جامعة ويست فرجينيا....لمن لديه سؤال او طلب مساعدة!

عبدالله:
او وجهك حبيب...تامر امر حبيب اخذ راحتك
اول شي ماعتقد تقدر تدرس في فرجينيا على طول لازم تروح الاباما وبعدين تحول بما ان قبولك واصل منها والاي 20 هناك...والله اعلم
اتوقع مصروفاتكم 1850 بالشهر على ماعتقد...فان شاء الله تكفي ماعليك لان اكثر من طالب كويتي عايش هناك والمعاش كافيهم بس يعني مايزود كثير...ومعاشات الكويتيين الحين مقاربه للسعودين نوعا ما...
اكيد في سكن معا عائله تقدر تروح المعهد التابع للجامعه وتطلب من مدير المعهد او مكتب international office ان يشوفون لك عايله تسكن معاها وجنا بياخذون رسوم بسيطه منك...المدينه قريبه من واشنطن مثل ماذكرت فتقريبا سياحيه ..بما ان منطقتي المطاعم العربيه اي شي فتعجبني مطاعم الاسكندريه وواشنطن (شمشيري واموز مثلا والجزيره)

-----------------------------------------------

مادري وش اعمل وريم جده:
المعهد قفلوه الملحقيه السعوديه لتكدس السعوديين والعرب فيه...فما عتقد تقدرون تاخذون قبول منه بس اذا تقدرون تلاقون قبول بمعاهد قريبه اذا انتو ناوين تكملون ماستر بوست فرجينيا اللي انا برايي سهل بهالجامعه ... المعاهد القريبع مثل معاهد مدينه بتسبرغ في ولاية بنسلفانيا او فيرمونت في وست فرجينيا...بس عموما بكتب ايميلي اخر هالرد وضيفوني ونتناقش اذا في حلول ثانيه بديله نقدر نلاقيها ...وبحاول اشوفلكم قبول بجامعتنا ان شاء الله...

AR yusuf:
مراحب ياهلا...للاسف السكن القريب من الجامعه بيكون غالي ...اقرا الردود السابقه تلقى شوي تفاصيل عن هالسؤال ... في سكن اسمه اوقستا قريب حيل من الجامعه دقيقه مشي...في نطام استوديو ب 950 دولار ماثث وكل شي مدفوع...وفي غرفتين مو ثابتين الاجار على حسب العروض اللي يقدمها السكن لي هالغرفتين...اكثر سعر وصلو 600 غرفتين (طبعا معاه واحد يسكن معاه وهالواحد بيدفع 600 بعد يعني كل ساكن مسؤول عن دفع اجاره الخاص بس انهم عايشين مع بعض...ماثث ومدفوع كل شي من كهربا وماي وكيبل ونت...
اذا عندك اي اساله ثانيه ضيفني على الايميل اسهل ...

Loves_kw at hotmail.com
هذا الايميل واللي يبي رد اساله سريع يضيفني عليه وان شاء الله اكون شابك واجاوبه

السلام عليكم اخوي .... والله يعطيك العافيه

الا بسألك اخوي عن مدينة HUNTINGTON

كيف وضعها من ناحية السكن والمعيشه غاليه والمواصلات وجوها هل هو بارد يعني ثلج ينزل كثير وعدد السعوديين كثير.

وهل فيه سكن قريب من الجامعة

وشكراً اخوي

الله يعطيك العافيه ويجعلها في موازين حسناتك على كل خدمه سويتها لأحد الأعضاء او استفاد من مووضوعك

اخوي ابغاك تفيدني بالمعلومات المتوفره عندك لويست فرجينيا (مورقان تاون) من ناحية :

1- الطقس بشكل عام
2- المعيشه
3- السكان .. بدو حضر سود .. الخ
4- قوة المعهد والقبول المشروط واسعارهم
5- تخصص المحاسبه ومعادلة شهادة الدبلوم من الكليه التقنيه ومعادلة الخبره العمليه لدى الجامعه
6- النوادي والمنتزهات الترفيهيه
7- مورقان تاون بماذا تتميز ؟
8- جبليه زراعيه صحراويه ؟؟

معليش ثقلت عليك بالأسئله ^_^

وعليكم السلام ورحمة الله وبركاته
الناصر اعذرني حبيييب بس ماعندي اي معلومه عن هالمدينه ...مارحت لها ولا اعرف اي احد فيها فعشان جذي ماعندي علم ولا خبره فيها...موفق خير واسف اذا ماقدرت افيدك...

------------------------------------------
AZ-007
الطقس رائع رائع بالصيف والخريف...اخر الخريف يبلش البرد وبالشتا ثلج شوي بتتعب منه لان منطقه جبليه...بس العالم ماشيه يعني مو شي بيتعب النفسيه ولا شي جذي انا شايف الكل متاقلم...
المعيشه متوسطه بكل شي...المعهد مقفل مثل مانذكر قبل لتكدس العرب فيه....
الدبلوم معادلته راح تصير لمن توصل المدينه وتكلم مكتب القبول والتسجيل وبعدين تكلم كل قسم يقولون لك عليه وتشوف اذا يقبلون ولا لا...تخصص المحاسبه زين بهالجامعه ومتوسط الصعوبه الى سهل .... المدينه صغيره فما فيها هالاشياء لكن في مدينه بتسبرغ مدن ترفيهيه تبعد ساعه بالسياره عن مورقاتاون...عندنا هني مول وسينمتين ومسرح للعروض المسرحيه اذا لك بهالسوالف ومطاعم..والباجي مناظر طبيعيه وطلعات....تتميز بالطبيعه والجبال والشعب الطيب قلييل السود بالمنطقه واغلبها طلبه من ولايات ثانيه...والمنطقه جبليه زراعيه...

أخي الفاضل bandet؛؛؛؛؛؛
شكرأ على المجهود الطيب والله لايحرمك الأجر
حبيت استشيرك في راي ونت رأيك طبعن يهمني
انا مثل ماذكرت ماسبقاً معي دبلوم أشعة وحاب
ان اعادل الدبلوم في الشركة المريكية WES
فما رايك في هل شركة
وطبعن سمعة من بعض الاخوان ان WES
متخصصة في هل شي ونا الجامعات الامركية
يحولون الطلاب لها ومن ثما يعتمدون المعادلة

في الختام الشكر لشخصك الكريم

شكراً على المعلومات القيمه والمفيده

طيب ممكن معلومات عن مدينة بتسبرغ من ناحية المعيشه فيها والمعهد وقوته والجامعه وصعوبتها او العكس

عبدالله والله ماعندي اي معلومات مفصله عن تحويل الدبلومات بس اللي اعرفه انك تقدر تحول مواد دبلوم...WES ماسمعت فيه قبل..بس بما ان اكثر من شخص قالك انه يسوون هالشغله فاعتقد انه لا باس فيه اذا لم يكن جيدا جدا والله اعلم...عموما الشغل هني حلو بالجامعات والكليات يعني اتوقع زين باذن الله... بس اسال زياده لا تعتمد كلامي لانه راي شخصي بس
------------------------------------

az-007:
المدينه متوسطه الغلاء...تصلح سكن احسن من مورقانتاون اكيد...لانها مدينه مو ريفيه...انا افضل المدن...في اكثر من معهد هناك بولاية بنسلفانيا وتختلف مستوياتهم مستوى اللي بمدينة بتسبرغ حلو وبحم انك بمدينه كبيره شوي فيمديك انك ماتقابل عرب كثير عشان تكتسب اللغه يعني مو كل ساع تسلم وسوالف ...مادري عن صعوبة الجامعه بصراحه
-----------------------------------

اخوي الناصر:

انا سالت صاحبي عنها يقول انها مو شي وفي سكن اسمه six in the village 7 دقايق عن الجامعه والمعهد...ومقاربه لمورقانتاون بالجو ومافيها جبال..السعوديين مو كثير فيها هذا كلام صاحبي...مابي اخوفك ولا احبطك بس الولد قالي بالحرف "اذا كان الرجال يعز عليك لا تخليه يروح هناك" وحبيت اكون صريح معاك لان المجامله بالشغلات هذي ماتنفع

موفقين خير

اخوي ياهلا وشكرا على الرد
امس زرت مورغان تاون وشوفت ال Augustas بس حسيت انه غالي شوي
بس مافهمت عليك بخصوص لسكن الاخر يالي تقول ب 600
وش اسمه لو تكرمت

غالي على مكانه ...لان الجامعه يمك على طول....الثاني اسمه skyline
وفي اكثر من سكن جيك عليهم
Westrun
Copper beach
Mountain Valley
The District

السلام عليكم والرحمه
قبل كل شي اشكرك اخوي على مساعدتك لكل طالب ومحتاج وان شاءالله تكون بميزان حسناتك
انا ابغى اسال عن السمر كلاسيس بالجامعه لقيت بالموقع عندهم كلاسات ممكن تكون اسبوع او اسبوعين وفي كلاسات بالويك اند
وكلاسات بالليل ..جيت ابسجل لان في كم ماده محتاجه انهيها بالتسلسل زي انجلش 101 وبعدها ثاني اسبوع اخذ انجلش 102 مثلا
وهكذا لكن حست بالموقع احاول اسجل ماعرفت اذا عندك خطوات الستجيل ياليت تساعدني وعساها بميزان حسناتك ان شاءالله