pittsburgh ,PA تجمع اهل بيتسبرغ بنسلفانيا

يا شباب بغيت اسالكم عن المواصلات في هذي المدينة هل الباصات مغطية المدينة ؟ وكيف اسعار العيشة هناك ؟
وهل جامعة CARNEGIE MELLON UNIVERSITY قبولها صعب ؟ لان ودي اسجل فيها ان شاء الله ..
ووشهي المعاهد المتوفرة هناك هل الجامعة فيها معهد ولا وش الوضع ؟

أهلاً
نظام الباص جيد ومغطي المنطقة الطلابية بشكل ممتاز، لكن كل ما بعدت عن المنطقة الطلابية تحتاج سيارة .. وأغلب سكان المدينه يعتمدوا ع السيارات
الأسعار معقولة ..
CMU حلوه وقبولها يعتمد على عدد الطلاب المقدمين معك، فيه طلاب أعرفهم ما جابوا الركوايرمنتس بالضبط وانقبلوا
CMU مافيها معهد .. أفضل معهد هو الـ ELI تابع لجامعة بيتسبرغ
eli.pitt.edu

تسسلم يعطيك العافية ..
طيب مافيه غير ذا المعهد ؟ هل المعهد ذا كويس ؟
وودي اعرف شروط قبول الجامعة مدري كيف احصلها .. انا درست سنه انجلش في كلية الجبيل والحمدلله تطورت كثير بس باقي اعتبر مبتدئ .. هل سنه ثانية مع شدة حيلي بالمعهد ان شاء الله تخليني اقدر اعدي درجة قبول الجامعة في الانجليزي ؟ لاني خايف يكون القبول بالجامعة مرة صعب وسنة ثانية ما بتكفيني استوفي شروط قبولهم بالانجليزي ..
باختصار ودي اعرف شروطهم وهل شروطهم صعبة جدا بشكل عام ؟

فيه معاهد ثانية .. معهد جامعة دوكين وجامعة بوينت بارك وأظن جامعة لاروش وجامعة تشاثم وجامعة روبرت موريس .. لكن الجامعات القوية في المدينة ثلاث جامعات والأفضل انك تلتحق بمعاهدها
سي ام يو وجامعة بتسبيرغ وجامعة دوكين .. الأفضل زي ماقلت لك معهد جامعة بتسبرغ
هذا ملف بي دي اف فيه معلومات عن المدينه اكثر
http://saudinpitt.org/home/images/im...s-v3-5-221.pdf

بالنسبة لقبول سي ام يو .. طالبين 100 بالتوفل، بعد سنه بالـ ELI اذا انت فعلاً شاد حيلك بتجيبها .. حتى لو جبت مثلا 93 يمشوك
سي ام يو من اقوى جامعات العالم وقبولها ما اقدر اقولك سهل يبغالك تشد حيلك بسنة اللغه وتحضر للقبول
الله يوفقك وأحييك على طموحك

شروط القبول بالتفصيل تحصلها بموقع الكلية أعتقد ..

الله يجزاك خير تركي والله ما تقصر ولا يهونون الشباب ..

طلعلتي مصيبة استغفرالله .. والله قفلت معي ..
ما صدقت اظبطت المدينة والجامعة وكل شي وطلعتلي هذي الصورة ..
http://im54.gulfup.com/c7TYJJ.png
المعهد الوحيد الفاتح حق f2 معناها مرافق ..
وش الدبرة يا شباب الي عنده خبرة ياليت يفيدني ..

يا شباب وش الدبرة ترا والله انتكبت ..

تواصل مع المعهد وشوف وش يعطوك الايتوني تابع f1 ام لا...

يعطيك العافية بشوف واحد اعرفه يتواصل معهم ..
بس قد صار كذا من اول ؟ معهد حق f2 يعطي اي توني حق f1 ..
واذا افترضنا انه وافق وعطاني اي توني حق f1 هل بيسبب هذا الشيء تاخريات ومشاكل بالتحويل لما اجي احول على الملحقية لان المعهد مسجل في المحلقية على انه f2 ؟

المعاهد اللي في الملحقيه انت مو ملزوم فيها التزم اللي في ملفك ، باذن الله ماتواجه اي عواقب بس تاكد اكثر واستفسر اكثر..