الي سفره في بدايه ابريل والي قد سافرو, سوال

شوفي حبيبتي
بالنسبة للتفتيش فتقدري تقولي إنه في مطار دالاس الدولي اللي بتنزلي فيه أول ماتوصلي لواشنطن مافيه تدقيق في التفتيش وحتى لو فتشوا فمجرد يفتحوا الشنط على الخفيف

أما التفتيش الدقيق فعادة يكون في المطارات الداخلية زي مطار ريغن ( هذا لو كنتي بتسافري من واشنطن على ولاية ثانية)
أنا بالنسبة لي لما سافرت من مطار ريغن فتشوا كل شي وأول شي بدوا فيه هو اللاب توب فانتبهي يكون عندك برامج منسوخة أو تكوني داخلة على مواقع مو كويسة
وفتشوا الشنطة اللي بتدخل معاي الطيارة ودخلوني غرفة قزاز ( اللي تطلع ماتحت الملابس)
وفتشوا الشنط اللي شحنتها وطبعا ماعرفت انهم فتشوها إلا لما وصلت الفندق لأني ماحصلت القفل ويوم فتحتهم لقيت ورقة مكتوب فيها انهم فتشوها

نصيحتي لك لو بتسافري من مطار داخلي انه تخلي اللاب توب حقك نظيييييييف وماتشيلي معاك عفش كثير لأنه بعض الخطوط تسمح لك فقط تشيلي شنطة وحدة ووزنها مايزيد عن 23 كيلو
وإذا كان عفشك كثير حاولي ماتقعدي في واشنطن كثير لأنه اللي أعرفه انه الخطوط الأمريكية ممكن تسمح لك تشيلي شنطتين كل وحدة وزنها 23 إذا عرفوا انك جاية من رحلة دولية على شرط انه مايمر على الرحلة أكثر من يوم أو يومين
بالنسبة لي قعدت في واشنطن يومين وبعدين سافرت على خطوط US Airways ولما جينا ندخل الشنط قالت لنا الموظفة انه راح تدفعنا وزن زايد على الشنطة الثانية بس قعدنا نحاول فيها ونقول لها انه جايين من رحلة دولية وبيالله مشتها لنا
لأنه على قولتها صار لكم أكثر من 24 ساعة من وصلتوا لواشنطن
عموماً أتمنى لك التوفيق وإذا عندك أي سؤال فأنا تحت أمرك

الف شكر انا كان عندي نفس السوال
ولقيت الأجابة الكافية الوافيه
انمنى التوفيق للجميع