شخباركم ان شاء الله تمام

بالنسبه للجامعه عندي استفسار بسيط

حبيت اعرف تخصص الهندسه الميكانيكيه وش وضعه للجامعه

هل قوي بالشكل المطلوب اول لا

لأني الى الان ما قدمت عليهم وابي اعرف

وعندي لغه الحمد لله يعني ما احتاج للقبول المشروط

راح اشوف اقرب سمستر راح اسجل كورساتي فيه اذا معاد يمديني على سبمتمبر

بس يمكن على جانيوري اذا كان التخصص اوكيه بالجامعه

ارجو الافاده من حضراتكم

كان زمان ...
ايه نعم ملزوم تعبي فورمات المعهد وتطلب القبول منه .. لان قبول الجامعه المشروط مايجبرك على معهد معين .. يعني تقدر تدرس بمعهد اخر واذا حصلت على الدرجه المطلوبة ترجع للجامعه ..

موفق خير

الجامعه ماتعد من الجامعات القويه بمجال الميكانيكا .. ولاكن الي يشفع لها انها مرتبطه باتفاقيه مع كلية الجبيل ..

الجامعه متميزه في الانفورماتك + البزنس + التمريض ..

ياشباب أحد عنده فكره عن التصنيف بالنسبه للجامعه سواءاً داخلياً أو خارجياً ولا جامعتنا خلف الكواليس

السلام عليكم
كل عام وانتم بخير والشهر مبارك عليكم

شباب عندي استفسار الله لا يهينكم انا ناوي ادرس في Highland Heights اذا الله كتب وعندي استفسار
انا لغتي الانجليزيه اقل من الصفر هل المعهد تبع الجامعه كويس لحالتي واذا كان لا هل فيه معهد كويس في نفس المدينة

مرحبا اخي ممكن سؤال؟
من وين حجزت من واشنطن الى كنتاكي؟؟ من مكتب او موقع اكس بيديا؟؟
وكم سعر التذكرة اخذتها؟؟؟