pittsburgh ,PA تجمع اهل بيتسبرغ بنسلفانيا

السلام عليكم ورحمة الله وبركاته..
دكتور سعودي..مابعد ضيقه الا الفرج..إن شاء الله الجامعه يغيرونها لك..
يــا أخوان أنا بجي قريب لبيتسبيرغ..لجامعة بيتسبيرغ,,وأبي من شخص فيكم يدرس بالجامعه يشوف لي كم الدرجة المطلوبة بالنسبة للGRE والتوفل..لاني عجزت وأنا أدور وما حصلتها بالنسبه لقسم الهندسه الكهربائية..طلبتكم لاتردوني
أبي الدرجه المطلوبه..اذا تقدرون تساعدوني..
ولكم جزيل الشكر

عزووز ..

المدينه اذا جيتها بترتاح فيها صدقني ..

مافيه احد جا وما حبها ..

كثره العرب فيها والمناظر الحلوه بتخليك مرتاح ..

الاسعار تختلف كثيير من منطقه لمنطقه ياخووي ..

يعني اذا تبي سكن مع عائله ممكن يطلع عليك ٦٠٠ بالشهر ..

وممكن تلاقي شيرينق هاوس تاخذلك غرفه بـ ٤٥٠ شهريا الـى ٦٠٠ تقريبا برضوا ..

ممكن تلاقي استديو اذا تبغى بـ حول الـ ٧٠٠ او ٨٠٠ ..

واذا عندك امكانيه وقدره فيه شقق على ٩٠٠ لـ ١٢٠٠ تقريبا ..

بالنسبه للمعاهد انا انصحك دور ع المعاهد الاكاديميه ..

معهد جامعه بيتسبرغ قوي وانا الان ادرس فيه .. صحيح مليان عرب لكن والله قوي ..

ومعهد دوكين ما جربته لكن من كلام ناس اعرفهم انه قوي بعد واهم شي عندهم الكتابه يعني يقويك بالكتابه


~ ~ ~ ~ ~ ~ ~

فهد ..
بالنسبه لطلباتك حبيبي ابي اعرف اول شي هل انت ناوي تدرس بكالوريوس ولا ماستر ؟؟
لان تختلف يا غالي ..
البكالوريوس حاليا طالبين توفل ١٠٠ بس الـ GRE ما عرفته والله ..
بس ابااك تقولي انته ماستر ولا بكالوريوس وانا بسألك هما بالجامعه بإذن الله يوم الثلاثاء

السلام عليكم
اخي رافيل اذا تعرف كم سعر السكن لبيت مستقل غرفتين في القرين تري اكون لك من الشاكرين

وبنسبه لجامعه بتسبرج تخصص هندسه ميكانيكيه بكالوريوس كم يطلبون في التوفل او الايلس وهل ممكن يعادلون ساعت من الكليه التقنيه او لا

شاكر لك تعاونك

ابو لما ..
والله ما عندي اي خلفيه عن البيت المستقل في القرين تري بس ان شاء الله الثلاثاء اقوولك الاكيد بإذن الله ..

بالنسبه لجامعه بتسبرغ آخر اخبارها انهم طالبين للبكالوريوس ١٠٠ بالتوفل ..
الايلس ما اعرف والله ..
والمعادلة من الكليه التقنيه ما ظنتي والله ..
بس جرب منت خسران شي ..

وان شاء الله اذا مانسيت ابرجعلك الثلاثاء اقولك بكم السكن < ترا الذاكره لك عليها فمش حالك لو نسيت خخخ

الله يعطيك الف عافيه وما قصرت اخي رافيل

ولوو ابو لمى اي خدمه تراني رهن الاشاره يا غاالي

أولاً : الله ييسر أمرك يا دكتور سعودي ويحقق لك ما تصبو إليه ..

ثانياً : أشكرك أخي رافيل شكراً لا شاطئ له ..

ثالثا : بو محمد الصراحة أنا جديد بالمنتدى والصراحة أول مشاركة علشان إستفسارك عن السيارة والصراحة ماني في أمريكا ولكن بأ عطيك حسب ما أملك من خبرة بسيطة ..

يا طويل العمر لو حسبتها الكامري 2005 وبـ 1200 دولار في الشهرين والمكس بـ 2700 دولار وموديلها 2004 ..

حط في بالك كذا نقطة وهي كالتالي :

1- أن الكامري مرغوبة في أمريكا وفي كل دول العالم الموجودة فيها لما تتميز به من صفات منها أنها تويوتا وهذا يعني قلة الخرابات وربك الحافظ ، قلة صرفية البنزين ولا سيما أن أمريكا تلكفة البنزين عالية وأنت ستستعمل البنزين بكثرة وبحكم أن لأول مرة تأتي بالطبع لن تكون حافظ الشوارع جيداً وبالتالي زيادة في إستهلاك البنزين بالطبع إذا كانت مكينة الكامري ( 4 سلندر وليست 6 سلندر ) ، رخص قطع الغيار ( إن كانت عليك ) ، الراحة .

2- المكس جيدة ولكنها تختلف عن المكس الموجودة لدينا بكثير ، قطع غيارها غالية ، صرفية بنزين أعلى من الكامري بحكم أن الكامري 4 سلندر والمكس 6 سلندر ، الراحة والأمان أقل ، غير مرغوبة في أمريكا بكثرة ، وستتعبك في الأمور القانونية وأنت لا طائل لك بهذه الأمور ( أن لا أعرف بس أتوقع أن الأمور القانونية والمتطلبات أكثر تعقيد من الإستئجار ) ، وحين تود الرجوع سالم معافى غانم بإذن الله ستضظر لبيعها وأنت لا حاجة لأن تدخل نفسك في مثل هذه الأمور .

3- حاول تشتري GPS أو ( قارمن ) فهو مهم ومهم جداً في حال أنك لا تدل الديرة اللي أنت فيها .. وأسعاره حسب ما أعرف رخيصة في أمريكا .. بل وخرائطه كاملة والكامل الله ..

تأكد من ممشى الكامري والمكس ، ومافيها من أعطال ( إن وجدت ) ، وحاول تعمل فحص كامل يبرئ ساحتك .. تحياتي لك ..

هههههههههههههههههههههههههههههههههههههههههههههههههه هه !!!

وين ميه الله يهديك أخوي .! <<< عجز يبلعها .!

للماستر هي ماهي للبكالوريوس .!!!

البكالوريوس طالبين 80 في اختبار التوفي Ibt اللي يعادل 550 في اختبارالتوفل الورقي PBT
والايلتس طالبين 6.5 .

للماستر لو جبت فوق 90 في التوفل فوضعك طيب ، ويعتمد هو صراحه من قسم إلى قسم اخر .

تحياتي لك .

S-A-D
حبيبي انا ما اجيب شي من عندي يا غالي وهذا اخر كلام وصلني ...

اتمنى شوية احترام بس

miss sara

ABO_LAMA

الغالي Rafeal

fahadma

ALN

الله لا يوريكم مكروه و لا واحد ظالم و مستهتر يسوي فيكم اللي سووا فيني!
حسبي الله و نعم الوكيل!
شكرا لكل من راسلني...و دعا...

معذرة...
بس هذول اللي منا و فينا و اللي من أهل بلدنا!....
شوفوا كيف يسوون و احنا لسة بالبلد...
اللي يشتغل و فوقه مسؤول يعرف وش أعني....
للاسف كثير من حملة الشهادات يرجعون و خشومهم مرفوعة علينا!
و هذا اللي يخليني اصر على اني اطلع اليوم و ارتاح من الوضع المشمئز اللي صاير عندنا!
لعل و عسى نرجع و نلاقي هالعقول اتغيرت!


حسبي الله و نعم الوكيل!