مساعدة استفسار عن معهد els

من خبره شفلك معهد تابع للجامعه وفكك من ELS

طيب فين احصل معهد جامعه يعطي قبول مشروط بدون اختبارات في فلوريدا

يعطيكم العافيه جميعا
طيب انا بعد قريب انشالله بجي على ميزوري وقالوا عن معهد els
وقاعده اقرا ردود متناقضه بصراحه فيهم من يقول عنه كويس وفيهم مايقول انه مو كويس
طيب افيدونا الله يجزاكم خير عن المعاهد الكويسه وفي اي ولايه بالظبط
واكون شاكره لككم وممنونه

والله نفس الحاله شي في يخلي الواااحد يحتااار

ياا ريت احد بفيدنا بمعلومات عن جامعه تامبا ؟

ما انصحك فيه els نصيحه ما في احد يمدحه الكلام مهب اكاديمي
نصيحه لاتدور غير معهد الجامعه اللي في تامبا معهد الجامعه ممتاز وانا فيه واذا بغيت els اجلس سمستر او سمسترين في معهد الجامعه بعدين حول الى els فيه واحد جديد وقريب من الجامعه
تقبل تحياتي راعي تامبا...,,,,

معاهد ELS عموماً من أخيس المعاهد وانا ادرس بواحد منهم ..
عيوب المعهد ..

مايخلونك تقدم برزنتيشن الا بعد المستوى السادس .. والبرزنتيشن يكون اختبار نهائي ..

المعاهد الثانيه تتيح لك اكثرمن خمس برزنتيشنات بالشهر ..

الدوام الكامل عندهم من 9 الصباح حتى 4:15 العصر ..
مابعد الساعه الواحده ظهراً فترة غدا للساعه 2 .. والكلاسات اللي تكون مسائيه كلها خرابيط .. ماده اسمها محادثه .. واي محادثه ؟ لا يعتمدون على اي شي بس قم بتشكيل قروب وسولف وشف المواضيع السخيفه اللي يخلونك تتكلم ..

المعهد شهري .. ومادي وبحت ..
مره قدمت مقال وصححه لي مدرس بريطاني .. وفجأه .. نفس المقال بعد التصحيح والتقييم اخذت فيه 2:30 من اربعه ..
اخذتها لمدرس ثاني بنفس المععهد .. وعطاني 1 وقال كل المقال اخطاء قرمريه ..

فمعناه انه فاشلين كل واحد يصحح على كيفه ..

طبعاً بعض الفروع ترسب السعوديين كون عندهم شي اسمه (بعثه) وان الدوله تدفعه لهم بدون عناء ..

ولذلك نجد الصينيين ينجحون والسعوديين يرسبون والسبب ان الصيني جاي عل حسابه والسعودي على حساب دولته ..

من واقع خبره ومن واقع 8 شهور دراسه ..

ملاحظه .. وهذي ركز عليها ..

انا جاي امريكا ادرس الأكسنت والكلام واللغه الامريكيه مو البريطانيه ..
وكتابهم نصه انجليزي بريطاني .. موب انجليزي امريكي .. وقلت لهم اكثر من مره ويحاولون يصرفون ..

يعني بدل كلمة call me اتصل فيني
يحطون phone me وهي كلمة بريطانيه ..

يعني المعهد يعتمد على الربح ..

نقطه اخيره ..
مره رسبت في لفل (season) وطبعاً مثل ما انتوا عارفين التمارين تصحح من قبل المدرس ..

احد التمارين بعد تصحيحها بالمستوى اللي قبل .. نسختها نفس الاجوبه اللي عدلها المدرس الأول .. عطاني المدرس الثاني خطأ .. وهي اجوبه قرمرية او قواعديه ..

المعهد بالنسبه لي يعتبر على مستوا من الفشل ..


ملاحظة :
الجامعات اللي يعتبرفون بالإي ال اس اغلبها اهليه وموب قويه .. فتأكد من الجامعه اللي تبيها ثم فكر بالمعهد ..


Texas san antonio

ياجماعه نصيحه نصيحه نصيحه روحوا معهد الجامعه ولا احد يقرب من els

سمعت يقولوا انو من فرع لفرع يفرق
انت كنت في اي فرع ؟؟