مبتعثين جامعه جورج ميسن - فيرجينيا

اضافه فيرفاكس مجازيا تعتبر جزء من واشنطن العاصمه
والجامعه متميزه جدا

كم تقريبا تكلف المعيشه فيها تقريبا ؟

ولك جزيل الشكر

مشكوره على الموضوع اختي
بس حبيت اسئل الجو في فرجينيا كيف برد بالشتاء ولا زي السعوديه وايضا الشعب ممتازين
وكمان حبيت اعرف العوائل غاليه واسلوبهم حلو
وجزاكم الله كل خير

السلام عليكم ورحمة الله وبركاته

كيف الحال ياخواني الاعزاء وكل عام وانتم بخير ورمضان مبارك عليكم ان شاء الله

انا من طلاب جامعه جورج ميسون طبعا انا اقصد معهد اللغه .... وانا واقع تجربتي في المعهد انني استفدت كثييير من المعهد وانه افضل من المعاهد الماديه الاخرى وانا ااقول هذا الكلام من واقع التجربه لانني كنت ادرس في معهد مثل معهد ELS ولكنني لم استفد الكثير منه. ولكن يوجد هنا بعض من الطلاب يقولون انو المعهد سيئ وبعضهم يقول ان المعهد ممتاز هذا لا يعتبر شئ اساسي لان العالم كله راح يختلف في الرأي لكن انا اقول الحمدلله اني وفقت في هذا المعهد واني ادرس فيه... هذا بالنسبه للجامعه
اما بالنسبه للسكن فيختلف من منطقه لمنطقه انا ساكن في فيرفاكس قريب جدا من الجامعه 6 دقايق بالسياره ولكن انا استخدم الباص وذلك بسبب اذا معاك كرت الجامعه اللى هو (ID) راح تركب بعض الباصات مجانا وما تحتاج دفع اي مبلغ... ولكن قيمه السكن اللى انا ساكن فيه من غرفه وحمام ومطبخ وصاله يعني شئ كويس ومنطقه جدا أمنه ولله الحمد ب 1095 دولار شامله الماء وطبعا الكهرباء في الصيف بتجيني في حدود 60 دولار في الشهر وحسب الاستهلاك في الاول والاخير.
واي خدمات اخرى انا حاضر.....

تقبلو تحياتي وربي يوفقكم إن شاء الله

أخوكم

انا لي بالولاية اربع اشهر والى الان موجود ولله الحمد.
المعهد التابع للجامعة جدا كويس لاكن يعيبه نظام جامعي المستوى الواحد فصل دراسي كامل.
يعني اذا تدخل من اول مستوى راح تعاني اذا ماتشد حيلك وتتخطى مستويات باختبار تحديد المستوى الي راح تختبره قبل بدايه اي مستوى عشان يعرفون مستواك ممكن يخلونك تتخطى مستوى او مستوين حسب معلوماتك باللغة.
لاكن المعهد جدا مفيد.
بالنسبه للقبول بالجامعه مفصول عن قبول المعهد والي معه بس قبول معهد يقدم من الان على قبول الجامعه لانه ياخذ مايقارب اربعه اسابيع من استلام الاوراق المطلوبه كامله
المدينه جدا حلوه وامنه كثير يعني الحمدلله من جيت ماشفت ولا مشكله لا صغيره ولا كبيره خصوصا للعوايل جدا مناسبه.
قريبه جدا من الملحقية الثقافية تروح لها بالمتروا نص ساعه وبعام 2011 راح تنقل الملحقية في مدينة فيرفاكس يعني راح تكون قريبه مره.
بنسبه للسكن تقدر تزيد او تنقص على نفسك ... يعني في ساكن غالي جدا وفي سكن مناسب وفي سكن رخيص.
لاكن من واقع تجربتي اول ثلاثه شهور لي سكنت مع عايله ونقلت الان بمجمع سكني .... السكن مع عايلة يتراوح مابين 600$ و 900$ واختلاف السعر ماعرف سببه الا ان نفس الخدمات مقدمه من كل العوائل يوفرون لك غساله وممكن تكون مشتركه بينك و بينهم و عليهم الكهرباء والماء والغاز.
وبنسبه للشقق توجد مجمعات سكنيه خاصه وتكون مؤمنه مايدخلها الا الي يسكنون بنفس المجمع السكني وعليك الكهرباء والماء والغاز.
والاسعار تتراوح مابين 800 الى 1500 على حسب جوده الشقه وحداثتها وعلى حسب عدد الغرف ، لاكن بالعادة كل غرفه زياده يفرق عن الغرفه الوحدة مع الصاله مابين 120$ الى 160$ ، الي جاي على حساب الحكومة ضروري يخذ معه تعريف بالراتب من الملحقيه عشان يقدر يعفى من بعض المجمعات السكنيه مبلغ التأمين الي يكون بالعادة مبلغ اجار شهر والي على حسابه الخاص ياخذ احتياطه.
في مسجد قريب من الجامعة بالسيارة ست دقايق.
في بنفس الولاية ملحمة عربيه وبقالات ومطاعم عربية .
بنسبة لشعب جدا صديق وحبوب كثير ومتساعد بشكل كبير خصوصا ان فيه الامريكان بنسبه كبيره وهذا جيد.
في بنفس الجامعة منتدى طلاب السعويين جدا متساعد وانصح اي طالب عنده اي استفسار يقدر يسألهم او محتاج مساعه باي شي بالجامعة او خارجها ماراح يقصرون معه.



بالاخير اعذروني لو قصرت بشي ....لاني كتبت هل كلام بسرعه وان شاء لي عوده بالموضوع مره اخرى.
ـ*
ـ*
ـ موفقين.

منجد كلام مفيد
الله يسلمك و يوفقك يارب
وياليت تخبرنا كيف يومك في رمضان .....

88

هذا أول يوم لي برمضان ,, الصيام هنا طويل بسبب ان الشمس تشرق من بدري وتغرب متأخر ( ماعندهم ليل ) .

يعني الامساك من 4:37ص إلى 8:27م , مايقارب 16 ساعة,, لاكن الحمدلله على كل حال , مرتب اموري ونطبخ في الشقة ( ياحظ الي بتاخذني هههههههه ) .. وبس

مبروك عليكم الشهر وتبلغونه كل عام...

هههههههه بتوفيق ونا بأذن الله قريب والى ونا عندكم

ياسلام عليك كله على اجره
وبديت الدراسه في المعهد ولا لسى

وانا بعد بسير جارتكم في نفس الولاية بس اتمنى اني اتعرف على احد اوتعرفوني على احد اقدر اتواصل معاه لاني ماأعرف اي احد هنا