جامعة ويست فرجينيا....لمن لديه سؤال او طلب مساعدة!

مشكور ماتقصر ع فكرة لاتحسبني منقطعه انا كل يومين افتح اشيك بس قلت اكيد انك مضغوط ومشغول الله يخليك اذا وصلت لاي معلومه اناانتظرك

اخوي ممكن اسأل عن نوع برنامج الماستر بالجامعه ؟
يعني عباره عن مواد ادرسا واختبر فيها وخلاص ولا لازم يكون فيه رساله ماجستير !!
لأني سمعت انه في نوعين لبرنامج الماستر النوع الأول اللي هو بس مواد واختبارات من غير رساله وهذا ماتقدر تكمل بعد دكتوره
والنوع الثاني هو اللي لابد يكون فيه رساله ماجستير

فـ ياليت تشرح لي نظام الماستر بالجامعه ,, مع العلم اني راح ادرس ماستر تسويق بأذن الله

السلام عليكم مشكور اخوي على الطرح سؤالي الجامعه او الجماعات التي فيها كم طالبين في ال ibt توقل
تخصصي بزنس ادمنستريشن بكالوريس وهل هم طالبين اختبار السات للحصول على قبول الجامعه ام لا بنتظار ردك ياعزيزي وشكرا لك

كأني امس كاتب رد لكن مدري فين راح
ع العموم الله يعطيك العافيه يارب ويجزاك خيرررر
انا بس طلبي لو سمحت تشوفلي هل هذه الجامعه تدرس ماستر لـ parasitology او لا
والف شكر لك

اخوي 9mt alwda3

الجامعة موقفة من الملحقية لتخصص البزنزس في مرحلة البكالوريوس .. ياليت تتاكد من موقع الملحقية

هلا وغلا اخوووي ..

حبيت اسالك الجامعه فيها تخصص صيدله اكلينيكيه .. ماستر اوو فارما كولوجي .. ماستر طبعا .. واذا توفر دكتوراه بعد حلووو .

اذا نعم كم عدد السنوات اللي فيها ... مع المعهد طبعا ... وهل فيها قبول مشروط للتخصص هذا ولا لا ...


لك جزيل الشكر والعرفان ...


في انتظار الرد ..


ودمتمـ,,,,

وعليكم السلام ورحمة الله وبركاته...يعطيكم العافيه
----------------------------------------------
حاضر ياروز تامرين امر...اذا عرفت شي بقولج..

------------------------
SHATHA.:

على حسب شنو اللي تبينه انتي...في مواد لازم تحضرين كلاسات وامتحانات...وفي كلاسات تكون بحوث بس اتوقع اثنينهم لازم تاخذينهم للماستر
هذا موقع الجامعه المتخصص بقسمج:
MS in Finance Overview
وهذي الكريكيلوم(المواد) المطلوبه
Finance MBA Curriculum
اذا تبين توضيح زياده قولي وانا بالشوفه...

----------------------------------
9mt alwda3:
اول شي اسمك شي لول عاش الرويشد ....
طالبين 61 اللي يعادل 500
مثل ماذكر الاخ باحث معلومه ،مشكورا، الجامعه قفلت هالتخصص .. بس حاول واسال اذا تقدر تقدم...
---------------------------------------

nassrentos:

مادري يمكن كاتبه بمكان ثاني بالغلط او مسحته بالغلط ....اتاكدلك واردلك خبر بالنسبه لهالتخصص...

---------------------------------------
ςяαzу нєαят:

Seattle Pacific University - Best College - Education - US News
هذا الرانك(الترتيب) حقها...شوفي بشكل عام انا برايي كل معهد بامريكا زين الا في حالة تواجد عدد كثير من العرب فشوفي انتي المعهد في عرب ولا عدد بسيط ممكن تجاهله...ويعتمد على الشخص وعلى مدى احتكاكه مع الشعب ..لا تستحين من شي بالحجي وخلج واثقه من نفسج..وصدقيني لو احطج بالقطب الشمالي بس في اوادم يتكلمون انجليزي وانتي تبين تتعلمين وماعندج احراج تتكلمين فراح تتعلمين بسهوله..يعني انا اقول سالي عن المدينه ومدى امانها انتي وعدد العرب فيها...مستوى المعهد اتوقع كل معاهد امريكا منهجيا زينه ومايعتمد على مناهج المعاهد اعتماد كامل لازم تسولفين وتمارسين اللغه...

--------------------------------------------------------

صيدلي متمكن:

اي فيها ماستر ودكتوراه...المعهد فيه اكثر من ليفيل وكل ليفيل يبيله كورس(سمستر)كامل علشان تكمله وادش الجامعه...اللغه على حسب استيعابك وتعلمك للغه فماقدر اعطيك فتره معينه حقها...شي بديهي المفروض

فيها قبول مشروط اي...
سنتين الى ثلاث سنوات المده...



موفقين

الله يسعدك يارب ويوفقك
وانا في انتظار ردك باذن الله

الف شكر عالنصيحه انا بالنسبه لي اتكلم انجلش لاني ادرس هنا بمعهد وخلاص تقريبا بقالي كم يوم واخلص دراستي فيه
بس انا من النوع اللي احب الدراسه الصعبه المتعوب عليها مو دراسه سهله
جزاك الله الف خير