pittsburgh ,PA تجمع اهل بيتسبرغ بنسلفانيا

لا تشيل هم انت حول المنطقه واذا تبي كلمني على الخاص لأي سؤال

( تمت المشاركة باستخدام تطبيق مبتعث )

انا ظمن الاحتمال اني اسافر ل هل مدينه وعندي تساؤولات عنها

من الكلام اللي اخذته من البحث أن المدينه بارده تنزل تحت الصفر خلال ثلاث شهور او اربع ؟؟

اكثر السنه ممطره ؟؟

ان المدينه مدينه دراسيه بحته واكثرها عزاب ومافيها وسائل ترفيه او ل سياحه او عاديه ؟؟

ان المدينه غالي السكن فيها وكيف الغلا فيها بشكل عام ؟؟

ان طلاب المعاهد والجامعات ركوبهم ل الباص النقل مجاناً ؟؟

وبنسبه للي لغته زيرو وش تنصحونه معهد لغه هناك يدرس فيه ؟؟

السلام عليكم..
أسعد الله ايامكم جميعا ياشباب بيتسبرغ..
عندي قبول دكتوراه في جامعة انديانا في بنسلفيانيا وناوي أسكن بإذن الله في بيتسبرغ لان عندي اولاد وأبغاهم يدرسوا في اكاديمية بيتسبرغ العالمية UAP
وهذا عنوانهم
2103Hampton St
Swissvale, PA 15218
Telephone:412-241-2124
لايهم السكن قريب من المدرسة لأني فهمت أن المواصلات تغطي أغلب الاحياء.
أطلب منكم اسماء مجمعات سكنية ممتازة (الافضل غرفتين اوثلاث تاون هوم) تكون قريبة من المسجد.
طبعا يفضل على أطراف المدينة لأن دوامي تقريبا مرتين في الاسبوع في جامعة انديانا ولايفيدني كثيرا السكن في وسط المدينة أو قريب من مواصلات جامعات بيتسبرغ.
شاكر ومقدر لكم تعاونكم..
للتواصل 4majed@gmail.com

محد يساعدنا هنا ؟


( تمت المشاركة باستخدام تطبيق مبتعث )

اعقلها وتوكل وكل شي يتدبر

ودي افيدكم بس معلوماتي بسيطة اروح من فترة لفترة بس ما اطول وماسبق لي زيارة بيتسبيرغ بكرة اول يوم ازورها بإذن الله


( تمت المشاركة باستخدام تطبيق مبتعث )

لسلام عليكم ورحمة الله وبركاته ...
الله يعطيكم العافية
إنشاء الله زوجتي راح تتخرج من الثانوية بعد اسبوع بإذن الله و راح أقدم على المرحلة العاشرة ببرنامج خادم الحرمين الشريفين للابتعاث الخارجي على تخصص علاج طبيعي .. ومن خلال بحثي علمت ان جامعة بيتسبيرغ قوية في مجال تخصص العلاج الطبيعي .. لذلك أنوي ان اشاء الله ان اقدم انا كوني مرافق وزوجتي على معهد لغة في بيتسبيرغ
استفساري :
- هل استطيع اخذ قبول مشروط من جامعة بيتسبيرغ على تخصص علاج طبيعي بأن ادرس لغة في معهد الجامعة والتحق بعدها بالجامعة, وماهي درجة الآيتلس المطلوبة لهذا التخصص؟
- ماهي أفضل المعاهد في بيتسبيرغ العترفة لدى الوزارة ؟
- ماهي الخطة الدراسية في الجامعة لتخصص العلاج الطبيعي, وماهي المواد التي تُدرس؟
- بالنسبة لمعهد لاروش في أشخاص نصحوني أن القبول المشروط سهل في جامعة لاروش لكن ما أعرف مستواه .. ياليت أحد يفيدني؟
- انصحوني عن افضل طريقة لإيجاد قبول في معهد معتمد من الوزارة لزوجتي ولي كوني مرافق ؟ هل اقدم قبل صدور الضمان المالي من الوزارة او قبل..
ياليت تساعدوني قد ما تقدرون .. المبتعثة والمرافق رغبانيين في مدينة وجامعة بيتسبيرغ وودي تفيدوني بحل مضمون.
آمل الاجابة على استفساراتي وتقبلوا من اطيب التحية والتقدير وأجركم على الله

اخوي طلال .. بالنسبة للمدينة ممتازه ومريحه .. صح اول ما تجيها تحس انها كئيبة .. بس بعد فتره بتحبها وبتستمتع فيها .. الشباب هنا جداً ممتازين ومتعاونين .. والنادي السعودي فيه شباب يحبهم قلبك ويخدمون .. وخاصة استقبال الطلبة الجدد .. سعر السكن منطقي جداً وكثير مجمعات يسكنها سعوديين .. يعني منتب منقطع لا تخاف.
سالت عن العاهد بالنسبة للي لغته زيرو .. فا خيارك الاول هو جامعة دوكين
duq.edu
والثاني هو جامعة شاذام
chatham.edu
والثالث هو لاروش
laroche.edu
اما الخيار الأخير هو معهد ELS في جامعة بوينت بارك

وللي لغتهم متوسطه فأعلى .. يروحون معهد جامعة بيتسبيرغ بدون اي نقاش .. معهد ممتاز بكل ما تعنيه الكلمه
eli.pitt.edu

بالنسبة للباصات وركوبها المجاني .. فهي فقط موفره لطلاب ثلاث جامعات فقط وهي:

Carnegie Mellon University
University of Pittsburgh
Chatham University



( تمت المشاركة باستخدام تطبيق مبتعث )

اخوي الحارثي .. أفضل منطقة لوضعك ممكن تسكن فيها هي Monroeville شرق مدينة بيتسبيرغ وقريبة من منطقة Swissvale .. دور فيها مجمعات راح تلقى شي مناسب وسعره منطقي .. اذا احتجت معلومات إضافية تواصل مع النادي السعودي في بيتسبيرغ وراح يفيدونك الشباب باذن الله
Saudinpitt.org
facebook.com/sshpitt


( تمت المشاركة باستخدام تطبيق مبتعث )

اخوي احمد .. جامعة بيتسبيرغ من أفضل ١٠جامعات في تخصص العلاج الطبيعي .. وفيها شباب يدرسون ماجستير ودكتوراه .. لكن ما عندي خلفية عن البكالريوس فيها.. ممكن تتواصل مع الشباب اللي يدرسون فيها مباشرة ويفيدونك. بالنسبة لمعهد جامعة بيتسبيرغ فهو ما يقبل الا مستوى متوسط باللغة فأعلى .. وممتاز جداً ومعظم الشباب اللي درسوا فيه جابوا درجة التوفل والايلتس.
بالنسبة لكلية لاروش فهي بعيدة عن جامعة بيتسبيرغ اذا قررتوا ان المدام تدرس فيها .. يعني بتنحاس .، لكن أفضل لك سجل بجامعة دوكين او تشاذم اذا المدام بتدرس بجامعة بيتسبيرغ لأنهم قريبين من بعض .. جامعة دوكين وتشاذم حسب علمي البسيط انهم يعطون قبول جامعة مشروط باجتياز اللغه بمعهدهم


( تمت المشاركة باستخدام تطبيق مبتعث )