واشنطن - لوك هيفن

صباح الخير
اولاً جمعة مباركه للجميع.
سؤالي ابغى معهد كويس في مدينه فلادلفيا اللي يقدر يساعدني باليز لايبخل عليه ؟
وكمان ابغى اسئل اللى راحو والحمدلله وصلو بسلامه بنسبه للاغراض اللى راح اخذها معايا مثل البهارات و التمر يقولو لازم تتغلف تغليف حراري صح هذا الكلام واذا صح فين اغلفها في المطار ولا في المدينه المنورة ولا بجده ؟
وبنسبه لزوجي يا شباب راح ياخذ هناك سياره انشاء الله كم ياخذ فلوس معاه وهل الرخصه الدوليه تمشي الحال هناك ؟
وبنسبه للشنط كم كيلو الحد الاعلى ؟
وانشاء الله رحلتي الاسبوع القادم يوم الاحد 30/5 من مطار جده مين رايح معانا شباب وبنات ؟

اهلا أختي
شوفي أنا لما كنت أحاول أنقل من معهد لوك هيفن كنت حاطة في بالي أروح فيلادلفيا بس الله ماكتب.
المهم اني ماسالت أحد إلا وقال لي نفس الكلام اللي هو : انه المعهد التابع لـ University of Pennsylvania هو أفضل معهد على الإطلاق.
أساساً الجامعة ممتازة وعلى مستوى ومن الأوائل على مستوى أمريكا

نجي ألحين لسؤالك الثاني: التمر أنا أخذت التمر المغلف اما البهارات والقهوة فما غلفتها تغليف حراري ولا شي.
حطيتها بالكيس البلاستيك العادي ( زي حق المهباج) وربطتها ونفس الشي بالنسبة للنعناع.


الفلوس ماعندي فكرة عنها بس بالنسبة للرخصة فخلي زوجك يجيب رخصة دولية بالإضافة للرخصة السعودية
الوضع يختلف من ولاية لولاية
في بعض الولايات تسمح بأنه يسوق بالرخصة الدولية أما ولايات ثانية تسمح يسوق بالرخصة الدولية بشكل مؤقت ومن ضمنها بنسلفانيا
فالرخصة الدولية بتنفعكم مؤقتاً لين لما يطلع له رخصة من امريكا.

الشنط زي ماقلت سابقا في الخطوط السعودية يسمحوا لكل شخص يدخل في العفش شنطتين وأتوقع كل وحدة فيهم وزنها 30 كيلو
الخطوط الأمريكية تسمح بشنطتين لكل شخص لكن على شرط يكون وزن كل وحدة مايزيد عن 23 كيلو وأي كيلو زيادة يدفعوك عليه ولازم يكون بين الرحلتين الدولية والداخلية يوم او يومين ولا احتمال يسمحوا لك تدخلوا شنطة وحدة بس مجاناً
المهم انت رتبي اغرضك من السعودية على انه يكون وزن الشنطة الوحدة مايزيد عن 23 كيلو عشان ماتتمرطي.

أما داخل الطيارة مادققوا علي
أنا رحت على US Airways وماوزنوا الشنطة الصغيرة مع انه وزنها كان 12 كيلو
المهم مسموح لكل شخص
شنطة ملابس صغيرة + شنطة لاب توب + حقيبة اليد النسائية + جاكيت لو كان عنك

الله يوصلكم بالسلامة وطمنينا عليكم

يسلمو يا اختSenorita Sanbiعلى تفاعلك معانا
والله لايحرمك من الاجر انشاء الله
بس لفت انتباهي حاجه ليش ياخذ معاه الرخصه السعوديه دام معاه رخصه دوليه وكمان عددنا 3 يعني كل واحد فينا له 30 كيلو بس
بس حبيت التوضيح في هذي الجزئيه والله لا يحرمنا من معرفتك
كمان انشاء الله اقابلك واتعرف عليكي
تحياتي لك


وبنسبه للأخ طلال FLS
عندي كم سؤال بس بنسبه لقولك (( لذالك يتركها بحسابه )) ايش تقصد حسابه اللى بسعوديه وإذا كان تقصد هذا الشي كيف يسحبها من امريكا راح ياخذو نسبه كبيره تقريباً ؟
والسؤال الثاني حاطين في بالنا بحدود 7000 دولار راح تجيب شي ؟
وكمان كنت حاسبه حساب اخد بعض البسكويتات والحلاويات وحليب يعني زي كذا لبنتي الصغيره عمرها سنتين لازم تكون معايا بشنطه الصغيره ؟
وشكرا على تفاعلكم الدائم وهذي ماهي بغريبه عليكم
تحياتي