مساعدة النادي السعودي في ميرلاند

thanks a lot its really helpful

مساء الخير
شباب ممكن مساعده انا أدور على سكن في مدينة بالتيور قريب من جامعة university of maryland baltimore county
وصراحه ادور على سكن مع عائلة ، فاليت إذا فيه احد يعرف لا يبخل علينا خصوصا اني جاي بعد اسبوع تقريبا من السعوديه شاكرين لكم..

أخوي UMS انا راسلت معهد الجامعة علشان السكن مع عائلة قالوا لي انهم مايوفرون هذي الخدمة وأن العوائل في بالتيمور اللي تستضيف طلاب أجانب قليل جدا.
على العموم فيه موقع اسمه Homestay family يوفر لك خدمة البحث عن عائلة عن طريق ابليكيشن انت تعبيه, بس المشكلة انهم يشترطون اذا ماحصلوا لك عائلة ان يأخذون نصف المبلغ حق الرسوم!!
نصيحتي لك اذاكنت تعرف احد هناك خله يدور لك, او اسكن اسبوع في فندق ودور بنفسك.. بالتوفيق

ياأخوان أبي اسئلكم وش أحسن طريقة للسفر من واشنطن الى بالتيمور؟ أنا بوصل واشنطن وبجلس فيها 3 أيام قبل مااروح الى بالتيمور.
تفاعلكم بليييييييييز

مشكور أخوي برنس أبها ، بالنسبة للمواصلات اما تاخذ تاكسي او تستأجر من الموقع هذا Super Shuttle - Super Shuttle Discount Code, Coupon - LAX, Denver, Tampa, JFK, LaGuardia, Newark, BWI, Dulles, Washington Reagan, Nashville, DFW, Love, Houston, Phoenix, SFO, Oakland, San Jose, Burbank, John Wayne, San Diego بالنسبة للقطارات والله ماادري يبغنا لنا واحد من بالتيمور يعلمنا ، متى رحلتك إلى واشنطن.

والله اخوي ودي افيدك بس ماعرف عوائل
في واحد من اخوياي حصل عائلة وبيطلع بعد فترة قريبة ان شاء الله بس بيجي بمحله واحد على طول حاجز ومضبط اموره
كنت اساله اذا يعرف عوائل ثانية لي ولا حصل حتى عجوزهم ماتعرف احد يستضيف لانه فعلا قليله العوائل اللي يستضيفون
بالنسبة لطريقة الوصول بالنسبة لي انا اغراضي كانت كثيرة مرره واخذت لي لموزين يطلع عليك تقريبا مية الى مية وثلاثين وفي سواق للملحقية بتشوفه بالمطار اسمه ابو مؤيد بيقول لك بمية وكاسسره انت الى ان يوصلها ثمانين
بس ترا طريقة نقله غير نظامية لانه هو اساساً سائق للملحقية
بالنسبة للقطار والباص ماعرفت لها صراحه
توصولون بالسلامة وبالتوفيق ان شاء الله

يعطيك العافية ماقصرت ، بالنسبة للسكن مع العوائل صعب ان تحصل لكن بالنسبة للسكن في الجامعة او الشقق القريبة
في الجامعة ممكن ترشدنا إلى الامكان الآمنة وهل تنصح بالسكن داخل سكن الجامعة

والله شخصياً انا ماحبيت سكن الجامعه اللي فهمته من صورة تصميمه ان دورة المياه حقته ماتنفعنا كمسلمين
بالنسبة للشقق راح تحصل بموقع المعهد اسامي شقق اختار لك كذا وحده وحط اسمها بقوقل وحده وحده وشوف وشيك وش اللي يعجبك
في وحده اسمها هانتينق نصيحة اخويه ابعد عنها منطقتها خطيرة حتى لو يمرها الباص وفوق هذا غالية
عموما شوف الشقق بقوقل ماب ودور الشقق اللي تكون بمنطقة arbutus \ consville هذي الثنتين ان شاء الله افضل الموجود
ثم اذا وصلت اسكن بفندق وشوف الشقق ووش يناسبك فيها
ويستحسن ان يكون مع واحد
عموماً عطني اسامي الشقق اللي تحصله وانا بشيك عليها اذا هي كويسة او لا
بالتوفيق

مشكور ماتقصر إن شاء الله ، على العموم انا بدور إذا جيت هناك وراح ارسالك إذا
حصلت شيء

أخوي UMS أنا دراستي بعد شهرين في 23 مايو والظاهر انك بتبدأ قبلي, كان ودي والله اننا نلتقي ونتعرف على بعض لكن انشاء الله اذا جيت تقابلنا. بالنسبة للسكن حق الجامعة خياس مررررة ولذلك قررت اسكن خارج الجامعة, أنا حاليا أبحث عن سكن واذا مالقيت فتكفى ابي وقفتك انت واخوي عبدالعزيز .