جامعة ويست فرجينيا....لمن لديه سؤال او طلب مساعدة!

عيدكم مبارك الله يفرج عنك ومشكور ع وقفتك ومساعدتك
ومو غريبه عليكم يااهل الكويت ديرة خوالي دوم راعين فزعه
لاهنت انا معاي بكالوريوس علوم اشعه ابي تستفسر فيه عندكم بالجامعه ماستر التراساوند او اي تخصص في الاشعه
واذا ممكن تكتبلي شروط الماستر عندهم
ربي يحفظك ويرفع شانك

نفس الســـؤال الله يعافيك

السلام عليكم...اسف على التاخير....بالنسبه لموضوع الجامعه معترف فيها ولا لا انا اللي شفته واسمع عنه انها مو معترف فيها من قبل الملحقيه السعوديه بس قاعد اشوف دفعات جديده قاعد تلتحق ..فهالمساله انتو تاكدو منها لان مو عارف النظام عندكم بالنسبه للبعثات والاعتراف وهالسوالف

عزوز 99:
اي نعم فيها التخصصين...ماستر وبكالريوس

عازف الليل:
اي نعم فيها قبول مشروط للحاسب الالي اللي اهو computer science ولا انت قصدك تخصص ثاني؟
لا ماتتنازل عن ال GRE هذا شرط والمعدل شرط ثاني منفصل...
لا تعترف الجامعه الا بمعهدها او بالتوفل او الايلتز


nabeel:
MS in Orthodontics | School of Dentistry | WVU Health Sciences Center
نعم متوفر وهاللنك فيه المعلومات

الدراسه فراسه:
مادري اذا موجود هالتخصص ولا لا ..لان مافي احد متخصصه...بس هذا الموقع ذكر شي عن تخصصك انه تبع الهندسه
WVU Lane Department:
شوفه واقرا انشالله يعطيك معلومات اكثر...وبسالك اكثر ان شاء الله...

وهالموقع فيه متطلبات القبول... ومن ضمنه الايلتز
Admission Requirements

Pancy:
مبروك وصول الاي توني...سالي الملحقيه اذا تقدرين تروحين بالشهاده اللي معاج الحين وتشوفين شنو ناقصج بامريكا وتكملين التطعيمات...
طلبي اي توني بتاريخ جديد انا اقترح...

السمو:
في طريقتين...اول شي انك تقدم للجامعه تقديم عادي بتخصص الصيدله ولمن توصل هني تكلم مكتب القبول على موادك ويقولون شنو تسوي...او انك تروح لشركه من الشركات اللي تعادل المواد وتكلمهم...انا ماعندي خبره بهالشركات بس سمعت عنها...اشوف الافضل انك تاخذ قبول عادي وبعدين تشوف اذا يحولون لك ولا لا...لانهم يطلبون خطة الدراسه حق كل ماده ويشوفون من اي معهد وجامعه...

روزالينا:
هذا الموقع الخاص للتقديم على تخصصج MS in Finance Admission
اتبعي الخطوات معاهم وسوي التقديم...
قبل التقديم الرسمي لازم تسوين فورم ماقبل التقديم....اللي اهو بهاللنك
SimpleForms :: MS in Finance and MBA with a concentration in Finance
شوفي When do you plan on taking the TOEFL/IELTS?
وكتبي فيه conditional admission/during the regular semester
بعدها بفتره راح يردون عليج (feedback)يعني...اذا انتي اوكى ولا لا...
بعدها كملي الخطوات للتقديم.... وتقدرين تاخذين قبول معهد وبعدين تسوين قبول ماستر ..لان على قولتج بتقعدين سنه معهد فعندج وقت تسوين اللي تبين بالنسبه للقبول للماستر...

pancy :
تسلمين حبوبه...

Yasseroh:
العفو ماسوينا شي طال عمرك...

ابو علي:
اي نفس الجامعه...west virginia university in morgantown WV
اذا في اي استفسار ابو علي تقدر تحطه هني او برساله خاصه وانا حاضر وبالشوفه...

خريجه ضايعه:
تسلمين ...والله يوفقج


Rozzzz:
ايامج سعيده اختي...ونعم فيكم اهل واخوان...
ماشالله عليج اول مره اشوف احد يفكر يدش هالتخصص عندنا...المهم انا مو متاكد100% اذا موجود ولا لا..بس هذا موقع خاص بهالقسم عندنا...قزري وقتج فيه على ما اسال قسم التقديم والقبول عن تخصصج...موفقه
Education | Radiology | WVU Health Sciences Center


مشاعري ماتغيرت:
اي نعم في التخصيين

اسف اذا ماقدرت افيد احد او ماجاوبت جواب وافي...بس اذا في اساله زياده تفضلو...واسف مره ثانيه عالتاخير

مشكووووووووووووووور حبيبي تسلم
فعلا دشيت الموقع القسم اللي ابيه موجود التراساوند بس ماقدرت اعرف اذا موجود ماستر او لا
مع اني حست وفرفرت بالموقع بس اللي لقيته هاي دبلوما وماقدرت اعرف شروطهم
اذا تقدر تسال الجامعه نفسها عندهم ماستر وشنو الشروط ويعطيك الف عافيه

مشكور bandat .. الله يعطيك العافيه على تواصلك ...

- هل جامعه ويست فرجينيا فيها تخصص امن شبكات الحاسب , امن بيانات , أو شيئ قريب من كذا ؟؟؟؟؟

- هل جامعة ويست فرجينيا أفضل من جامعة جورج ميسن في فرجينيا فيرفاكس ؟؟؟ وجهة نظرك ؟؟

- أخيرا ... هل تخصصات الحاسب عموما فيها صعوبه ؟؟ وكم تحتاج سنوات تقريبا لإكمال الماستر والدكتوراه ؟؟

وشكر الله لكم

[QUOTE=bandat;1982207]وحده من الناس:
في سكن اسمه Orcherd
Metro Property Management - Morgantown, West Virginia
هذا موقعه السكن فيه امن حلو حيل,,,وراقي شوي

10 Unit Building
Two Bedroom - Two Bath Without Garage $865.00 w/ $900.00 Deposit
Two Bedroom - Two Bath With Garage $945.00 w/ $1000.00 Deposit*
Three Bedroom - Two Bath With Garage $995.00 w/ $1050.00 Deposit*

4 Unit Building
Two Bedroom - Two Bath With Garage $995.00 w/ $1050.00 Deposit*
Three Bedroom - Two Bath With Garage $1095.00 w/ $1150.00 Deposit*
هذا اللي عندهم باختصار

يعطيك العافية اخوي
دخلت موقع الشقق ووجدتها جدا روعة
بس مافهمت علي الاسعار
انا اريد غرفتين نوم وصالة طعام وصالة جلوس بكم تتطلع علي

- هل جامعه ويست فرجينيا فيها تخصص امن شبكات الحاسب , امن بيانات , أو شيئ قريب من كذا ؟؟؟؟؟

- هل جامعة ويست فرجينيا أفضل من جامعة جورج ميسن في فرجينيا فيرفاكس ؟؟؟ وجهة نظرك ؟؟

- أخيرا ... هل تخصصات الحاسب عموما فيها صعوبه ؟؟ وكم تحتاج سنوات تقريبا لإكمال الماستر والدكتوراه ؟؟


بليز وين الرد الشافي ...

ROZZZ:
ان شاء الله اسالهم واشوف...
-----------------------------------------
الفارس الهلالي:
عفوا حبيب...الله يعافيك ويخليك..
WVU IMSE:
هذا اقرب شي لقيته الى التخصص اللي سالت عنه... بس اسال اذا معترف فيه عندكم ولا لا...

لا انا عندي جامعه جورج ميسن افضل...اعرف شباب هناك واعرف مستواهم الدراسي(زين) وصعبه شوي عليهم فغالبا يعني انها احسن والترتيب اتوقع احسن بعد...

وتخصصات الحاسب لا مو صعبه عندنا عموما بس مو سهله بعد...متوسطه تقريبا...سنتين للماستر غالبا وو3 للدكتوراه...طبعا هالسنوات ممكن تخليها سنه للماستر وسنتين للدكتوراه على حسب شغلك وجم ماده تاخذ للماستر...او متى تقدر تخلص متطلبات بحثك للدكتوراه...
----------------------------------------------
طرباوي:

شوف حبيبي...امريكا كلها من يمينها ليسارها ومن فوقها لتحتها...فيها نظام الشقق يكون معاها صاله ومطبخ والحمام غالبا يكون موجود بالشقه...واذا ماكان بالشقه بيكون قريب منها ومشترك بس...بالنسبه للسكن هذا اللي انت شفته الحمام داخل الشقه يكون...والمطبخ يكون فيه بار على النظام الامريكي يكون اهو قسم االاكل يعني مثل قعده للاكل...حلو!!

الحين في عندك خيارين يا تبي غرفتين مع كراج للسياره ولا من غير الكراج...وفي قسمين في 10 unit وفي 4 unit
الفرق بينهم التصميم بس وساعات المساحه...بس ماتفرق كثير ...
Two Bedroom - Two Bath Without Garage $865.00 w/ $900.00 Deposit
هذا غرفتين مع حمامين مع صاله مع مطبخ من غير الكراج ب 865 دولار بالشهر...ولازم توقع عقد سنوي عشان تاخذ الشقه...ولمن توقع العقود السنويه هني غالبا يطلبون منك تامين اللي اسمه deposit عشان اذا سلمت شقتك بعد انتهاء العقد ولقو فيها شي مخترب ياخذون من التامين لان احتمال انك تمشي وماتعطيهم حقهم (هذا اللي يفكرون فيه اهم )...بهالحاله التامين راح يكون 900 دولار

Two Bedroom - Two Bath With Garage $945.00 w/ $1000.00 Deposit*
هذا نفس الشي بس اللي يفرق ان فيها كراج والاجار 945 بالشهر....والتامين 1000 دولار...

الاثنين اللي فوق راح يكونون بقسم 10 unit...
Utilities paid by Resident - Water, Sewer, Gas & Electric يعني عليك الكهربا والماي وهالسوالف...

هالسكن لطلبة الماستر والدكتوراه وللعوائل فقط...هذا قانونهم بس تقدر تكلمهم انك تسكن وانت عزابي وتدرس البكالريوس..بس انت واسلوبك معاهم وعقلك...


موفقين خير

السلام عليكم كل عام وانت بخير وينعاد عليك يارب

اخوي عندي سؤال اتمنى انك تجاوبني عليها

1- قررت اسافر الى فرجينيا لدراسه الماجستير على امل التحق بالبعثه انشاالله ..كنت ابغى تخصص في الحاسب الآلي بس مثل( امن معلومات او , نضم معلومات اداريه او اي شي بس مايكون برمجه كامل في التخصص او تحليل) من دون جيمات .......
ابغى افضل مدينه في فرجينا من ناحية المعيشه ماتكون غاليه .... وافضل معهد لغة وافضل جامعه ياليت تساعدني .

مشكور اخوي bandat ... الله يسعد قلبك ....