pittsburgh ,PA تجمع اهل بيتسبرغ بنسلفانيا

أهلين .. حبيت اسألكم عن الجامعات الموجودة في بيتسبرغ .. ايش الافضل واللي معترف فيها من الوزارة ؟؟
طبعا مع المعهد حقها .. جامعه دوكين تعطي قبول مشروط بعد اللغه ؟ وهل فيه اختبار سات للبكالوريوس.!؟

وايش رايكم بالمدينه ككل من ناحيه السكن والجو والمعيشة ..هل هي افضل من فيلي ؟
سؤال شاطح .. فيه محجبات كثير ؟

وبالنسبه للعرب كثير؟ اناناويه اقدم اروح على حسابي واقدم على الحاق كم المدة اللي اجلسها لين يلحقوني وتتوقعون تقديريا بحكم انكم ساكنين فيها كم راح يكون صرفي خلال 3 شهور < مدة تقريبية للالحاق

والله يجزااه الجنه اللي بيجاوبني ..ويسيرر عليكم اموركم جميع
اعذروني اذا كثرت اسألة

السلام عليكم .. عيد مبارك
عدنا ............... ( بعد زحمة العيد )

استازة لولي بووووووب
يعطيكي العافية انك بتجاوبي الناس على اسئلتهم
بس ما ادري عندك فكرة جامعة بيتسبرغ ممكن في امل ا خد منها قبول مشروط لانو انا معيد وما يطلعوني من هنا الا في يدي قبول مشرووووووووط وطبعا ادرس لغة في معهدهم سنة لوووول فالهرجة ما ادري انا ابغا اقدم بعد شهر كدى واشوف عموما بس امكن عندك خبرة
وبالنسبة لمعهدكم كيف المدرسبين وكدى جيدين ولا عنو لوول لانو صراحة اهم شي المدرسيين وبعدين انطباااعك عن البلد رايقة ولا كيف
وسؤال كدى خفافي اقدر اروح المعهد بالسيارة يعني الاقي مواقف جنبو وكدى
وسعال يحرج نفسو في احد جاب فوق 80 توفل بعد ما خلص المعهد ولا ا ش سويتووووو
وثانك يوووووووووو مرة

السلام عليكم ورحمة الله وبركاته
شكرااااااااااااااااااا جزيلا أختي lollipo0opعلى تجاوبك معي
وحبيت أسألك نفس السؤال الي سأله الأخthe big dude
فأنا معيدة وأتمنى أن أدرس في جامعة بيتسبيرغ فهل يمكن أن
أحصل منهم على قبول مشروط علما بأن مستوى لغتي متوسط
وأرغب في دراسة اللغة بالمعهد التابع لنفس الجامعة وجامعتي لا
يمكن أن تبتعثني لدراسة اللغة إلا بقبول مشروط من نفس الجامعة
أرجو إفادتي ولك مني عظيم الشكر والإمتنان............

كل عام والجميع بخير وصحة وسلامة ..

هل التقديم للجامعة والمعهد لايزال مستمر ومفتوح من ناحية الملحقية ؟؟

وهل الجامعة تعطي قبول مشروط لدرجة البكالوريوس ؟؟

دمتم بخير .. وتقبلوا مروري ..

السلام عليكم ورحمه وبركاته

الحمدالله بفضل من الله وصلت ديرتي الكويت بعد ما جلسنا بمدينة بيسبيرغ اربع شهور تقريبا وبصراحه خلوني اشكر هالمنتدي الا عرفني علي ناس طيبه وانا احب اخص بالشكر كل من الدكتور سعودي واقوله والله والله راح توحشني انت مع الكرفته الصفرا واخوي مستفسر اقوله طول بالك ترا الدينا ما تسوي ولا تنسا انك ياي عندهم تبي العلم استحمل غثاهم وتعلم الطبخ تراا الغربه شينه هههههه
امااا اخوي الا اقولها لكم بكل صراحه اعترف اني حبيته من اول نظره صج انه متين بس دمه خفيفه اخوي بولما والله والله اني حبيتك وراح افقدك طبعا انت يا بولمي كل ماتلبس الجاكيت تذكرني هههههههههههههههههه وبخصوص غربه البال ياخوي بغينا نشوفك قبل ما نمشا بس تلفونك مغلق ماقول الا ونعم الشباب حتي الا تعرفت عليهم خارج المنتدي من السعوديه اخوي بوسدين جاري ونعم الرجل الله يحفظه ومانسا اخوي براهيم ماينسي واتمني منهم يسامحوني اذا حصل مني اي تقصير ويشهد الله اني حبيتهم بالله جميعا وبالنسبه للشباب والبنات الا راح يقدمون للمدينه بصراحه جدا هادئه والبنت الملتزمه راح ترتاح فيها لان لاحظت التزام مشالله خواتي البنات بالمدينه عساربي يحفظهم والمدينه اعتبرها امنه من الطراز الاول بحكم فرارتي فيها طبعا واقول حق بولمي عليك بمرق بامية لحم بس يكون اللحم من الاميش ابيك تاكل عني ههههههههههههه
واشكر الجميع وعساربي يحفظكم ولا يفرقكم انشالله
اخوكم بومحمد من الكويت

اخواني واخواتي الكرام انا باذن الله بادرس في احد جامعات بتسبرغ بس في البدايه ابغا اسجل في معهد كويس ..
وحبيت استفسر منكم عن جوده معهد كابلان في فيلادلفيا ياليت احد يفيدني واكون له من الشاكرين ..
(اتاسف اذا كان سؤالي مو هنا مكانه بس الكل فيه الخير)

وفقكم الله