استفسار Northern Kentucky University في احد قبولة في هالجامعة

مرحبا اخي
ان شاء الله انا جاي بكمل محاسبة بكلوريوس؟ كيف الجامعة في دا التخصص؟
وزي ما قال الاخ القلب المحتاس
ممكن التصنيف

المحتاس ..

بناء على الموقع هذا
US News Education | Best Colleges | Best Graduate Schools | Online Schools

الجامعه ترتيبها هو 66 على منطقتها وهي كما يذكر الموقع انها المنطقه الجنوبية ..

ولاكن هذا مو مقياس لان كل جامعه تكون متميزه بتخصص معين وبالمقابل تخصصات اخرى ماتكون قويه فيها ..

طاهر ..

من وجهة نظري المتواضعه .. مستوى معهد اللغه التابع للجامعه اقل من الجيد .. وماينفع كمعهد تأسيسي .. ينفع فقط لمن لديه لغه ويسعى لتحسينها ولاكن مو معهد تأسيسي ابد (مع العلم ان التحصيل اللغوي مرتبط في جهد الطالب نفسه بالمقام الاول وماننسى دور المعهد )

اما نصيحتي فهي دراسة اللغه في جامعه xavier university في مدينة سنسناتي ولاية اوهايو .. قريبه من جامعتنا (15 دقيقة) .. المعهد مشهور بقوة مقرراته الدراسية + قدرات المدرسين افضل بمراحل ..

الله يوفقنا وياك وكل مسلم

haj ..

المحاسبه يعتبر احد اقسام البزنس .. والجامعه كويسه في هذا التخصص ..

يعطيك العافيه اخوي فهد
طيب بالنسبه للمعهد اللي في جامعة xavier university كيف عدد الطلاب العرب فيه وكيف المدينة من ناحية المعيشه والسكن
وهل اقدر اني اسكن Highland واداوم في xavier university والا يعتبر بعيد ومشوار

طاهر ..

في امريكا اكثر من 60 الف طالب سعودي .. هذا غير الخليجيين والعرب .. يعني وين ماتروح بتحصل عرب ومسلمين ..
سنسناتي اكبر بكثير من هايلاند هايتس وتعتبر من مدن الكبرى في امريكا والمعيشه والسكن ماتفرق عن مدينتنا حيث ان المسافه بينهم ماتتعدى ال 15 كيلو ..
الطريق من هايلاند هايتس الى جامعة اكزيفير ياخذ 15 دقيقة ووقت الزحمه حدود ال 30 - 40 دقيقة
اتمنى اني افدتك

أخووووي فهد أنا طالب كنت في كندا وحلصت لغة وحولت على امريكا وموعد دراستي قريب والصراحة أني متخوف أسكن في السكن الجامعي ما أدري خاااايف اشوووف عنصرية ولا هيك من هالحكي وشكرااا

الله يرزقك ماتمنيت اخوي فهد ......(.ويرزقك رزق ماشتريتوه ولا احتريتوه) هذي دعوه الولده الله يحفظة وجميع المسلمين

سؤالي الله يحفظك:
بالنسبة للمعهد الي ذكرت xavier university انا ودي اغييييييييييير المعهد التابع لnku .

لكن المشكله الفرق بين المعهدين:

اني حاط ببالي ان المعهد التابع nku راح يتساعدون معي اخر الدراسة لاني ابي ادرس بجامعتهم واختبارهم على ماسمعت من البعض انه توفل خاص فيهم وهذي ميزه المعهد

المعهد الثاني الي ذكرت صحيح انه تمام وطريقة تدريسهم لكن ماراح يقدرونك مثل جامعك الاصل ويتفهمون وضعك وتسجيلك للمواد بنهاية اللغة. لو لاقدر الله تعصلق بشي باللغة

يعني بالعربي معهد nku دنفسة شوي هذا مريحني . والمعهد 30% والباقي علي ادري لكن للاحتياط

ارجو ان الفكره وصلت لك .......... ابي شورك فهد باالتفصيل الملل ....امون هاه هههههههههه

بحجوج ..

لو فيه عنصريه وانا اخوك كان ماجلس في السكن الجامعي اي عربي او مسلم .. واذا انت مو مرتاح لفكره سكن الجامعه .. عندك اكثر من مجمع سكني قريب من الجامعه ممكن انك تسكن فيها ..

lom ..

الله يجزاك ووالدتك خير ولا يحرمكم الاجر ..

من سابق تجربه .. معهد الجامعه لو تبي ذنب ماعطاك (المدام خلصت مده اللغه وانتهت بعثتها ولا خلوها تعدي الاختبار) ... انا ما الومهم اذا مستوى لغة زوجتي اقل من المطلوب .. ولاكن قصدي من ذكر الموضوع هذا انه بمجهودك ومحصولك اللغوي تدخل الجامعه اما شغل الدنفسه والتسليك مايمشي عندهم ..

ميزه معهد الجامعه في اختبار التوفل حقه انه يحتوي على سماع + قراءة + قواعد وهو بدون كتابة ومحادثة وهذا اسهل بكثير من باقي الاختبارات مثل توفل اي بي تي او الايلتس ..
(للمعلومية : ممكن انك تدخل اختبار المعهد حتى لو انك مو طالب فيه بشرط دفع رسوم مقدارها 20$)

لاكن اذا انت بتنظر من منظور الفائده والتأسيس الصحيح .. المعهد فاقد لهذي الخاصيه للأسف .. وزي ماشرحت لكم ان معهد جامعه اكزيفير افضل بمراحل من معهد جامعتنا .. وبأمكانك دراسة اللغه هناك ومن ثم ترجع وتدرس بالجامعه لان جامعتنا ماتشترط عليك الدراسه بمعهد اللغه حقها لانها عارفه مستواه ..

اتمنى اني وصلت فكرتي بالطريقه الامثل ..