ممكن معلومات عن جامعة FLORIDA INTERNATIONAL UNIVARSITY???

فينكم يا شبااااااب ميامي؟؟

مبروك أخ فايز ميامي اختيار موفق.
المدينه اغلب سكانها من امريكا الجنوبيه يجي في المرتية الثانيه الامريكين الافارقة ثم البيض.

المعيشة غالية خصوصا السكن. الاسعار تترواح مابين 800 الى 1600 للشقه
ا
نا ساكن في ميامي لكن في جامعة ميامي تقريبا تبعد نصف ساعه عن جامعتك. بالنسبه للسكن انا عانيت في البدايه لاني ماحجزت في الدورم حق الجامعة من بدري. فاضطريت اسكن برا.
لكن في مواقع على النت يمكن تحصل فيها سكن
وهي:
موقع الجامعه:
http://www.fiu.edu/~housing/
السكن في الصوره شكله حلو.... طبعاً يبغالك تحجز من قبل.
فيه خيار ثاني وهو كريقزليست حق ميامي
http://miami.craigslist.org/apa/
هذا يبغالك شوية صبر حتى تلقى المكان المناسب والسعر المناسب.

نصايح:
حاول تسكن قريب من الجامعة لان وسائل النقل العامة في ميامي مضروبه. مافي باصات يعتمد عليها.
اذا طلبو منك ارسال مبلغ لحجز الشقة. لا ترسل الا اذا كانت الجهة موثوق منها مثل الجامعة.

بالنسبة للتغير الجامعة اكيد تقدر

بالتوفيق

مشكوووور اخوي عل رد

وعندي كم سؤال ياريت تجاوبني عليهم


طيب بالنسبة لاول مرة راح اعتمد على نفسي ولا الملحقية حتدبرني؟من ناحية السكن؟؟

وهل تغيير الجامعة ممكن يكون خلال دراسة اللغة؟ ولا بعد دراسة اللغة؟


وشكرا

نو بوروبليما
الله يخلف على الملحقية. ما حيفيدونك بشي من ناحية السكن. لكن تقدر تكلمهم وتاخذ ارقام الطلاب اللي في جامعة FIU. بحيث انك تكلمهم وتشوف وش وضع السكن في الجامعة. انا والله ماعرف احد في الجامعة.
بس حاول تدبر السكن قبل ماتجي لميامي. اسال مجرب انا جيت قبل الدراسه باسبوع وماليقت سكن قريب من الجامعة لمدة شهر. كلها كانت في الفندق. والفنادق غالية.
المهم دق على الرقم الموجود في الصفحة اللي ارسلتلك ياها او ارسلهم ايميل. لان سكن الجامعه يقفل من كثر الطلب عليه.
بالنسبة للتحويل الملحقية تقبل اذا كان فيه سبب مثل جاك قبول في جامعة ثانية.
اذا تقدر تغير من الان قبل ماتجي حيكون احسن، مدامك ضامن انك بتغير الجامعة. وخصوصا انه في جامعات تقبل باجتياز برنامج اللغة بدل عن التوفل.

مشكووووور اخوي

وربنا يوفقك

على فكرة ابغى اسألك بما انك هناك


هل السكن بالجامعة افضل ؟؟؟ ولا خارج الجامعة ؟؟ لاني سمعت انو سكن الجامعة ليه وقت محدد ويقفل ؟؟

لا يارجل..... مافي اي وقت محدد للدخول او الخروج
بالعكس السكن في الجامعة أحلى شي من ناحية:
1- قرب من الجامعة، تقوم قبل المحاضرة بنص ساعة.
2- تستفيد من خدمات الجامعة المكتبة الملاعب و الجيم و المطاعم.
3- تتعرف على ناس وتختلط وهذا يفيد من ناحية اللغة.
4- مايحتاج تشتري اثاث واغراض للشقة. وبعدين يمكن تنقل لمدينه ثانية فتبلش فيهم.
5-سكن الجامعة امان اكثر.
يله فايز نتمنى لك كل التوفيق وانشاء الله نسمع اخبار حلوه عنك....

ياعيني عليك

واللهي ما قصرت وربنا يوفقك