حامل وخايفة من تفتيش المطارات

احب افيدك زيادة في بنت سعودية دخلت بفيزا سياحة وهي حامل ولما عرف موظف الجوازات انها حامل عصب و شق من جوازها (الورقة اللي فيها ختم الدخول ) وسجلوها خروج عن طريق البصمه ودخلوها مكتب وقالو اجلسي هنا حتى تقلع رحلتك وترجعين عليها وموظف الجوازات قال لها مو مسموح لك اصلا تولدين بامريكا .
قالت انا ما جيت للولادة انا جايه زيارة لاهلي قالو برضه ما ينفع وفي ظل النقاش قالت لها وحدة من الموظفات ان امريكا تمنع هذا الشي لانه اي ولد يولد بامريكا يولد مجانا و ياخذ حليب وبابمبرز وعلاج لمدة سنتين مجانا والمكسيكان والشرقيين ذبحوهم .. قالت البنت بس انا دافعه للمستشفى ديبوزت مبلغ وقدرة ولما ورتهم المواعيد والورقه مبلغ فوق مية الف ريال ديبوزت للمستشفى سمحو لها بالدخول .

هذي القصه صارت لصديقتي العزيزه خلال عام 2009 ماهي سالفه سمعتها لذلك انتبهو اي بنت فيزتها سياحة ما تقول لهم انها حامل ولا تنسا اي وحده فيزتها سياحة انه ما ينطبق عليها نظام التآمين الطبي .

وللمعلومية انا قلت لها ليه قلتي لهم انك حامل قالت احسب ان عندهم معلومات عن تواصلي مع المستشفى اللي ابي اولد فيه .. لا طبعا ما عندهم معلومات ولا شي.

ياناس حرام عليكم والله وترتوني وخوفتوني زيادة انا مبتعثة ورايحة ادرس على حساب الملك يعني فيزة اف 1 اخاف اقولهم يسرلي مشاكل واخاف اسكت يضر الجنين الله يعين والله ماصرت انام من التفكير

يارب رحمتك

قول تعالى (يا أيها الذين آمنوا لا تسألوا عن أشياء إن تبد لكم تسؤكم)

يا اختي حكمي عقلك ايش احسن تروحي وانتي ما قلتي لهم وتبان بطنك ومشاكل بعدين

ولا تروحي وانتي في السليم وامورك كلها مضبوطه

غير كدا انتي مو رايحه سياحي انتي رايحه f1

اتكلي على الله والي انتي تشوفيه كلام يدخل عقلك سويه

ولا تسمعي كلام كتييييير

انتي ليه مكبره الموضوع وليه القلق الزايد

انا كنت حامل وكان وقت ارهاب وكان في كل مكان جهاز اشعة تفتيش وسآلت دكتورتي وقالت حاولي تتجنبين وما قالت لي انتبهي وترى ضار

معلومة ثانيه انا ركبت الطيارة وانا حامل ١١ مرة وكل مرة كنت ادخل في الجهاز حق التفتيش وسكنت في فندق في مدخله الفندق جهاز الاشعه وفهمت السيكيورتي اني حامل وسمحو لي ما امشي من داخله لكني مرات كثير انسى واعدي منه وما شفت الا العافية


انا ما اقولك سوي ولا تسوين لاني ماني دكتورة .. انا اقول اسآلي دكتورتك واتركي الوسوسه

وتري انا اشتريت كتاب من مكتبة جرير اسمه ( كل ما تريدين معرفته عن الحمل ) مقسم تسع شهور وكنت اقراه شهر بشهر ولا اسمع خرابيط الحريم


الموضوع الثاني انتي فيزتك اف ون يعني مالهم دخل فيك ! ثانيا انتي مبتعثه يعني السفارة مأمنه لك تأمين طبي ؟؟ وش دخلهم فيك ؟؟


ترى الاشعه والسفر وكل الكلام ذا ما يضر .. اللي يضر خوفك وقلقك وترى اكثر شي يضر الحامل سوء النفسية وسوء التغذية انصحك اشتري الكتاب وروقي وروحي سوي تمارين الحمل وامشي تتحسن نفسيتك واتكلي على الله.