مساعدة ماجستير فيزياء ،، دلوني واعينوني اعانكم الله

هلا أختي أم سديم مثل مافهمت انك تبين تدرسين على حسابك الخاص واذا كنتي بتدرسين على حسابك احسن لك علشان تتسهل اجراءاتك للانضمام للبعثه طبعا لازم يصير معك قبول جامعه لأنه لو ما صار معك قبول جامعه الملحقيه ماراح تاخذ اوراقك وراح تقولك اذا صار معك قبول جامعه ارسلي اوراقك كله هذا شي
الشي الثاني ماشاء الله معدلك ممتاز ليش مستعجله تجين هاللحين وعلى حسابك يعني ليش تكلفين ومعروف انه الالتحاق للبعثه صعب ماعدا اذا عندك واسطه قويه فأنا اقول انتظري لحد مايفتحون بعثة الملك عبدالله للمرحله الجايه وقدمي عليه وان شاء الله يبي يقبلونك.
وموفقه ياري

ماشاء الله عليك أختي الله يوفقك ووإذا مستعجلة احصلي على قبول معهد يعني لغة فقط لأنو الحصول على قبول من أغلب جامعات أمريكا صعب للماجستير إذا ماعند شي يثبت أنو لغتك كويسة يعني إذا ماعندك أحد الاختبارات الدولية مثل التوفل أو الايلتس وغيرها لذلك أنصحك تروحي على قبول معهد وبعد ماتدرسين شوي وتكتسبين اللغة اختبري توفل وراسلي أحد الجامعات بنفسك من هناك أسرع وأفضل وبإذن الله الانضمام للبعثة سهل بما إن معدلك ماشاء الله عالي واللي فهمت من كلامك أنتي حريصة على الدراسة الله يوفقك وبالنسبة للولايات الشرقية عندك نيوجيرسي وفرجينيا وبنسلفانيا يعني كويسة وآمنة وقريبة من العاصمة وأجواءها ممتازة ولايوجد فيها عنصرية وأسالي في المنتدى إن شاء الله الأخوان والأخوات مايقصرون أتمنى أكون أني أفدتك وبالتوفيق

الله يعطيكم العافيه ...
انا اقصد اني مااقدر اجلس فتره طويله هناك على حسابي الخاص .. ميزانيتي ماتسمح ..
يعني ابغى التحق بالبعثه على طول (مثل ماقاللولي خلال 3 شهور )
و البعثه زي مانتم عارفين تحتاج الى قبول
عشان كذا ابغى جامعة تقدم قبول مشروط و شروطهم سهله في القبول ..
معدلي عالي ولله الحمد لكن المشكله ان العمر محدد ب 27 سنه في برنامج الملك عبدالله
وانا عمري تقريبا 28 ..
اخاف ماااقبل
ولا يتجاوزون ؟

إذا كنتِ تبغي قبول مشروط لجامعة من أحد الجامعات الوسطى ومعهد اللغة في أحد الولايات الشرقية , علميني.

القبول المشروط في الولايات الشرقية غاية في الصعوبة. لكن ممكن تستغلي القبول المشروط من أي جامعة موصى فيها علشان تلتحقي بالبعثة كقبول مؤقت.

وبعد ما تنتهي من اللغة تقدمي على جامعات الولايات الشرقية.

معليش من قالك ثلاث شهور ؟؟
اذا معك واسطه قويه تلتحقين على طول واذا واسطتك تمشي الحال يالله شهرين او ثلاث شهور وتلتحقين اما اذا ماعندك أحد صدق الامور صعبه وبتطولين ما التحقتي هم قالوا لنا اذا اخذت درجات عاليه بالمعهد يعني ثلاث او اربع شهور ممكن نلحقكم بالبعثه وكنا نتصل عليهم والله ما احد يرد يعني مثل قولة تسكيت واذا كانت درجاتك ضعيفه لازم تدرس اللغه على حسابك وتدرس ما ادري كم ساعه بالجامعه واذا عديت يلحقونك هذي شروطهم للي على حسابهم الخاص معليش المسأله مو تحطيم والله بس أبيك تحسبينه صح قبل لاتجين هنا وتخسرين كل هالخساير وبالاخر ماتلتحقين واذا بغيتي جامعه فيه جامعتنا اركانسس ستيت تقبلك على طول اذا معدلك سهل والمدينه رخيصه ومو غاليه يعني للي على حسابهم الخاص تعتبر حلوه

معليش على المداخلة

بس هل تخصص الفيزياء معترف به من قبل الوزارة ؟ اقصد للي يبغوا يلتحقوا؟

لأن المذكور في الموقع انه مو من ضمن التخصصات